HEBRU 12:7 - Zotung Bible 2016

⁷ Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou?

HEBRU 12:7 Iomraidhean Croise

2 SAMUEL 7:14

Kae tuh a paaw ka thua cih zah aning tuh ka ccapaw athua cih, hoyleinaw a rae ze, ccungccaw nynh a mangthyapaw ccungngue khate thuasah, ccungccaw nynh a buanaw thyapaw ruising khate thuasah de ka tah cih.

1 SIAPHARAN 1:6

A paaw nynh, “Pawccemou hynhte khahte na cyi?” cite mah hohtutuh mah amaw kha a lunghoy lei lante hopah boi khyh. Aning tuh myarya puithya zah, Absalom he a zui lante a puipaw nynh thua.

PHUNGTANGBYA 13:24

Ccungngue a mang leipaw tuh a ccaaw a huapaw nynh thua, thuasalama a ccaaw a sungsahpaw tuh a ccaaw a di lya maw te hoyte a thuihei.

PHUNGTANGBYA 19:18

Ngaehoinaw a um lyakhe na ccaaw hae kha thuihei hae; a ro nawlan hae ngaethyaumsah nan hae.

PHUNGTANGBYA 22:15

Imuapaw thinlung kyakhe ngaeenaw tuh phang a um, thuasalama thuiheinawpaw ccungngue nynh tuh-e ngaeenaw kha ccaring a dee.

PHUNGTANGBYA 29:15

Ccungngue te zianaw nynh thuasah, bya te thuiheinaw nynh thuasah hawnaw kha a pya, thuasalama a rythyte umsahpaw imua nynh tuh a nung kha maethya a law.

PHUNGTANGBYA 29:17

Na ccaaw kha thuihei lah, ngaengannaw ae pya cih; na lung ae tuasah cih.

LOCCEIHTU 14:22

Zuitu hae thinlung kha thawzung pyate, zynnaw kya po atyn nawlan hae hyy hae zah, “Aening tuh tuaasahnaw patae tung biate nynh Pachia peenaw lungkhu lang ah tee cih oh,” cite a hopya hae.

1 KORIN 11:32

Thuasalama Bawipaw nynh aening kha bya he oun pia te, aening tuh laephi ccungccaw hae ryte seibe ah thua khyh nawlan oh, oun thuiheipaw nynh thua.

DEUTERONOMY 8:5

Nungpaaw nynh ccaaw kha a thuihei hawte Bawipaw nae Pachia nynh nanning kha ae thuihei oh cipaw kha nae thinlung te nyh oh.

1 SAMUEL 2:29

Tuhte mang athua pite, pawccemou kaw ka pya hae thyhte yn pya hae paw ka kya-e silawnawpaw hae te pyapaw uccaw hae kha karankunaw mit te dote, ka ccungccaw Israel hae nynh yn pya hae paw miakaw kya-e ahoy huaccepaw khate na thosah hae zah, kae laeze na ccapaw hae kha saw na tuahua hae?’ a ci.

1 SAMUEL 2:34

Na ccapaw hae lu ning Hofni te Finehas tungvaw yn thua cih paw hynh nang na hanlan muihsahnaw athua cih—parouh mawte nin kheit lungkhu a chih cih hae.

1 SAMUEL 3:13

A ccapaw hae nynh Pachia the a thyasahnaw hae paw hoyleinaw kha mang a nyh pite, minmin kha a khee khyh hae keiccuze, a innbyn kha zungzae hanlan vyavya de ka tah vae, cite ka hopya vae.