HEBRU 2:11 - Zotung Bible 2016

¹¹ Pawccecize a thyaasahtu te thyaasah athuapaw balyn tuh parouhte mih thonaw ccangkheit nynh thua. Tukeiccuze Jesu nynh minmin kha uno hae cite ko lan a maethyakhaekuh khyh.

HEBRU 2:11 Iomraidhean Croise

MATTHAI 25:40

Siapharan nynh, ‘Byaccaccing kae hopya oh, e ka uno hae kyaze adih huapaw lu kheit tungvaw na cyi oh paw miakaw tuh ka tungvaw na cyi oh paw nynh thua,’ a cipah cih hae.

MATTHAI 28:10

Jesu nynh minmin kha, “Rih nan oh; cceih oh lah ka uno hae kha Galilee lang ccia lan la hopah oh, tuin kya minmin nynh kae kha yn muih cih hae,” cite a hopya hae.

MARKA 3:34

Te a pepan a haung hae paw kha po do hae zah, “Dotua oh, e hae hynh ka nung te ka neitaw hae!

MARKA 8:38

Tukeiccuze a ohhuakuhpaw te a seipaw hynh-e ciihan kyahin humhung zemah kamaw te ka bya kha mae yn thyakhaepaw tuh Ccungccaw Ccapaw nynh mah vaaw mithyaa hae ryte a Paaw phu-enaw te yn thua vae ze a maethyakhae ru cih,” a cipya hae.

LUKA 9:26

Humhung zemah kae te ka bya kha a mae yn thyakhaepaw tuh Ccungccaw Ccapaw nynh zemah a phu-enaw, Paaw phu-enaw te vaaw mithyaa hae phu-enaw ryte he yn thua te a maethyakhae ru cih.

JOHAN 17:19

Minmin mah byaccing te thyaasah athua nawlan hae, minmin elang kamaw te kamaw kha ka thyaasaku.

JOHAN 17:21

Mih balynte ccangkheit athua nawlan hae saw ka sang. Apang, nang tuh ka kya na um zah kae mah na kya ka um hawte, minmin mah aening kya umbua hae sah. Nang nynh kae hynh nae saw cipaw laephi nynh a zyn nawlan minmin tuh ccangkheit lang beih tang hae sah.

JOHAN 20:17

Jesu nynh, “Yn kyng nan, pawccecize ka Paaw kalan ka kaethung loh khyh; thuasalama ka uno hae kalan la cceih lah, kae tuh ka Paaw athuapaw nae Paaw, ka Pachia athuapaw nae Pachia kalan ka kaethung cih cipaw la hopah hae,” a cipya.

LOCCEIHTU 17:26

Aning nynh ccungccaw lu kheit kyate minphuin miakaw kha rae zah laephi pynpi kya a umsah hae; mih hiinnaw ccyh te mih umnaw ramri kha a khyapya hae.

LOCCEIHTU 17:28

Pawccecize ‘Aening tuh amaw kya nynh ah hiin oh, ah pia oh zah ah um oh’; nanning laku e byarui a phuatu hae abang nynh, ‘Aening mah amaw ciihan nynh ah thua oh,’ cite a phua hae hawte nynh thua.

Romans 8:29

Pawccecize Pachia nynh a Ccapaw kha uno hae patae laku kya ccatawccaw lang a tang ccaw cite Pachia nynh a ny typaw ccungccaw hae kha a Ccapaw muinsan te losaku khylan ccangte a nung hae.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.

HEBRU 10:10

Tuh-e rynaw liate, Jesu Khri pyn kha zungzae hanlan vaekheit kyalya pyanaw liate aening tuh thyaasah ah thua vae oh.

HEBRU 10:14

Pawccecize pyapaw uccaw ccangkheit liate thyaasah athua hae paw kha zungzae accingpaw lang a rae hae.

HEBRU 11:16

Thuasalama minmin nynh ahoy huapaw ram kha a ngae hae, tuh-e ram tuh vaawram nynh thua. Tukeiccuze mih Pachia cite koku lanpaw kha Pachia tuh a maethah khyh; pawccecize Pachia nynh minmin hanlan khuapi kha a paccynpya vae hae.

HEBRU 13:12

Tukeiccuze Jesu mah amaw a chii te ccungccaw hae kha thyaasah khylan koikua atolang khe a teing.

HEBRU 2:14

Tukeiccuze imua hae tuh chii te saw kha a neethungkuh bua hae paw athua keiccuze, Khri amaw mah tuhawte chii te saw kha a neethungkuh bua; tuhcite Khri a chinaw liate chinaw tungvaw kawhoitu Satan kha rote,

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.