HEBRU 13:1 - Zotung Bible 2016

¹ Uteno sungsakunaw kha po tynsah oh.

HEBRU 13:1 Iomraidhean Croise

The Psalms 133:1

Uno hae nynh lungngingte pynkheihlan um tuh pawcih baban mou hoy zah lungrythua lan a um!

JOHAN 15:17

Nanning lu kheit te lu kheit na sungsaku nawlan oh kaw kae pya oh.

LOCCEIHTU 2:1

Pentekos nin yn thua tuh minmin balyn tuh ahmin san kheit kya pong a um hae.

LOCCEIHTU 4:32

Zyntu hae balyn tuh thinlung ccangkheit te tuanaw ccangkheit kyalya hoi hae zah hum nynh sanmah a uccaw hankhakheit kha ka uccaw nynh thua ci vae khyh; a hoi hae paw uccaw miakaw kha a mangkheih hae.

GALATI 5:13

Uteno hae, nanning tuh luenaw kalan ko na thua vae oh, thuasalama tuh-e nae luenaw tuh pynsaw rynaw ccyhhoypaw hanlan mang nan oh, sungsakunaw liate lu kheit te lu kheit ryalawpakuh oh.

GALATI 5:22

Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw,

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

EFESA 4:3

nanning ae suelua oh paw daenaw liate Muisaw kya-e lungngingnaw kha tynsah khylan thawte zuakuh oh.

EFESA 5:2

Khri nynh aening kha yn sungsah pawte, Pachia malang mynkhuhpaw pyapaw te silawkunaw lang amaw te amaw kha aening hanlan a pyaku hawte, sungsakunaw kya hiin oh.

2 THESALON 1:3

Uteno hae, nae zynnaw tuh myarya lethung zah nanning milu raveih nynh lu kheit te lu kheit na sungsakunaw oh mah alethung keiccuze cyi lan accan hawte nanning hanlan Pachia kha zungzae kae luung.

HEBRU 10:24

Sungsaku nawlan te ahoypaw rya kha law khylan lu kheit te lu kheit pawtemou lungthosaku lan cipaw kha tua kalang oh sih.

1 PETER 1:22

Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.

1 PETER 2:17

Ccungccaw balyn kha sawtua oh. Nae uno hae kha sungsah oh. Pachia raw kha rih oh. Siapharan kha sawtua oh.

1 PETER 3:8

Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.

1 PETER 4:8

Pawpaw balyn laeze lu kheit te lu kheit sungsakunaw kha tynkaring lan kyngkuh oh; pawccecize sungsakunaw nynh seinaw pataepi kha a bongpya.

2 PETER 1:7

Pachia rawrinaw kya uteno thawccikunaw kha biachih oh lah, uteno thawccikunaw kya sungsakunaw kha biachih oh.

1 JOHAN 3:23

A kawbya tuh e hynh nynh thua: Aening nynh a Ccapaw Jesu Khri min kha zyn lanpaw te Khri nynh kaw yn pya thyhawte lu kheit te lu kheit sungsaku lanpaw nynh thua.

1 JOHAN 4:20

Ccungccaw lu kheit nynh, “Pachia ka sungsah,” ci zah, a uno kha a hua lanze, aning tuh mihynpaw nynh thua. Pawccecize phang a muihpaw a uno kha a sungsah leipaw ccungccaw nynh a muih leipaw Pachia kha pawtemou a sungsah kho cih?

BYAPHY 2:4

Thuasalama nang kha kae ccaenaw a um, pawccecize masaty na hoipaw sungsahnaw kha phe na cciataw vae.