HEBRU 13:2 - Zotung Bible 2016

² Mikhia hae do-oihnaw kha la ning nan oh. Pawccecize tuhte mikhia do-oihnaw kya abang nynh vaaw hae kha tualeipite innccong a la thuasah hae.

HEBRU 13:2 Iomraidhean Croise

GENESIS 18:1

Bawipaw tuh Abraham kya Mamre kya-e phaesi ku hae pe khe a langkuh, ninthu khuaninso lyakhe Abraham tuh a bu thuakawzung kya a dahung.

GENESIS 19:1

Vaawpaw lu ning tuh zetesang khe Sodom khua a thua hae, Lot tuh Sodom khua koikua kya a la haung. Lot nynh minmin kha he a muih hae tuh cciadue khylan thokuh zah laephi kya a bakhung.

2 SIAPHARAN 4:8

Nin kheit tuh Elisha tuh Shunem khua lang cceih zah, tuin khua kya umpaw mihoinung lu kheit nynh Elisha kha looh-ae a kopya. Tukeiccuze tuh-e laanpi kya a ccia takyh vae ze looh ae khylan tuin kya leih a teepaw.

JOB 31:19

boeining a hoi khyh keiccuze a chihpaw lukhakheit kha ka muih ze thuasah, bongkupaw a hoi leipaw ryachipaw kha ka muih ze thuasah,

JOB 31:32

khuaccong hae paw hanlan ka thuakaw kha ka hungpah hae zah, mikhia hae tuh laanpi kya rya boi khyh hae;

ISAIAH 58:7

A vuelawpaw kha na looh neethung buapaw, inn a hoi leipaw ryachipaw kha na inn lang thuakhaepaw, a sasete a umpaw kha na muih ze, boeining pyabuapaw te na puizia hae sibia leipaw kha thua khyh tou?

LEVITIKAS 19:34

Nae kya a um buapaw ramccang ccungccaw tuh nanning laku e ramccungccaw hawte athua cih; khah-e ramccang ccungccaw kha namaw toulou hawte na sungsah cih, pawccecize nanning tuh Izip ram kya ramccang hae nynh na thua oh: Kae tuh Bawipaw nae Pachia nynh ka thua.

MATTHAI 25:35

Pawccecize ka vuelaw lya looh nae dang oh, ka tuihaw lya tui nae niasah oh, mikhia lang ka tang lya innccong nae ua oh;

MATTHAI 25:40

Siapharan nynh, ‘Byaccaccing kae hopya oh, e ka uno hae kyaze adih huapaw lu kheit tungvaw na cyi oh paw miakaw tuh ka tungvaw na cyi oh paw nynh thua,’ a cipah cih hae.

MATTHAI 25:43

Mikhia lang ka tang lya nae inn nae thuasah khyh oh; ka sasete ka um lya boeining nae pya khyh oh; ka cci lya te thonginn ka um lya nae via khyh oh,’ cite yn ci cih hae.

LOCCEIHTU 16:15

Tuh-e nung te a innbyn hae tuh baptisma a in kou hae te, aning nynh, “Kae hynh Bawipaw a zynnung cite nae tua oh ze, ka inn lang oun cceih oh lah um hin oh,” cite oun ngia. Kaening kha thawte oun kang.

Romans 12:13

Mithyaa hae kha mih hobounaw kya la bawmbua oh; mikhia hae kha kou hoy lan la do-oih oh.

Romans 16:23

Kae te khriccaawbuu balyn kha innccong oun ua zah oun do-oihtu Kaias nynh nanning kha ae beihlang oh. Khuapi suaccytu Erastas te nae uno Kuartas nynh ae beihlang oh.

1 TIMOTE 3:2

Khriccaawbuu pastor tuh ccaenaw um leipaw athua hahe cih, zu lu kheit kyalya a hoipaw, a sungkuh khopaw, a lungkyhrarihpaw, a ozia hoypaw, mikhia do-oihthyapaw te a ccangpah thyapaw athua cih;

1 TIMOTE 5:10

ahoypaw ryalaw hae hanlan thehoy ccousah hae paw; imua hae kha a kua ze, mikhia hae kha a thuasah hae ze, mithyaa hae ccu kha a singpya ze, riathae hae paw kha lunghoysah ze, ahoypaw ryalaw miakaw kha zuakute a law ze, ccazing kya la teebua sah.

TITU 1:8

tukoute mikhia do-oihthyapaw, ahoypaw a rypaw, a tuathyapaw, hmerarihpaw, beiknaw lang a zuakuhpaw te a sungkuh khopaw athua cih,

1 PETER 4:9

Ccohku leite lu kheit te lu kheit mikhia thuasakuh oh.

3 JOHAN 1:5

Ka sungsahpaw, uno hae hanlan thuasah, abyapihua lante mikhia hae hanlan thuasah rya na lawpya hae paw miakaw kya zyn lan um lante rya na law.