HEBRU 12:6 - Zotung Bible 2016

⁶ Pawccecize Bawipaw nynh a sungsahpaw kha a thuihei, ccaaw lante a ccoupaw miakaw kha de a tah,” acikuh.

HEBRU 12:6 Iomraidhean Croise

2 SAMUEL 7:14

Kae tuh a paaw ka thua cih zah aning tuh ka ccapaw athua cih, hoyleinaw a rae ze, ccungccaw nynh a mangthyapaw ccungngue khate thuasah, ccungccaw nynh a buanaw thyapaw ruising khate thuasah de ka tah cih.

The Psalms 119:71

Na phungbya hae kha ccangku khylan, vawsaw ka tungpaw hynh kamaw hanlan ahoy.

The Psalms 119:75

Pou Bawipaw , na byapianaw tuh akyh cipaw ka nyh zah, na lungzinaw keiccuze vawsawnaw nae tungsah vae cipaw ka ny.

The Psalms 94:12

Pou Bawipaw , na thuihei hae paw te na phunglang na ccangpya hae paw tuh lungtua hae paw nynh thua.

PHUNGTANGBYA 13:24

Ccungngue a mang leipaw tuh a ccaaw a huapaw nynh thua, thuasalama a ccaaw a sungsahpaw tuh a ccaaw a di lya maw te hoyte a thuihei.

PHUNGTANGBYA 3:11

Ka ccaaw, Bawipaw thuiheinaw kha pawlangria leite um nan, ae thuihei ze na lungroh nan sah,

PHUNGTANGBYA 3:12

pawccecize paaw nynh a lunglahpaw a ccapaw kha a thuihei hawte Bawipaw nynh a sungsahpaw kha a thuihei.

ISAIAH 27:9

Lung rawpaw kha ditaraw lan koi athua hawte, silawhang kya-e lung balyn kha koi zah, athyaapaw tungpi hae te mynkhuh unawpaw silawhang kha he a khulia hae te, Jakob a cyiseinaw kha a ngaethya cih, e hynh a seinaw thyaasah athuanawpaw athae nynh thua:

JEREMIAH 10:24

Pou Bawipaw , yn thuiheitua, thuasalama thinriate thuihei leite byading te yn thuiheitua; tuhkhyhze tuh accakaepaw lang nae tangsahsei cih.

RAWNAW HLAW 3:39

Ahiinpaw lukhakheit nynh a seinaw keiccu detahnaw a muepaw kha pawccemou a bokhaeku?

DEUTERONOMY 8:5

Nungpaaw nynh ccaaw kha a thuihei hawte Bawipaw nae Pachia nynh nanning kha ae thuihei oh cipaw kha nae thinlung te nyh oh.

JAMES 1:12

Tuhounaw kha a ngaesangpaw ccungccaw tuh hythua ccoupaw nynh thua; pawccecize aning tuh syntaw he athua koute Bawipaw nynh amaw a sungsah hae paw elang bya a kinpyaku hae paw hiinnaw bawilukhung kha a mue cih.

JAMES 5:11

Dotua oh, a ngaesang kho hae paw tuh hythuaccou hae paw ah ci oh. Job nynh a ngaesangnaw kong te nyathyakou kya Bawipaw nynh a pyapaw kong kha na thae vae oh. Bawipaw tuh myarya thawccih thyapaw te ngaethyaumsah thyapaw nynh thua cipaw na ny vae oh.

BYAPHY 3:19

Ka sungsahpaw ccungccaw hae kha ka pe hae zah ka thuihei hae, tukeiccuze na lungtho sah lah, ngaesikuh.

RUTH 1:3

Naomi vawpaw Elimelek tuh chih zah, a zu te a ccapaw hae lu ning kha a chitaw hae.