HEBRU 13:5 - Zotung Bible 2016

⁵ Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, “Nang kha kae cciataw boi lan khyh zah kae vua boi lan khyh,” a ci.

HEBRU 13:5 Iomraidhean Croise

GENESIS 28:15

Nang kha kae umkhae zah na ccianaw takyh kya kae rin cih, te e ram lang bua kae kikhae cih; pawccecize bya kae kinpyakupaw kha ka cyi kou makhia nang kha kae cciataw lan khyh,” a cipya.

GENESIS 30:31

Tukeiccuze Laban nynh, “Pawmou kae pya cih?” cite khia zah Jakob nynh, “Pawpaw mah nae pya lan khyh. E uccaw hynh nae cyipya zetuh na sahiin hae kha bua ka dang cih hae zah ka rin ung cih hae:

GENESIS 31:5

“Nae paaw tuh langmaw hawte ka tungvaw a mitmae hoy vae khyh cipaw ka muih. Thuasalama ka paaw a Pachia nynh kamaw kha yn umkhae.

1 SIAPHARAN 6:13

Israel hae kya ka um cih zah, ka ccungccaw Israel hae kha ka vua lan khyh hae,” a ci.

1 SIAPHARAN 8:57

Bawipaw ah Pachia tuh ah minpaaw hae kya a um hawte, aening kya mah um vae sah; aning nynh aening hynh oun cciataw nan sah lah, oun vua nan sah,

1 SHERIANAW 28:20

David nynh a ccapaw Solomon kha, “Na thawsaesakuh lah, rawthungte ryalawtua. Rih nan, na bungzou nan sah; pawccecize Bawipaw Pachia, ka Pachia tuh na kya a um. Bawipaw inn kya ryalawnaw hanlan rya miakaw na lyn mawlaezung aning nynh nang kha ae vua lan khyh zah shungnaw ae pya lan khyh.

The Psalms 10:3

ccungccaw hoy leipaw tuh a thinlung rynaw kyakhe a pookuh, a karankuhpaw ccungccaw nynh Bawipaw kha thyalaw zah a vua.

The Psalms 119:36

Ka thinlung te na phunglang kha yn rysah lah, karankunaw yn hoisah nan.

The Psalms 37:25

Atu tuh ka taw vae zah ka no vae khyh, tuhzemah miding kha vua athuapaw ka muih boi khyh, a ccaaw hae nynh looh a ngiaku hae paw kha mah ka muih boi khyh.

The Psalms 37:28

Pawccecize Bawipaw nynh byading kha a ry; alungzipaw a mithyaa hae kha vua lan khyh hae. Miding hae tuh zungzae khynsah athua cih hae, thuasalama ccungccaw hoyleipaw a ccaaw hae kha tuh vua athua cih hae.

EXODUS 2:21

Moses nynh Reuel kya umbua lan a nawccaw, te Reuel nynh a ccanung Zipporah kha Moses zu lang a pya.

EXODUS 20:17

Na innpaw kya-e inn kha na duaa lan khyh; na innpaw paw a zu, a seepaw, a seenung, vaetua, lann, te na innpaw kya-e hankhakheit kha na duaa lan khyh, a ci.

PHUNGTANGBYA 23:4

Hoirum khylan eih reihkuh kaesy nan; umtaw thya nawlan hawsakuh.

ISAIAH 41:10

kae tuh na kya ka um keiccuze na thinphang nan sah, kae tuh na Pachia ka thua keiccuze rih nan; nang kha thawzung kae pya cih zah, kae bawm cih, taenaw a hoipaw ka ranglang kuih te nang kha kae thungkhaw cih.

ISAIAH 41:17

Ryachi hae te ahobou hae paw nynh tui kha ccung hae zah, muihku leite tui kanmawte mih dang he arou vae ze, kae, Bawipaw nynh mih bya kha ka thaepah cih hae, Israel Pachia, kae nynh minmin kha ka vua lan khyh hae.

ISAIAH 42:16

Mitmoh hae kha mimaw nynh a ny lei hae paw laanpi te ka cciakhae cih hae, mimaw nynh a la ny boi lei hae paw laanpi khate laandy ka hoei cih hae. Mih malang khe mohnaw kha awnaw lang ka tangsah cih, karynkare a umpaw kha ka nginsah cih. E hae hynh ka cyi lanpaw thua hae zah, minmin kha ka vua lan khyh hae.

JEREMIAH 6:13

Minmin tuh adih huapaw kyate ale huapaw kyacia ahme leipaw muenaw hanlan mih balyn mawte a karankuh hae; profeh kyate ranpibawi kyacia mih balyn mawte a hyn a hu hae.

EZEKIEL 33:31

Minmin tuh ka ccungccaw hae hawte oun thua cih hae zah, na malang khe ka ccungccaw hae hawte a haung cih hae, te na bya kha a thae cih hae, thuasalama zui lan khyh hae. Mih munglae tuh myarya anawthya, thuasalama mih thinlung tuh mih uccaw amia muenaw kyakhe nynh a um.

MATTHAI 6:19

“Laehaw te chihhang nynh a ronaw hae te miruh hae nynh kiabia hae zah a runaw hae laephi vawlan nae sisua kha ccykuh nan oh.

MATTHAI 6:25

“Tukeiccuze kae hopya oh, pawmou kae ae cih, pawmou kae neih cih cite nae hiinnaw hanlan nae lungvawsaw nan sah; paw boeining mou kae lawkuh cih cite nae pyn elang nae lungvawsaw nan sah. Hiinnaw tuh looh laeze sunghua khyh tou? Pyn tuh boeining laeze sunghua khyh tou?

