HEBRU 12:4 - Zotung Bible 2016

⁴ Nanning nynh seinaw dounaw kya chii phe lua lan ciate na dou loh khyh oh.

HEBRU 12:4 Iomraidhean Croise

MATTHAI 24:9

“Te ccungccaw hae nynh nanning kha vawrivawsaw nung khylan ae ap cih oh zah ae theih cih oh; ka min keiccuze minphuin hae balyn nynh ae hua cih oh.

1 KORIN 10:13

Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.

FILIPI 2:8

Ccungccaw muinsan lante yn langkuh zah zakawsangsakute chinaw kyacia— vaelantung kya chi ciate heize kaw a ngae.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 13:13

Tukeiccuze aening nynh amaw kalan ryabu atolang cceih oh sih lah, a teingpaw saryanaw kha teingbua oh sih.

BYAPHY 12:11

Ah uno hae nynh Tuutaw chii liate thuasah, mih ccaekia tangnaw bya liate thuasah Satan kha a tae hae; minmin tuh chi ngan ciate mih hiinnaw kha a pyakuh hae.

BYAPHY 17:6

Nopinung tuh mithyaa hae chii te Jesu a zyn hae keiccu a chia hae paw chii khate a ruipaw kha ka muih, tuh-e nung kha he ka muih tuh, myarya ka ngaeangthua.

BYAPHY 18:24

Profeh hae chii, mithyaa hae chii te laephi vawlan chia athua hae paw balyn chii tuh tuh-e khuapi kya muih athua,” a ci.

BYAPHY 2:13

“Na umnaw hmin kha ka ny, tuin kya Satan bawitungkhung a um. A lungzipaw ka ccaekia Antipas tuh Satan a umnaw hmin athuapaw nanning laku chia athua nin kya heize nang tuh ka min kha tynkaring lan na kyngkuh zah kae nae zynnaw kha na vua khyh.