HEBRU 2:6 - Zotung Bible 2016

⁶ Thuasalama Ccathyaa san kheit kyakhe lukheitpaw nynh, “Ccungccaw tuh paw athua keiccu mou nang nynh na tua na lia? Tuhkhyhze, ccungccaw ccapaw tuh paw athua keiccu mou na do-oih?

HEBRU 2:6 Iomraidhean Croise

GENESIS 50:24

Oute Josef nynh a uno hae kha, “Ka chih vae cih, thuasalama Pachia tuh nanning kalan yn thua ccaccing cih zah Abraham, Isak te Jakob kya bya a kinkupaw ram langkhe e ram kyate ae cciakhae thung cih oh,” a cipya hae.

JOB 15:14

Ccungccaw tuh paw thua zahte mou a thyaa kho lanpaw tuh? Nopi nynh a saahpaw tuh paw thua zahte mou a ding kho lanpaw tuh?

JOB 25:6

zanpaw athuapaw ccungccaw, tangkaria athuapaw ccungccaw thathy tuh holae um vae khyh!” a ci.

The Psalms 144:3

Pou Bawipaw , ccungccaw hynh paw athua keiccu mou na peki? ccungccaw hynh paw athua keiccu mou na tua?

ISAIAH 40:17

Minphuin balyn hynh amaw malang tuh paw sanmah thua khyh hae; minmin tuh accakaepaw te pawpaw san a um leipaw laeze azya huapaw lang nynh a ria hae.

ISAIAH 51:12

Nanning kha ngaengannaw ae pyatu oh paw tuh kamaw nynh ka thua; a chih cih paw ccungccaw, lonua hawte a naanthyapaw ccungccaw maesae kha pawccemou na ripya?

LUKA 1:68

“Israel Pachia Bawipaw tuh thehoysah oh sih, pawccecize a ccungccaw hae kha bawm hae zah a shawkhaw hae.

LUKA 1:78

Ah Pachia kya-e nevyalyapaw ngaethyaumsahnaw liate vaawlang e khuaninpaw nynh aening tungvaw yn thua cih,

LUKA 7:16

Mih balynte mih rikawthua zah Pachia kha the a hoysah hae. Abang nynh, “Aening laku alesaepaw profeh nynh yn langkuh vae! Pachia nynh a ccungccaw hae kha a bawm vae hae!” a ci hae.

1 THESALON 4:6

hynh-e kong kya hum nynh sanmah a uno kha hynpyate a sei khyh nawlan Pachia nynh a ry. Pawccecize kaening nynh kae hopah vae oh zah raeringnaw hoyte kae pya vae oh hawte, Bawipaw tuh tuhcihawpaw uccaw balyn hanlan liarutu nynh thua.

HEBRU 4:4

Pawccecize Ccathyaa san kheit kya nin sarinaw nin kong kha hynhte a ho, “Pachia tuh nin sarinaw nin kya a ryalaw hae balyn kyate a haeung,” a ci.

HEBRU 5:6

Ccathyaa ccangpaw kyakhe, “Nang tuh Melkhizedek thuanaw thyhte zungzae ranpibawi nynh na thua,” cite mah a ho.

1 PETER 1:11

Khri a teingnaw te tuh-e yn zui lanpaw phu-enaw kong kha minmin kya umpaw Khri Muisaw nynh ccaekia he a khanpah ty hae tuh, hummou a hothe ry, tuhkhyhze paw ccyh mou a hothe ry cipaw kha thawte a ccung hae.