MATTHAI 6:34

“Tukeiccuze awkhualan hanlan nae lungriathae nan sah, pawccecize awkhualan nynh amaw elang a lungriathaekuh cih. Atunin e lungriathaenaw tuh atunin hanlan phe azaw.

MARKA 7:22

milae zu milae vawpaw kya seinaw, karankunaw, thyaruhnaw, lingnaw, ohhuaku rynaw, eiungnaw, milae thethya honaw, lysakunaw te ngaeenaw tuh oun pou hae.

LUKA 3:14

Tuhawte rhawkaw hae nynh mah, “Kaening nynh pawmou kae cyih cih,” cite khia hae zah, aning nynh, “Hum ccungccaw kya-e sanmah hurawte la luade nan oh, hum sanmah ahme lei lante seibe nan oh, na mue oh paw amee khate nae lungryachih sah,” a cipya hae.

LUKA 8:14

Hinpaw laku a ccah hae paw tuh, Pachia bya kha a thae kou hae te cceih hae zah lungvawsawnaw, hoirumnaw te pynsaw hoysahnaw hae nynh varyng ve hae zah mih thae thae kho vae khyh hae.

Romans 1:29

Minmin tuh hoyleinaw aphuinphuin, athahpaw, karankunaw, othyanaw, eiungnaw, ccungccaw chianaw, pekumaekunaw, lingkunaw, thyaruhnaw, thanhonaw te phe abeih hae,

1 KORIN 5:11

Thuasalama uno cite ko athua pite a ohhuakuhpaw, a karankuhpaw, zohtuh beikpaw, ccungccaw thethya hopaw, aruipaw, ccungccaw a luadepaw ryte mungkuh nan oh, ae mah aekheih nan oh cite atu nae kalan ccaw kae zei.

1 KORIN 6:10

miruh hae, a karankuh hae paw, a rui hae paw, ccungccaw thethya ho hae paw, ccungccaw a luade hae paw mah Pachia peenaw ccou lan khyh hae.

2 KORIN 4:9

tuaasahnaw kae ing salamah ccaring vua kae thua khyh; oun khulia hae salamah ro kae thua khyh.

EFESA 5:3

Ohhuakunaw, athyaa leipaw aphuinphuin, tuhkhyhze karankunaw kha nanning laku bya te sanmah ho nan oh, tuh-e hae tuh mithyaa hae te ngaekuh khyh;

EFESA 5:5

Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.

DEUTERONOMY 31:6

Nae thawsae sah lah, nae rawthung sah; rih nan oh lah, thyngkuh nan oh, pawccecize nanning ryte a cceihpaw tuh Bawipaw nae Pachia nynh thua; nanning kha ae cciataw lan khyh oh zah ae vua lan khyh oh,” a cipya hae.

DEUTERONOMY 31:8

Na malang a cceihpaw tuh Bawipaw nynh thua. Nang kha ae umkhae cih; nang kha ae cciataw lan khyh zah ae vua lan khyh. Rih nan lah, na lungroh nan sah,” a cipya.

DEUTERONOMY 4:31

Bawipaw nae Pachia tuh ngaethyaumsah thyapaw Pachia athua keiccuze nanning kha ae vua lan khyh oh zah ae roh lan khyh oh; nae minpaaw hae kya bya a kinpyaku hae paw byakinnaw kha ning lan khyh.

KOLOSE 3:5

Tukeiccuze ohhuakunaw, nungsikunaw, sungku kho leipaw rynaw, ahoy leipaw duaanaw, zohtuh beiknaw athuapaw karankunaw cikuh hae paw, nae lungkhu umpaw laephi te asekuhpaw miakaw kha chisah oh.

1 TIMOTE 3:3

a zu-ae leipaw, a puatho leipaw, a lungnepaw, pekumaeku mang leipaw, phua eih duaa leipaw athua cih,

JOSHUA 1:5

Na she lungkhu balyn humhung nynh mah na malang te ae thadynnua ngan lan khyh; Moses kya ka um hawte na kya mah ka um cih; kae vua lan khyh, kae cciataw lan khyh.

JOSHUA 7:21

luadepaw uccaw hae kyakhe apuithyapaw Babilon angkiccua, ngun shekel za ning te shekel sung pangaw aripaw suitung tung kheit kha he ka muih tuh, eih ka duaa zah ka lawku. Tuh-e hae tuh ka bu lungkhu lae kaw kya nynh ka thuruh, ngun tuh akawkou nynh a um,” a cipya.

2 PETER 2:14

Mih mit tuh milae zu milae vawpaw kya sei rynaw te phe beih zah, sei leite um kho khyh hae, mih lungtyn leipaw ccungccaw hae kha soih hae zah, mih thinlung tuh karankunaw a hoi, minmin tuh thyalawpaw ccaaw hae nynh thua hae.

2 PETER 2:3

Karankunaw thinlung keiccuze nanning kha hynbya te amia ae ccungnahkuh cih oh. Langmawlya mawte minmin byapianaw tuh amaw um lan um huataw khyh, minmin kya-e ronaw mah ih khyh.

JUDE 1:11

Minmin hanlan ngaethya lan kou um! Pawccecize minmin nynh Kain laanpi kha a zui hae, amee mue khylan Balaam a cyiseinaw kalan khe a dekuh bua hae, Korah hawte rhawtho hae zah tuh-e rhawthonaw kyakhe a roh hae.

1 SAMUEL 10:7

Tuh-e muihsahnaw hae tuh he na tung hae te, cyi lan accan cite na muih thyhte la cyih, pawccecize Pachia tuh na kya a um.

1 SAMUEL 12:22

Alesaepaw a min keiccuze Bawipaw nynh a ccungccaw hae kha vua lan khyh hae, pawccecize nanning kha amaw ccungccaw lang raeku lanpaw kha Bawipaw lungry nynh thua.