HEBRU 13:9 - Zotung Bible 2016

⁹ Alokuh leipaw ccangpyakunaw aphuinphuin nynh ae cciakhaesei nan oh sah; pawccecize aepaw te thua leite, thawccinaw liate lungthawsaesahpaw tuh ahoypaw nynh thua. Aepaw kyalya phang a tua hae paw tuh thanenaw mue khyh hae.

HEBRU 13:9 Iomraidhean Croise

The Psalms 112:8

Mih thinlung tuh tyn zah rih lan khyh hae; athangnaw kya tuh mih rhaw hae tungvaw taenaw a mue cih hae.

MATTHAI 24:24

Pawccecize lingthya messiah hae te lingthya profeh hae oun langkuh cih hae zah athua kho ze alepaw muihsahnaw te ngaeangnaw kha oun langsakuh cih hae; ou khate popaw ccungccaw hae kha heize oun ling cih hae.

MATTHAI 24:4

Jesu nynh, “Humhung nynh mah ae ling khyh nawlan oh la raeringkuh oh.

LUKA 5:38

Misutui athawpaw tuh athawpaw misutui-saphuabawng kalan ruin lanpaw nynh thua, te nynh parouhte akhyn hae.

LOCCEIHTU 20:30

Zuitu hae kha mih kalan soih khylan hynbya a hopaw ccungccaw abang kha naemaw kyate heize oun langkuh cih hae.

LOCCEIHTU 20:32

Uteno hae, atu nanning kha Pachia kalan te a thawccinaw bya kalan kae ap vae oh; tuh-e bya nynh nanning kha ae lethungsah kho oh zah thyaasah athua vae hae paw balyn ryte rho kha ae pya kho oh.

Romans 14:17

Pawccecize Pachia peenaw tuh aepaw te niapaw hynh thua leite, Thyaa Muisaw kya dingnaw, daenaw te lungpawnaw nynh thua.

Romans 14:2

Pawccecize ccungccaw abang nynh aepaw miakaw tuh ae lan accan cite a zyn hae, thuasalama a thawzyapaw nynh tuh enaw-rohnaw rou kha nynh a ae.

Romans 14:6

Ninsaw kha a sungpaw ccungccaw tuh Bawipaw sawtuanaw te nynh a sung, ninsaw kha a sung leipaw ccungccaw mah Bawipaw sawtuanaw te nynh a sung khyh; a aepaw ccungccaw mah Bawipaw sawtuanaw te nynh a ae, pawccecize Pachia kalan lungtuabya a ho; te a ae leipaw ccungccaw mah Bawipaw sawtuanaw te ae khyh zah Pachia kalan lungtuabya a ho.

1 KORIN 6:13

Looh tuh vue hanlan thua zah vue tuh looh hanlan nynh thua. Thuasalama Pachia nynh tuh-e hae tuh parouh mawte a roh cih. Pyn tuh ohhuakunaw hanlan thua khyh, Bawipaw hanlan nynh thua, Bawipaw tuh pyn hanlan nynh thua.

1 KORIN 8:8

Looh nynh aening hynh Pachia kalan oun naesakuh hua lan khyh. Ah ae khyh oh zemah ah shunghua lae khyh oh, ah ae oh zemah ah miahua lae khyh oh.

2 KORIN 1:21

Nanning te kaening kha Khri kya oun tynsah zah chitui oun thuhpaw tuh Pachia nynh thua.

GALATI 6:1

Uteno hae, lukhakheit nynh seinaw a raeseipaw kha na muih oh ze, Muisaw ccungccaw hae nanning nynh nebaleihpaw thinlung te tuh-e ccungccaw tuh a umtynaw kya bua umsah oh; naemaw mah tuhounaw kya na ccaw khyh nawlan oh la raeringkuh oh.

EFESA 4:14

ou tuhte ccungccaw hae nynh hynpyanaw liate, a cyisakuh thyapaw thyaruhnaw te a pheethyapaw pheenaw kya ccangpyanaw khisan miakaw nynh po cciakhae hae zah nulang malang a hekuh hae paw imua hae thua vae leite,

EFESA 5:6

Accakaepaw bya hae khate hum nynh san ae la ling nan oh sah; pawccecize khahcihawpaw uccaw hae keiccuze Pachia thinrianaw tuh kawngae lei hae paw tungvaw a ccah.

KOLOSE 2:4

Hum ccungccaw nynh san soihpaw bya hae te nanning kha ae ling khyh nawlan oh e hynh kae hopya oh.

2 THESALON 2:17

nae thinlung kya ngaengannaw ae la pya oh sah lah, ahoypaw ryalaw te bya miakaw kya thawzung ae la pya vae oh sah.

2 THESALON 2:2

Bawipaw Nin tuh phe a thua vae paw hawte muisaw te thuasah, bya te thuasah, kaening kyate yn thuapaw ccaky o-ang lante thuasah oun ho hae ze, bungzounaw te siikunaw palou na hoi khyh nawlan oh kae ngia oh.

1 TIMOTE 6:20

Timote, na kya ae apsya hae paw kha la rin. Anungsikuhpaw te accakaepaw byahokupaw te ahme lei lante nynaw a ci hae paw konglang eikunaw kha la sibia.

1 JOHAN 4:1

Ka sungsah hae, muisaw miakaw kha la zyn nan oh; muisaw hae kha Pachia kyate yn thuapaw tou, yn thua leipaw tou cipaw kha la syntawtua oh; pawccecize lingthya profeh hae patae tuh laephi vawlan oun langkuh vae hae.

JUDE 1:12

Vaeccawkunaw poi tuakute nanning ryte na aekheih lya oh khe, maethya ny leite mimaw kyalya looh a dangkuh hae paw, athupaw abekuhpaw nynh thua hae. Minmin tuh khisan nynh a cciakhaepaw khuaatui a um leipaw maeking hawte thua hae zah, atharui kyate khohbia hae paw vae ning chihpaw, athae a um leipaw tangvaw ccyh e thingku hae hawte nynh athua hae;

JUDE 1:3

Ka sungsah hae, aening nynh ah mue kalang oh paw khumnaw kong kha nae kalan zei lan thawte ka zuakuh lyakhe, mithyaa hae kalan vaekheit te zungzae cia a la pya hae paw zynnaw hanlan thawte na dou nawlan oh nanning kha hyy khylan ccaw zei aho cite ka muih.