HEBRU 13:12 - Zotung Bible 2016

¹² Tukeiccuze Jesu mah amaw a chii te ccungccaw hae kha thyaasah khylan koikua atolang khe a teing.

HEBRU 13:12 Iomraidhean Croise

LEVITIKAS 24:23

Moses nynh Israel ccungccaw hae kha tuhcite a hopya hae; te minmin nynh Pachia saryanaw bya a hopaw kha ryahmin atolang sue hae zah lung te phe chih lan a deih hae. Bawipaw nynh Moses kha kaw a pya thyhte Israel ccungccaw hae nynh a cyi hae.

NAMBAR 15:36

Bawipaw nynh Moses kaw a pya thyhte, zapi balyn nynh amaw kha ryahmin atolang cciakhae hae zah phe chih lan lung te a deih hae.

LUKA 4:29

Thokuh hae zah Jesu kha khua atolang dee hae zah tuh-e mih khua a umnaw mua adung, chia kalan khe dae tu lan cite a cciakhae hae.

JOHAN 17:19

Minmin mah byaccing te thyaasah athua nawlan hae, minmin elang kamaw te kamaw kha ka thyaasaku.

JOHAN 19:34

Thuasalama rhawkawpaw lu kheit nynh a naw kha ccoi te thuing zah chii te tui palou apou.

LOCCEIHTU 7:58

Khuapi atolang khe sue hae zah lung te a deih hae; ccaekia hae nynh mih boeining hae kha Saul a ci hae paw ccangvaepaw cculeihpaw khe a pum hae.

1 KORIN 6:11

Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.

EFESA 5:26

Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,

HEBRU 10:10

Tuh-e rynaw liate, Jesu Khri pyn kha zungzae hanlan vaekheit kyalya pyanaw liate aening tuh thyaasah ah thua vae oh.

HEBRU 10:29

Pachia Ccapaw kha a ccu kaw syde zah, amaw a thyaasahpaw byakinnaw chiise kha athyaa leipaw uccaw lang ria zah, thawccinaw Muisaw kha a saryapaw ccungccaw tuh pawcih alepaw detahnaw mou mue lan accan cite na tua oh?

HEBRU 2:11

Pawccecize a thyaasahtu te thyaasah athuapaw balyn tuh parouhte mih thonaw ccangkheit nynh thua. Tukeiccuze Jesu nynh minmin kha uno hae cite ko lan a maethyakhaekuh khyh.

JOSHUA 7:24

Te Joshua te Israel hae balyn nynh Zerah ccapaw Akhan kha ngun, angkiccua, suitung, a ccapaw hae te a ccanung hae, a tangnua hae, lann hae, tuu hae, a bu te a hoipaw uccaw hae balyn ryte cciakhae hae zah Akhor Accya langkhe a thuakhae hae.

BYAPHY 14:20

Khuapi atolang umpaw misu mianawpaw akhu kyakhe miade thua zah, tuin kyate chii tuh marang khabaw se phe thua lante pou zah, me za ning loukaw cia a thua.