HEBRU 2:10 - Zotung Bible 2016

¹⁰ Pawpaw balyn tuh amaw liate um zah amaw hanlan athuapaw Pachia nynh ccaaw hae patae kha phu-enaw kalan a cciakhaenaw kya, minmin khumnaw a thokhaetupaw kha a teingsahnaw liate accingpaw lang a tangsahpaw tuh angaekuhpaw nynh thua.

HEBRU 2:10 Iomraidhean Croise

GENESIS 18:25

Miding hae kha ccungccaw hoylei hae hawte athua khyh nawlan hae, miding hae kha tuh-e hae ryte chiakheih lanpaw tuh namaw kyate sawkuh sah. Laephi pynpi Byapiatu nynh ahmete byapia lan khyh tou?” a ci.

PHUNGTANGBYA 16:4

Bawipaw nynh atyn-are kha mimaw eenaw raveih hanlan a rae, ccungccaw hoylei hae paw heize vawsawnaw nin hanlan a rae hae.

ISAIAH 43:21

Kamaw hanlan ka raekupaw tuh-e minphuin nynh kamaw thehoysahnaw kha a siakhae cih.

ISAIAH 55:4

Dotua oh, David kha ccungccaw hae hanlan ccaekia lang ka rae zah, cciakhaetu te kawpyatu lang ka rae vae.

HOSEA 8:10

Minphuin ccangpaw hae kalan a zuaku hae zemah, minmin kha ka suelua cih hae; ccyh aro mawze siapharan hae te bawi hae kya-e phupaw ripaw kha riathaete a phu cih hae.

MIKAH 2:13

Laanpi a hungtupaw tuh mih malang a cceih cih; minmin nynh koikua kha a khya cih hae zah, tuin kyate a pou cih hae. Mih siapharan tuh mih malang khe a cceih cih, Bawipaw nynh mih malang te a cciakhae cih hae.

NAMBAR 7:15

maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

LUKA 13:32

Jesu nynh minmin kha, “Nanning la cceih oh lah tuh-e suizaw tuh, ‘Atunin te awkhualan tuh raerangsaro hae kha ka de cih hae zah ngeccih hae kha ka dansah cih hae. Tuinte nin thumnaw kya ka ryalaw ka thangsah cih,’ a ci cite la hopah oh.

LUKA 2:14

“Ahang huapaw vaawlang kya Pachia tuh phu-esah thua sah, a sungsah hae paw a umnaw hae lae vawlan hin daenaw um sah!” a ci hae.

LUKA 24:26

Khri tuh hynh-e hae hynh a teing koute a phu-enaw lungkhu lang tee lan ccan khyh tou?” a cipya hae.

LUKA 24:46

Minmin kha, “Ccathyaa kya hynhte azeikuh, Messiah tuh a teing cih zah nin thumnaw kya a chih hae paw kyate a thoothui cih.

JOHAN 11:52

tuh-e minphuin hanlan kyalya thua leite, a phiakuh hae paw Pachia ccaaw hae kha pynkheihlan suelua khylan yn chih cih cipaw kha profehbya a hopaw nynh thua.

JOHAN 19:30

Jesu nynh misutui ariapaw kha a neih koute, “Athang vae,” a ci; tukoute a lu ting zah a hy athang.

LOCCEIHTU 3:15

Pachia nynh chinaw kyate a thoosahpaw hiinnaw Bawipaw kha na chia oh. Tuh-e konglang te kaening tuh ccaekia hae nynh kae thua.

LOCCEIHTU 5:31

Israel hae kha ngaesikunaw te seingaethyanaw pya khylan Pachia nynh amaw kha Cciakhaetu te Khumtu lang khang zah a ranglang khe phe a hangthung vae.

Romans 11:36

Pawccecize pawpaw tynre balyn tuh amaw kyate, amaw liate, amaw hanlan nynh thua. Amaw kya phu-enaw zungzae um sah. Amen.

Romans 9:23

Pachia nynh phu-enaw hanlan a paccyn ty vae paw, ngaethyaumsahnaw a ccou hae paw ang hae tungvaw kya a phu-enaw kya-e hoirumnaw kha langsaku khylan phe a cyi vae zeso pawmou ho lan ung?

1 KORIN 2:7

Thuasalama Pachia hawnaw byakhupaw kha nynh kae ho, tuh-e tuh laephi a um mawze Pachia nynh aening phu-enaw hanlan a paccyn ty vae paw thuruh athuapaw hawnaw kha nynh thua.

1 KORIN 8:6

aening hanlan tuh Paaw, Pachia ccangkheit rou nynh a um, pawpaw balyn tuh amaw kyate oun um zah, aening tuh amaw hanlan nynh ah hiin oh. Bawipaw lu kheit, Jesu Khri rou nynh a um. Pawpaw balyn tuh amaw liate um zah, aening mah amaw liate nynh ah um oh.

