HEBRU 13:3 - Zotung Bible 2016

³ Thongccah hae paw kha ning nan oh; minmin ryte thongccahkheih hae paw hawte tuakuh oh; vawsawnaw a teing hae paw kha la ning nan oh, naemaw nae pyn kya tuhcite a teingpaw hawte tuakuh oh.

HEBRU 13:3 Iomraidhean Croise

GENESIS 40:23

Tuhzemah banang kyngtu bawi nynh Josef kha liathui leite phe a ning vae.

MATTHAI 25:36

Ka sasete ka um lya boeining nae pya oh, ka cci lya nae do-oih oh, thonginn ka um lya nae via oh,’ yn cipah cih hae.

MATTHAI 25:43

Mikhia lang ka tang lya nae inn nae thuasah khyh oh; ka sasete ka um lya boeining nae pya khyh oh; ka cci lya te thonginn ka um lya nae via khyh oh,’ cite yn ci cih hae.

LOCCEIHTU 24:23

Paul kha reih-i-reih-ae nung leite kheccungte a nung nawlan thuasah, ahoboupaw a cyipah hae paw a ruiban hae kha a khee khyh nawlan thuasah rhawbawipaw kha kaw a pya.

LOCCEIHTU 27:3

Awkhualan tuh Sidon khua kya kae thua; Julias nynh Paul kha thawccih zah a ban hae kalan ccianaw kaw te tuh-e hae nynh do-oihnaw kaw kha a ua.

Romans 12:15

Lungtua hae paw ryte lungtuabua oh lah, a rah hae paw ryte la rahbua oh.

1 KORIN 12:26

Pyn kya-e ccangkheit nynh a teing ze, mih balyn mawte a teingbua hae; pyn kya-e ccangkheit tuh sawtuanaw a ccou ze, mih balyn mawte mih lungtuabua.

EFESA 4:1

Tukeiccuze Bawipaw keiccuze thongccahpaw kae, Paul nynh ko na thua oh paw nanning kha, tuh-e konaw te angaekuh lante na hiin nawlan oh kae ngia oh.

KOLOSE 4:18

Kae, Paul nynh hynh-e beihlangnaw hynh kamaw kuih te nynh ka zei. Khiikunaw ka teingpaw hynh la liathui oh. Thawccinaw tuh nae kya la um sah. Amen.

HEBRU 10:34

Pawccecize thongccah hae paw kha thaw na cci oh, te ahoy huapaw te atynpaw uccaw na hoi oh paw kha na nyku oh keiccuze na hoi oh paw uccaw hae ae luade oh paw kha lungtuate na ngaesang oh.

HEBRU 11:37

Lung te a deih hae, thing-aw te ccangning lang a aw hae, thaloi te a chia hae, tuu phua te miaa phua kha kikuh hae zah a khiakuh hae; boeining leite ae van ae leite vawsaw a teing hae, ming hae nynh a tuaa a sah hae.

1 PETER 3:8

Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.