HEBRU 12:3 - Zotung Bible 2016

³ Pawccecize nanning nae lungthawthang khyh nawlan te nae lungthawzya khyh nawlan misei hae kya-e khahcihawpaw rawsenaw a ngaesangtupaw amaw kha la tuatua oh.

HEBRU 12:3 Iomraidhean Croise

PHUNGTANGBYA 24:10

Vawsaw tung lya na rhawthya zetuh, na thawzung azya.

ISAIAH 50:4

A lungthangpaw kha bya te thawzung pyathya nawlan Bawipaw PACHIA nynh ccangpya thyanaw munglae kha yn pya vae. Awkhua takyh kya kae kha yn tho, ccawccangkuhpaw hawte bya ngae khylan yn tho.

MATTHAI 11:19

Ccungccaw Ccapaw tuh aete niate yn thua zah minmin nynh, ‘Dotua oh, aemohpaw te misuripaw khuh! Ngunto khoi hae paw te misei hae banpaw khuh!’ a ci hae. Thuasalama hawnaw tuh ahme cipaw kha a cyisahnaw nynh a langsah,” a ci.

MATTHAI 12:24

Thuasalama Farasi hae nynh he a thae hae tuh, “E paw nynh raerangsaro hae a dee khopaw hynh raerangsaro hae bawipaw Beelzebul liate nynh thua,” a ci hae.

MATTHAI 15:2

“Pawccemou na zuitu hae nynh langmaw e piccan hae phung kha a lawe hae? Pawccecize minmin nynh looh a ae maw hae mih kuih singkuh khyh hae,” a cipya hae.

MATTHAI 21:23

Jesu nynh beikinn lungkhu lang tee zah a ccangpya lya hae khe, ranpibawi lepaw hae te piccan hae nynh a kalan oun cceih hae zah, “E uccaw hae hynh paw kawhoinaw te mou na cyi? E kawhoinaw hynh hum nynh mou ae pya?” cite a khia hae.

MATTHAI 21:46

Minmin nynh Jesu kha kyng lan a ry hae zemah ccungccaw zapi raw kha a rih hae; pawccecize ccungccaw hae nynh Jesu tuh profeh cite a tua hae paw nynh thua.

MATTHAI 22:15

Farasi hae nynh cceih hae zah Jesu nynh a hopaw kya pawtemou kaangsyakhaw lan cipaw khua a khanku hae.

LUKA 14:1

Sabbath nin kya Jesu nynh aepaw ae lan Farasi lupipaw lu kheit inn lungkhu lang he a tee tuh minmin nynh a dophi hae.

LUKA 15:2

Farasi hae te kawbya sazae hae nynh ccohkuh hae zah, “E ccungccapaw hynh misei hae kha lehkhan hae zah minmin ryte a aekheih hae,” a ci hae.

LUKA 16:14

Phua a ry hae paw Farasi hae nynh tuh-e bya balyn tuh thae hae zah Jesu kha a nuinse hae.

LUKA 2:34

Simeon nynh minmin kha hythuapya hae zah a nung Mary kha, “E imua tuh Israel hae patae khulia nawlan te tho nawlan Pachia nynh a popaw nynh thua. Amaw tuh ccungccaw hae nynh a thethyasah hae paw te Pachia kyate yn thuapaw syntawnaw athua cih zah,

LUKA 5:21

Kawbya sazae hae te Farasi hae nynh, “Pachia saryapaw bya a hopaw e paw tuh hummou? Pachia lu kheit laelan hummou seinaw a ngaethya kho?” cite a hoku hae.

JOHAN 10:20

Minmin lakuze ccungccaw patae nynh, “Aning tuh raerangsaro bahkuh zah a ngaee vae, pawccemou a bya kha na ngae oh?” a ci hae.

JOHAN 18:22

Tuhte he a ho tuh a pe thadynpaw palihpaw nynh Jesu mae kha bia zah, “Ranpibawi lupi kha pawtemou tuhte na khung ngan?” a cipya.

JOHAN 5:16

Tuh-e tuh sabbath nin kya a cyi keiccuze Judah hae nynh Jesu kha a tuaa a sah hae.

JOHAN 7:12

Amaw te asekuh lante ccungccaw zapi laku kya byalungnaw patae a um; pawccecize ccungccaw abang nynh, “Aning tuh ccungccaw hoypaw nynh thua,” a ci hae. Mingccang hae nynh, “Ccungccaw hoypaw thua khyh, aning nynh ccungccaw hae kha a ling hae,” a ci hae.

JOHAN 8:13

Tukeiccuze Farasi hae nynh, “Nang tuh namaw konglang kha namaw nynh ccaekia na khan; na ccaekia tuh kyh khyh,” a cipya hae.

JOHAN 8:52

Judah hae nynh Jesu kha, “Nang tuh raerangsaro bahkuhpaw cipaw atu kae ny. Abraham tuh a chih, profeh hae mah a chih hae; nang nynh, ‘Humhung zemah ka bya a zuipaw tuh chinaw tung boi vae lan khyh,’ na ci.

JOHAN 8:59

Tetuh Jesu deihnaw lanpaw lung kha a khuingku hae; thuasalama Jesu tuh zya rekuh zah beikinn kyate po a pou.

JOHAN 9:40

Jesu pe a um hae paw Farasi hae abang nynh hynh-e bya hynh thae hae zah Jesu kha, “Kaening so kae mitmoh tou?” cite a khia hae.

1 KORIN 15:58

Tukeiccuze ka sungsahpaw uteno hae, Bawipaw kya nae ryalaw tuh alakawpaw thua khyh cipaw na ny oh keiccuze tynkaring lan, nue kho um lei lante um oh lah, Bawipaw rya kha zungzae lah oh.

2 KORIN 4:1

Tukeiccuze Pachia nynh ngaethya oun umsahnaw liate hynh-e ryalaw hynh kae law keiccuze kae lungthang khyh.

2 KORIN 4:16

Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua.

GALATI 6:9

Tukeiccuze ahoypaw ryalawnaw kya thawbang lungthang nan oh sih; pawccecize tuhte ah lungthang khyh zetuh rue ccyh yn zaw te ah rue cih oh.

DEUTERONOMY 20:3

“Pou Israel, thaetua! Atunin nae rhaw hae kha tuk khylan na naekuh vae cih oh. Minmin keiccuze nae lungroh nan sah, rih nan oh, siikuh nan oh lah thyngkuh nan oh;

2 THESALON 3:13

Uteno hae, nanning tuh ahoypaw ryalawnaw kya nae lungthawthang nan sah.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 12:5

Ccaaw hae kya hopya hawte nanning hopyapaw hyynaw bya kha na ning vae oh tou? Tuh-e bya tuh: “Ka ccapaw, Bawipaw thuiheinaw kha pawlangria leite um nan, amaw nynh ae thuihei ze na lungthang nan sah.

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.

1 PETER 2:23

Amaw kha a sarya hae ze, aning nynh saryaru khyh hae; he a teing vae ze, aning nynh huraw khyh hae; hmerarih lan bya a piatupaw Pachia kha a doliaku.

BYAPHY 2:3

nang tuh ngaesangnaw na hoi zah ka min keiccuze na teing zah na lungthawthang khyh cipaw ka ny.

1 SAMUEL 12:24

Bawipaw kha rih oh lah, nae thinlung balyn te lungzite a rya kha lah oh; pawccecize nae hanlan ryalaw lepaw a lawpaw kha tua oh.