HEBRU 13:4 - Zotung Bible 2016

⁴ Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.

HEBRU 13:4 Iomraidhean Croise

GENESIS 2:21

Tukeiccuze Bawipaw Pachia nynh ccungccapaw kha thuhbabi lan a isah; oute Pachia nynh a naru ccangkheit kha lah zah, tuh-e a lawnaw kyakhe ngesaw khate a pingsah.

GENESIS 2:24

Tukeiccuze pisepaw nynh a nung te a paaw kha cciataw zah a zu te a umkheih hae, te minmin tuh pyn pynkheit lang a tang hae.

2 SIAPHARAN 22:14

Tukeiccuze ranpibawi Hilkiah, Ahikam, Akhbor, Shafan te Asaiah tuh boeining nungnaw a do-oihtu Harhas ccapaw Tikvah a ccapaw Shallum zu profehnung Huldah kalan a cceih hae; tuh-e profehnung tuh Jerusalem khua Zakueh Ccangningnaw kya um zah, tuin kyakhe amaw kha tuanaw a ngia hae.

JOB 31:12

tuhcihawpaw seinaw tuh phe ccung mamia lang a upaw maee thua zah, ka hoipaw balyn kha khaleih thang lan a upaw maee nynh thua.

ISAIAH 8:3

Te ka zu kalan ka naeku keiccuze aning tuh ccaawpoi zah ccapaw a saah. Tetuh Bawipaw nynh imua kha Maher-shalal-hash-baz cite min na phu cih, yn cipya;

LEVITIKAS 15:18

Pise nynh nopi te ihkheih hae zah buatui a pou lanze, parouhte tui a singkuh cih hae, te zete cia thyaa lan khyh hae.

LEVITIKAS 18:20

Na unopaw zu te nopi pise seinaw na rae lan khyh, tuh-e nopinung te namaw te namaw kha na thusakuh lan khyh.

MALAKHI 3:5

Kae tuh nae kalan byapia khylan kae naekuh cih; naawthya hae paw, milae zu milae vawpaw te a sei hae paw, ahme lei lante thyalawkuh hae paw, ryalahtu hae kha mih ryalaw mee pya leite a tuaa a sah hae paw, nomae hae te ngawraw hae, ramccang ccungccaw hae kha amia ccungnahkuh hae paw te ka rawrih lei hae paw kha rawsete ccaekia lang arangte ka tang cih, cite vaaw Bawipaw nynh a ci.

1 KORIN 5:13

Atolang e ccungccaw hae kha Pachia nynh bya a pia cih hae. Ccathyaa nynh, “Ccungccaw hoyleipaw kha nae kyate ccaring dee oh,” a ci.

1 KORIN 6:18

Ohhuakunaw kha sibia oh! Ccungccaw nynh a raepaw seinaw miakaw tuh pyn atolang nynh a um; thuasalama ohhuakunaw a raepaw tuh amaw a pyn kya a sei vae.

1 KORIN 6:9

Hoyleinaw a raetu hae tuh Pachia peenaw kha ccou lan khyh hae cipaw na nyh khyh oh tou? Lingsakuh nan oh! A ohhuakuh hae paw, zohtuh beik hae paw, milae zu milae vawpaw a seikhae hae paw, nopi te nopi, pise te pise a sei hae paw,

1 KORIN 7:38

Tukeiccuze a haaw vae paw a liaccanung kha zu lang a hoikuhpaw tuh uccaw hoypaw hynh a rae; thuasalama zu a hoi leipaw ccungccaw tuh houh hoypaw uccaw kha a rae.

1 KORIN 9:5

Ccangpaw locceihtu hae hawte, Bawipaw a neitaw hae te Sefas hawte, kaening so khua kae ccongnaw kya a zynpaw zu lu kheit kha hoeibuanaw kaw kae hoibua khyh tou?

2 KORIN 5:10

Pawccecize aening lu raveih nynh pyn kya ah um lya oh, ah cyi oh paw thathyhte ahoypaw thuasah, athahpaw thuasah amee mue khylan aening balyn tuh Khri kya-e byapianaw tungkhung malang ah langkuh cih oh.

GALATI 5:19

Pynsaw cyisahnaw hae tuh raerae a langkuh, tuh-e hae tuh: ohhuakunaw, nungsikunaw, ohhuaku rynaw;

GALATI 5:21

duaanaw, ruinaw, zu-aete siaruanaw te tuhcihawpaw cyisahnaw hae nynh thua. Langmawlya raeringnaw kae pya vae oh hawte atu mah raeringnaw bua kae pya oh: tuhcihawpaw uccaw hae a cyihpaw ccungccaw hae tuh Pachia peenaw kha ccou lan khyh hae.

EFESA 5:5

Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.

DEUTERONOMY 22:22

Milae zu te a ihkheih hae paw pisepaw kha muih athua lanze, nopinung a ikhaepaw pisepaw te nopinung tuh, parouh mawte a chih cih hae. Tuhcite hoyleinaw kha nanning laku kyate na thyaasah cih oh.

1 THESALON 4:6

hynh-e kong kya hum nynh sanmah a uno kha hynpyate a sei khyh nawlan Pachia nynh a ry. Pawccecize kaening nynh kae hopah vae oh zah raeringnaw hoyte kae pya vae oh hawte, Bawipaw tuh tuhcihawpaw uccaw balyn hanlan liarutu nynh thua.

1 TIMOTE 3:12

Khriccaaw piccan hae tuh zu lu kheit kyalya a hoipaw athua cih hae, mih ccaaw hae te mih innbyn kha kou hoy lan a ukpaw athua cih hae.

1 TIMOTE 3:2

Khriccaawbuu pastor tuh ccaenaw um leipaw athua hahe cih, zu lu kheit kyalya a hoipaw, a sungkuh khopaw, a lungkyhrarihpaw, a ozia hoypaw, mikhia do-oihthyapaw te a ccangpah thyapaw athua cih;

1 TIMOTE 3:4

a innbyn kha kou hoy lan a ukpaw, a ccaaw hae kha aphuinphuin te kawngae thyanaw te sawtua thyanaw a hoisah hae paw athua cih;

1 TIMOTE 4:3

Minmin nynh zuvaw tangnaw kha a khee hae, byaccing kha nyte a zyn hae paw nynh lungtuabya hote ae lan cite Pachia nynh a raepaw looh hae kha sung lan kaw a pya hae.

1 TIMOTE 5:14

Tukeiccuze a rhawtupaw nynh saryanaw lanpaw kha ccyhhoy a pya khyh nawlan, kum a nohua hae paw nomae hae tuh vawpaw la hoi hae sah, ccaaw la sah hae sah, innloo la do-oih hae sah cite ka ry.

TITU 1:6

Khriccaaw piccan tuh ccaenaw um leipaw athua cih, zu lu kheit kyalya a hoipaw athua cih, a ccaaw hae tuh zyntu athua cih hae zah, a ccouseikuh hae paw te kawngae lei hae paw cite a ccae lei hae paw athua cih.

HEBRU 12:16

A ohhuakuhpaw a um khyh nawlan, tuhkhyhze ccatawccaw thuanaw kha aepaw kaw kheit lang a zuakuhpaw Esau hawte Pachia pawlangria leipaw na thua khyh nawlan oh raeringkuh oh.

BYAPHY 22:15

Tuhzemah atolang tuh ui hae, naawthya hae paw, a ohhuakuh hae paw, ccungccaw theih hae paw, zohtuh beik hae paw te hynbya kha sungsah zah a hopaw miakaw nynh a um hae.