HEBRU 13:6 - Zotung Bible 2016

⁶ Tukeiccuze, “Bawipaw tuh kae yn bawmtu thua zah ka rih lan khyh. Ccungccaw nynh pawmou yn cyih kho cih?” cite rawhoyte ah ho kho cih oh.

HEBRU 13:6 Iomraidhean Croise

GENESIS 15:1

Tukoute Bawipaw bya tuh Abram kalan vizin lante yn thua zah, “Abram, na thinphang nan sah, kae tuh nang ae thungkhawpaw nynh ka thua; na lasung tuh myaryamaw ale cih,” a cipya.

1 SIAPHARAN 17:8

Te Bawipaw bya tuh Elijah kalan yn thua zah,

The Psalms 124:8

Vaaw te lae a raepaw Bawipaw min liate aening tuh bawmnaw ah mue oh.

The Psalms 146:3

Bawi hae te ccungccaw hae kha doliakuh nan oh, minmin kya bawmnaw um khyh.

The Psalms 27:9

Na mae kha yn retawkuh nan. Na ryalahtu hynh thinriate yn maeleihtawkuh nan, nang tuh yn bawmtu nynh na thua. Pou yn khumtu Pachia, yn cciataw nan lah, yn vua nan.

The Psalms 33:20

Aening muisaw nynh Bawipaw kha a ngaehoiku; aning tuh aening oun bawmtu te ah khawriaphua nynh thua.

The Psalms 40:17

Kae tuh a ryachipaw te anyaapaw nynh ka thua, thuasalama Bawipaw nynh yn ning khyh. Nang tuh yn bawmtu te yn luesahtu nynh na thua, Pou ka Pachia, na thysung nan sah.

The Psalms 54:4

Thuasalama Pachia tuh kae yn bawmtu ccaccing nynh thua; Bawipaw tuh ka hiinnaw yn thungkhawtu nynh thua.

The Psalms 56:4

Pachia bya kha the ka hoysah, Pachia kha ka doliaku keiccuze ka rih khyh; ccungccaw nynh pawmou yn cyih kho cih?

The Psalms 63:7

pawccecize nang tuh yn bawmtu na thua vae zah, na sake mynlyh kyakhe lungtuanaw hlaw ka sah.

The Psalms 94:17

Bawipaw tuh yn bawmtu a la thua khyh lanze, ka muisaw tuh adaenaw ram kya aro maw a um vae cih.

EXODUS 18:4

ccangpaw lu kheit min tuh Eliezer a cikuh (pawccecize Moses nynh, “Ka paaw a Pachia tuh yn bawmpaw thua zah Faro thaloi kyate yn luesah,” a ci).

ISAIAH 41:10

kae tuh na kya ka um keiccuze na thinphang nan sah, kae tuh na Pachia ka thua keiccuze rih nan; nang kha thawzung kae pya cih zah, kae bawm cih, taenaw a hoipaw ka ranglang kuih te nang kha kae thungkhaw cih.

ISAIAH 41:14

Pou tangkaria Jakob, minphuin dihpaw Israel, na thinphang nan sah! Kae bawm cih cite Bawipaw nynh a ci; nang ae shawkhawtupaw tuh Israel Pachia Athyaapaw nynh thua.

MATTHAI 10:28

Pyn tuh theih kho salamah muisaw a theih kho lei hae paw kha la rih nan oh; muisaw te pyn kha parouhte hell kya a roh khopaw raw kha la rih oh.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

EFESA 3:12

Khri zynnaw liate aening tuh zynkunaw te rawhoynaw khate Pachia kalan naeku khonaw kha amaw kya ah hoi oh.

DEUTERONOMY 33:26

Pou Jeshurun, nang bawm khylan, lesaenaw te phe beih zah vaawlui a ccikuhpaw Pachia tahawpaw um khyh.

DEUTERONOMY 33:29

Pou Israel, nang tuh lungtuapaw nynh na thua! Bawipaw nynh nang hawte a khumpaw ccungccaw hummou a um? Aning tuh nang ae bawmtu khawriaphua thua zah, na taenawpaw thaloi nynh thua! Na rhaw hae tuh maemuihtangte na kalan oun thua cih hae zah, mih ke kha na syde cih hae.

HEBRU 10:19

Tukeiccuze uteno hae, Jesu chii liate beikinnthyaa lungkhu lang tee lan zynkunaw ah hoi vae oh.

HEBRU 4:16

Tukeiccuze ahoboupaw ccyh kya bawmnaw mue nawlan, ngaethyaumsahnaw te thawccinaw kha ah mue nawlan oh, thawccinaw bawitungkhung kalan khe rawhoyte cceih oh sih.

1 SAMUEL 23:17

Aning nynh David kha, “Rih nan; pawccecize ka paaw Saul a kuih nynh nang kha ae muih lan khyh; nang tuh Israel siapharan lang na tang cih zah, kae tuh nang ae zuipaw lu ningnaw ka thua cih; tuhte acyiku lanpaw tuh ka paaw Saul nynh mah a ny,” a cipya.