2 KORIN 3:18

Aening balyn tuh ah mae bongku leite muinsado kya lang hawte Bawipaw phu-enaw kha ah langsah oh, aening tuh phu-enaw ccangkheit kyate ccangkheit kalan lethungte amaw muinsan alo lante rulae ah thua oh; pawccecize tuh-e rulaenaw tuh Muisaw athuapaw Bawipaw kyate yn thuapaw nynh thua.

2 KORIN 4:17

Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.

2 KORIN 5:18

E hae balyn tuh Pachia kyate nynh thua; Pachia nynh Khri liate aening kha amaw ryte bua oun ccawsakuthui zah, ccawkuthuinawpaw rya kha kaening oun pya;

2 KORIN 6:18

Kae tuh nae Paaw ka thua cih zah nanning tuh ka ccapaw hae te ka ccanung hae na thua cih oh, cite Alesaepaw Bawipaw nynh a ci,” cite a ho.

GALATI 3:26

pawccecize nanning balyn tuh zynnaw liate Khri Jesu kya Pachia ccaaw hae nynh na thua oh.

EFESA 2:7

tuh-e tuh Khri Jesu liate aening ngaethya oun umsahnawpaw a thawccinaw myarya alepaw kha yn thua lanpaw she kya oun langsahpya nawlan nynh thua.

EFESA 3:10

tuhte muihsah a rynawpaw tuh Pachia hawnaw aphuinphuin kha vaawlang e uktu hae kalan te kawhoitu hae kalan khriccaawbuu liate atu nysah bua athua nawlan nynh thua.

KOLOSE 3:4

Aening hiinnaw athuapaw Khri he yn langkuh te, nanning mah phu-enaw kya amaw ryte nae langkuh bua cih oh.

2 TIMOTE 2:10

Tukeiccuze popaw ccungccaw hae nynh mah Khri Jesu kya a umpaw khumnaw kha zungzae phu-enaw ryte a muebua nawlan hae, minmin hanlan pawpaw balyn kha ka ngaesang.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 6:20

Melkhizedek thuanaw thyhte zungzae Ranpibawi Lupi athuapaw Jesu, aening hanlan Zeccuetupaw tuh tuh-e kalan phe a tee vae.

HEBRU 7:26

Pawccecize athyaapaw, seibe lan accan leipaw, anungsikuh leipaw, misei hae kyate a phiakuhpaw, te vaawlang hae laeze ahanghua lan hangthung athuapaw tuh-e Ranpibawi Lupi tuh aening hanlan angaekuhpaw nynh thua.

HEBRU 7:28

Pawccecize kawbya nynh thawzyanaw a hoipaw ccungccaw hae kha ranpibawi lang a khang hae. Thuasalama kawbya koute yn thuapaw byakinnaw kya-e bya nynh zungzae accingpaw Ccapaw kha a khang.

1 PETER 1:12

Profeh hae nynh rya a law hae paw tuh mimaw hanlan thua leite, nanning hanlan nynh thua cipaw kha mih kalan phypya athua; vaawlang te saw athuapaw Thyaa Muisaw liate nae kalan thehoy bya a ho hae paw kha mangte, tuh-e uccaw hae tuh atu nanning kya hopya athua vae. Vaaw hae nynh tuh-e uccaw hae tuh riri do lan a ry hae.

1 PETER 5:1

Pastor athua buapaw, Khri teingnaw hae kong ccaekia athuapaw te yn langkuh cih paw phu-enaw a neethungkuh buapaw mah athuapaw, kae nynh nanning laku e pastor hae kha thawte kae hyy oh:

1 PETER 5:10

Khri Jesu liate zungzae tynpaw a phu-enaw kalan ae kotu oh paw, thawccinaw balyn a hoitupaw Pachia nynh sosoh na teing kou oh te, nanning kha ae ccingsah cih oh, ae thadynsah cih oh, thaw ae saesah cih oh zah ae tynsah cih oh.

BYAPHY 4:11

“Pou Bawipaw, nang tuh phu-enaw, sawtuanaw te huhan kha mue lan na ngaekuh; pawccecize pawpaw balyn kha na rae vae, tuh-e hae tuh na rynaw hawte rae thua zah a um hae,” a ci hae.

BYAPHY 7:9

Tukoute ka do zah ram takyh, phin takyh, minphuin takyh te bya takyh a ho hae paw kyate riatae leipaw ccungccaw zapi pi tuh bawitungkhung malang te Tuutaw malang khe a thadyn hae; minmin tuh arawpaw angkiccua kha lawkuh hae zah mih kuih kya sarutah ange hae kha ccyng biate,