HEBRU 12:9 - Zotung Bible 2016

⁹ Tuhlaeze aening oun thuiheipaw pynsaw lante paaw hae ah hoi oh zah, minmin kha saw ah tua oh; tuhlaeze muisaw lante ah Paaw kaw kha houh ngaete ah hiin lan khyh oh tou?

HEBRU 12:9 Iomraidhean Croise

JOB 12:10

Ahysuepaw miakaw hiinnaw te ccungccaw miakaw hy tuh Pachia kuih kya nynh a um.

EXODUS 20:12

Bawipaw na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.

PHUNGTANGBYA 30:17

A paaw kha sarya zah a nung bya kha ngae leite pawlang a ria leipaw tuh accya kya umpaw va-aw hae nynh a mit kha a khoi cih hae zah lantaw hae nynh a ae cih hae.

PHUNGHOTU 12:7

laenoi tuh yn thuanaw laephi kalan a ki cih zah, hy tuh a pyatu Pachia kalan a ki cih.

ISAIAH 38:16

Pou Bawipaw, e uccaw hae liate ccungccaw hae tuh a hiin hae, ka muisaw hiinnaw tuh e uccaw hae balyn kyahin a um. Ka ccinaw beih yn dan sah lah, yn hiin sah!

ISAIAH 42:5

Vaawlui kha rae zah tharae a dawtupaw, laephi te laephi kyate yn thuapaw miakaw kha a pazaesakuhtupaw, laephi vaw e ccungccaw hae kha hiinnaw hy a pyatupaw te laephi vawlan a cceihthya hae paw kha muisaw a pyatupaw Bawipaw Pachia nynh a hopaw tuh:

ISAIAH 45:10

A paaw kha, “Paw ccungccaw mou na saah?” cite khia zah, a nung kha, “Paw ccaaw mou na saah?” cite a khiatupaw hanlan ngaethya lan kou um.

ISAIAH 57:16

Kae nynh zungzae sei ka be lan khyh, zungzae ka thinria lan khyh; tuhte athua lanze, hiinnaw tuh ka malang khe a thawzyabung cih, kamaw nynh ka rae vae paw muisaw heize a thawzya cih.

EZEKIEL 22:7

Na kyakhe nung te paaw kha a theihrya hae; na kya umpaw minphuin ccangpaw hae kha uccaw luade hae zah, ngawraw hae te nomae hae kha na kyakhe a tuaa a sah hae.

LEVITIKAS 19:3

Nanning balyn nynh nae nung te nae paaw kha saw na tua cih oh, ka sabbath hae kha na naawsah cih oh: kae tuh Bawipaw nae Pachia nynh ka thua.

ZEKHARIAH 12:1

Hodaebya. Israel te asekuhpaw Bawipaw bya: Vaawlui kha tharae daw zah laephi kha mah rae zah ccungccaw lungkhu kya muisaw a raetupaw Bawipaw nynh hynhte a ho:

MALAKHI 1:6

Ccapaw nynh a paaw kha sawtua zah, ryalahtu hae nynh mih bawipaw kha saw a tua hae. Kae tuh paaw ka thua lanze, ka tungvaw sawtuanaw tuh teimou a um? Kae tuh bawi ka thua lanze, ka tungvaw sawtuanaw tuh teimou a um? cite vaaw Bawipaw nynh a min pawlangria lei hae paw nanning, ranpibawi hae kha ae hopya oh. Nanning nynh, “Pawcihtemou na min tuh pawlang kae ria khyh?” na ci oh.

NAMBAR 16:22

Minmin nynh mih mae kha tebaling hae zah, “Pou Pachia, a hiinpaw balyn kya-e muisaw hae Pachia, lu kheit nynh a sei keiccuze zapi balyn tungvaw na thinria cih tou?” a ci hae.

NAMBAR 27:16

“Bawipaw , pynsaw balyn kya-e muisaw hae Pachia nynh Bawipaw kya-e zapi hae tuh tuurintu a um leipaw tuu hae hawte athua khyh nawlan hae, zapi cciakhaetu lukhakheit, mih malang a cceih cih paw te mih malang a tee cih paw, minmin kha a poukhae cih hae paw te a teekhae cih hae paw kha nungpah hae sah,” a cipya.

LUKA 18:2

“Khua khuakheit kya Pachia raw a rih leipaw te ccungccaw mae a do leipaw byapiatu lu kheit a um.

LUKA 18:4

Aning nynh khaw cia cyipya leite a um; thuasalama nyalang tuh byapiatu nynh, ‘Pachia raw mah ka rih khyh zah ccungccaw mae mah a do leipaw ka thua zemah,

JOHAN 3:6

Pynsaw kyate a puipaw tuh pynsaw thua zah Muisaw kyate a puipaw tuh muisaw nynh thua.

LOCCEIHTU 2:30

Aning tuh profeh athua keiccuze a ciihan lu kheit kha a bawitungkhung vawlan dahungsah lan Pachia nynh amaw kya bya a kinpaw kha phe a ny.

Romans 1:3

Tuh-e thehoypaw tuh Pachia Ccapaw, ah Bawipaw Jesu Khri konglang thua zah pynsaw lante David ciihan kyate yn puipaw nynh thua.

Romans 9:3

Pawccecize pynsaw lante ka minphuin hae athua hae paw ka vaeccaw hae hanlan kamaw te kamaw hynh Khri te thoh phiaku lan zah thyalawnaw ccou lan cia heize ka ry.

Romans 9:5

Minmin tuh minpaaw hae te mah sekuh hae zah, pynsaw lante Messiah tuh minmin kyate nynh yn thua. Aning tuh tynre balyn kya kawhoitu thua zah zungzae hythuapyatu Pachia nynh thua. Amen.

DEUTERONOMY 27:16

“A nung thuasah, a paaw thuasah saw a tua leipaw tuh thyalaw thuasah,” cite a thaesah cih hae. Ccungccaw balyn nynh, “Amen!” a ci cih hae.

JAMES 4:10

Bawipaw malang zakawsangsakuh oh lah, aning nynh ae hangthung cih oh.

JAMES 4:7

Tukeiccuze Pachia rynaw kha zui oh. Satan kha dou oh lah, nanning kha ae ccuetaw cih oh.

1 PETER 5:6

Tukeiccuze accyh he yn zaw te, nanning kha Pachia nynh ae hangthung nawlan oh, Pachia kya-e a thawsaepaw kuihkaw khe zakawsangsakuh oh.

BYAPHY 22:6

Vaawpaw nynh kamaw kha, “Hynh-e bya tuh zyn lan umpaw te ahmepaw nynh thua. Profeh hae muisaw a peetu Bawipaw Pachia nynh aro mawze yn cyihkuh hahe cih paw uccaw hae kha a ryalahtu hae kalan langsahpya khylan a vaaw ccungccapaw kha yn saw vae,” cite yn hopya.