HEBRU 13:7 - Zotung Bible 2016

⁷ Nae kya Pachia bya ae la hopah oh paw, nanning ae la cciakhae oh paw kha la ning nan oh. Mih hiinzia nynh a poukhaepaw kha tua biate, mih zynnaw kha thydokuh oh.

HEBRU 13:7 Iomraidhean Croise

SOLOMON HLAW 1:8

Pou nopi hae laku kyaze sungsah lan um huaccepaw, na ny khyh ze, tuuphu hae ccunoh kha zui lah, tuurin hae bu pe khe na tuutaw hae kha paeesakuh hae.

MATTHAI 24:45

“Tuhte athua lanze inn hoitupaw nynh a inn kya-e ccungccaw hae kha a uktu lang te accyh azaw vae ze looh a pyatu lang a nungpaw a lungzipaw te a hawpaw see tuh hummou athua?

LUKA 12:42

Bawipaw nynh, “Accyh zaw vae ze mih hanpaw looh neesah lan te a see hae a uktu lang cite a bawipaw nynh a khang lanpaw a lungzipaw te a hawpaw synriatu tuh hummou athua?

LUKA 5:1

Nin kheit tuh Genesaret tuili kin kya Jesu a thadyn lyakhe ccungccaw hae nynh Pachia bya ngae khylan amaw kha a lungnuaku hae.

LUKA 8:11

“Tousenaw phungpaw tuh hynhte nynh thua: Ccacii tuh Pachia bya nynh thua.

LOCCEIHTU 13:46

Paul te Barnabas nynh rawhoyte houh ho hae zah, “Pachia bya hynh nanning kha masaty hopya lan accanpaw nynh thua; thuasalama nanning nynh tuh-e bya tuh na vua oh zah zungzae hiinnaw tuh kae ngaekuh khyh cite bya na piaku oh keiccuze kaening tuh atu Zenta hae kalan kae maekuh vae cih.

LOCCEIHTU 14:23

Khriccaawbuu takyh kya piccan hae kha khang hae zah looh-ae sungte saw a sang kou hae te, a zyn hae paw Bawipaw kalan khe tuh-e piccan hae tuh a ap hae.

LOCCEIHTU 4:31

Saw a sang kou hae te, a sueluakunaw hae inn tuh ahy; te minmin balyn tuh Thyaa Muisaw te beih hae zah Pachia bya kha rawhoyte a ho hae.

Romans 10:17

Tukeiccuze zynnaw tuh thaenaw kyate nynh yn thua, thaenaw tuh Khri kong honaw kyate nynh yn thua.

1 KORIN 10:13

Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.

1 KORIN 11:1

Kae nynh Khri kha ka dosuinku hawte nanning mah kae hynh oun dosuinkuh oh.

1 KORIN 4:16

Tukeiccuze kae hynh oun dosuinkuh oh cite kae ngia oh.

FILIPI 3:17

Uteno hae, kamaw thydokuh hae paw thua oh, kaening kyate na mue oh paw dosuinku lanpaw thyhte a hiin hae paw kha la dokuh oh.

1 THESALON 1:6

Nanning tuh vawsawnaw patae na teing oh zemah Thyaa Muisaw kyate yn thuapaw lungtuanaw khate Pachia bya kha na lawkuh oh zah, kaening thydokuh hae paw te Bawipaw thydokuh hae paw nynh na thua oh.

1 THESALON 2:13

Kaening kyate na thae oh paw Pachia bya na lawku lya oh kha ccungccaw bya lante lawku leite, ahme ccaccingpaw Pachia bya lante na lawku oh, tuh-e bya tuh nanning zyntu hae lungkhu kya rya a lah; tuh-e hanlan Pachia kalan apaekuh lei lan lungtuabya kae ho.

2 THESALON 3:7

Pawccecize naemaw ccaccei nynh kaening kha pawtemou dosuinku lan hae cipaw na ny oh; pawccecize nae kya kae um lya kae thawnaw khyh.

2 THESALON 3:9

Tuhte rya kae lawkupaw tuh nae kya-e lawku lan kaw kae hoi khyh keiccu thua leite, nanning nynh kae thydokute na dosuinku oh ccaw cite nynh thua.

1 TIMOTE 3:5

pawccecize lukhakheit nynh a innbyn kha a ukthya khyh ze, pawtemou Pachia khriccaawbuu tuh a do-oih kho cih?

HEBRU 13:17

Nanning ae uktu oh paw kaw kha ngae oh lah, mih bya kha zui oh. Pawccecize minmin tuh mih ryalaw kong a phykuh cih hae paw athua hawte, nanning kha ae do-oih oh. Ngaethyanaw te thua leite lungtuanaw te ryalah hae sah; pawccecize tuhte ngaethyanaw te rya a law hae paw tuh nae hanlan thanenaw um lan khyh.

HEBRU 13:24

Nanning ae cciakhaetu oh paw balyn te mithyaa hae balyn kha la beihlang oh. Italy ram kya a um hae paw nynh nanning kha ae beihlang oh.

HEBRU 6:12

Tuhteze nynh nanning tuh nae thawnaw leite, zynnaw te lungsaenaw liate byakinpyakunaw rho a ccou hae paw kha thydokuh hae paw na thua cih oh.

1 PETER 4:11

Jesu Khri liate pawpaw balyn kya Pachia tuh phu-esah athua nawlan, lukhakheit nynh phung a ho ze, Pachia bya thyhte ho sah, lukhakheit nynh rya a lawpya ze, Pachia nynh a pyapaw thawzung thyhte lawpah sah. Phu-enaw te uknaw kaw tuh zungzae te zungzae cia Pachia kya a um. Amen.

BYAPHY 1:9

Jesu Khri kya-e vawsawrunaw, peenaw te ngaesangnaw kya nanning ry a mungkuh buapaw, nae upaw kae, Johan tuh Pachia bya keiccu te Jesu Khri ccaekia lang ka tang keiccuze Patmos cikuhpaw tuikoih kya ka um.

BYAPHY 20:4

Tuinte bawitungkhung hae te tuh-e vawlan a haung hae paw kha ka muih, minmin tuh byapianaw kaw a mue hae. Sarepaw te sarepaw azuh kha a beik lei hae paw, mih terui kya khyhze mih kuih kya sarepaw syntawnaw a hoi lei hae paw te Jesu ccaekia lang a tang keiccu te Pachia bya keiccuze mih lu pae hae paw mih muisaw hae kha ka muih; minmin tuh oun hiin hae zah Khri ryte kum thong kheit a uk hae.

BYAPHY 6:9

Ccangpangawnaw tazeih kha he a kia tuh, Pachia bya keiccu thuasah, ccaekia a khan hae keiccu thuasah a chia hae paw mih muisaw hae kha silawhang kaw khe ka muih;