HEBRU 13:8 - Zotung Bible 2016

⁸ Jesu Khri tuh inkhawnin, atunin te zungzae cia rulaekuh khyh.

HEBRU 13:8 Iomraidhean Croise

GENESIS 21:33

Abraham nynh Beersheba kyakhe mangking ku kukheit ling zah, zungzae tynpaw Pachia, Bawipaw min kha a ko.

The Psalms 103:17

Thuasalama Bawipaw kya-e atynpaw sungsahnaw tuh amaw rawrih hae paw tungvaw kya zungzae te zungzae cia tyn zah, a dingnaw tuh ccaawsenopaw cia atyn,

The Psalms 90:2

Mua hae na rae mawze, laephi pynpi na rae mawze nang tuh athonaw kyate athangnaw kyacia Pachia nynh na thua.

The Psalms 90:4

Na malang tuh kum thong kheit hynh athang vae paw inkhawnin hawte thua zah, khuazi ccyh ccyhkheit hawte nynh athua.

EXODUS 3:14

Pachia nynh Moses kha, “KAE TUH KAE NYNH KA THUA. Tukeiccuze, ‘KAE NYNH KA THUA a cihtupaw nynh kae kha nae kalan yn saw,’ cite Israel hae kha na hopah cih hae,” a cipya.

ISAIAH 41:4

E hae hynh hum nynh mou rae zah a cyih? Athotakawnaw kyate ccungccaw she miakaw kha a umsahtu tuh hummou athua? Kae, Bawipaw tuh masaty a umpaw ka thua zah, nyathyakou a umpaw mah ka thua cih.

ISAIAH 44:6

Israel Siapharan Bawipaw , amaw a Shawkhawtu, vaaw Bawipaw nynh a hopaw tuh: Kae tuh masaty te nyathyakou nynh ka thua; kamaw laelan ccangpaw pachia um khyh.

MALAKHI 3:6

Kae tuh arulaekuh leipaw Bawipaw nynh ka thua. Tukeiccuze, pou Jakob ccaaw hae, nanning tuh phe na roh khyh oh.

2 KORIN 1:19

Pawccecize Silvanas, Timote te kae nynh nae kya kae hopaw Pachia Ccapaw Jesu Khri tuh “Athua te Thua khyh” apydekuhpaw thua khyh; amaw kya tuh “Athua” ci mawcci.

2 KORIN 1:20

Pawccecize amaw kya Pachia kya-e byakinkupaw balyn tuh “Athua” ci thua zah, hynh-e keiccuze Jesu Khri liate Pachia phu-enaw hanlan aening nynh “Amen,” ah ci oh.

HEBRU 1:12

minmin kha boeining zung kheit hawte na bi cih hae zah minmin tuh a rulaekuh cih hae. Thuasalama nang tuh na rulaekuh khyh zah na hiinnaw tuh thang boi lan khyh,” a ci.

JAMES 1:17

Ahoypaw lasung miakaw te accingpaw lasung miakaw tuh aluki langte, awnaw hae mih Paaw kyate nynh oun thua hae. Amaw kya tuh rulaekunaw um khyh zah apaleihkuhpaw mynlyh cipaw um boi khyh.

JUDE 1:25

aening oun Khumtu, a makhae kyalyapaw Pachia tungvaw kya phu-enaw, lesaenaw, uknaw kaw te kawhoinaw tuh ah Bawipaw Jesu Khri liate atu te zungzae cia la um sah. Amen.

BYAPHY 1:11

Tuh-e roi nynh, “Na muihpaw kha ccauh kya zei lah, Asia ram e Efesa khua, Smyrna khua, Perkamum khua, Thiatira khua, Sardis khua, Filadelfia khua te Laodisia khua kya umpaw khriccaawbuu buu sari kalan ky hae,” a ci.

BYAPHY 1:4

Kae, Johan nynh Asia ram kya umpaw khriccaawbuu buu sari kha kae beihlang oh. Atu lya a umpaw, langmawlya a la um vae paw te malang zemah a um cih paw amaw kyate thuasah, a bawitungkhung malang a um hae paw muisaw hae ccangsari kyate thuasah,

BYAPHY 1:8

Bawipaw Pachia nynh, “Kae tuh Alfa te Omega nynh ka thua,” a ci. Aning tuh atu lya a umpaw, langmawlya a la um vae paw te malang zemah a um cih paw, Athung Huaccepaw nynh thua.