HEBRU 12:2 - Zotung Bible 2016

² Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 12:2 Iomraidhean Croise

The Psalms 110:1

Bawipaw nynh ka Bawipaw kha, “Na rhaw hae kha na ccusy lang kae raepya makhia tuh, ka ranglang khe haung,” a cipya.

The Psalms 138:8

Bawipaw nynh ka hanlan a paccynpaw kha a ccingsah cih. Pou Bawipaw , atynpaw na sungsahnaw tuh zungzae atyn. Na kuih ryalawnaw kha vua nan.

ISAIAH 31:1

Bawmnaw ngiaku khylan Izip ram lang a cceihbung hae paw hanlan ngaethya lan kou um! Minmin nynh marang hae kha a doliaku hae, myarya lungpaw marangle hae te myarya thungpaw marang rhawkaw hae kha a doliaku hae, thuasalama Israel Pachia Athyaapaw kha doliakuh khyh hae, Bawipaw kha tuanaw ngiakuh khyh hae.

ISAIAH 45:22

Laephi adianaw e ccungccaw balyn, ka kalan oun maeleihkuh oh lah, khum na thua cih oh! Pawccecize kae tuh Pachia nynh ka thua, ccangpaw Pachia um khyh.

ISAIAH 53:3

Ming hae nynh amaw kha theihrya hae zah a vua hae; a teingpaw te a ngedan leipaw ccungccaw nynh thua; ming hae nynh ccanglang a hawitaw hae paw ccungccaw hawte aning kha theihrya hae zah, kaening nynh pawlang kae ria leipaw nynh thua.

ISAIAH 8:17

Jakob ciihan kyate a mae a rekuhpaw Bawipaw kha ka doliakuh cih zah, ka ngaehoinaw kha amaw kya ka nung cih.

MIKAH 7:7

Thuasalama kae tuh Bawipaw kha ka ccung cih, yn khumtu Pachia kha ka ngaehoikuh cih; ka Pachia nynh yn thaepah cih.

ZEKHARIAH 12:10

David ciihan te Jerusalem khuaccaaw hae tungvaw kya ngaethyaumsahnaw thinlung te sawsang rynaw thinlung kha ka bu cih, tuhteze nynh minmin nynh a thuing hae paw ccungccapaw kha he a do hae te, lu kheit kyalyapaw ccaaw hanlan a rahpaw hawte, tuh-e paw hanlan a rah cih hae, ccatawccaw hanlan a rahpaw hawte, tuh-e paw hanlan thawte a rah cih hae.

NAMBAR 21:9

Tukeiccuze Moses nynh daw hupaw kha rae zah tung vawlan khe a taw; te hupaw nynh lukhakheit kha a tuh vae ze, daw hupaw kha a do zetuh a hiin.

MATTHAI 16:21

Tuin ccyh kyate Jesu nynh Jerusalem lang a ccia lanpaw, piccan hae, ranpibawi lepaw hae te kawbya sazae hae kuih kya patae a teing lanpaw, a chia lan hae paw, te nin thumnaw kya a thoothui lanpaw kong kha a zuitu hae kya a langsahpya hae.

MATTHAI 20:28

Tuhawte Ccungccaw Ccapaw tuh rya lawpyaku khylan yn thua khyh; ming hae rya kha lawpya khylan te ccungccaw patae shawkhaw nawlan a hiinnaw kha pyaku khylan nynh yn thua,” cite a hopya hae.

MARKA 14:36

“Apang, ka Paaw, nang na hanlan tuh pawpaw balyn marya athua kho; e banang hynh ka kyate beih yn lawpah; tuhzemah kae ka ry hawte thua nan sah, na ry hawte thua sah,” a ci.

MARKA 15:28

Tuhcite Ccathyaa kya, “Aning tuh misei hae ryte riakheih athua,” a cipaw kha accing.

MARKA 16:19

Tuhcite Bawipaw Jesu nynh minmin kha a hopah kou hae te amaw tuh vaawlang lawthung thua zah Pachia a ranglang khe a haung vae.

MARKA 9:12

Jesu nynh, “Pawpaw balyn paccyn ty khylan Elijah tuh yn thuaty ccaccing cih. Thuasalama pawccemou Ccathya nynh, ‘Ccungccaw Ccapaw nynh vawsawnaw a teing cih zah oun vua cih hae,’ a ci?

MARKA 9:24

Imuapaw a paaw nynh vaekheihmawte sia zah, “Bawipaw, ka zyn, ka zyn leinaw hynh beih yn bawm!” a cipya.

LUKA 17:5

Locceihtu hae nynh Bawipaw kha, “Kae zynnaw hynh oun lesahthungpya tua,” a ci hae.

LUKA 23:11

Herod te a rhawkaw hae nynh Jesu kha pawlangria leite a sarya hae; Herob nynh kou hoypaw boeining kha lawsakuh zah Pilat kalan bua a saw.

LUKA 24:26

Khri tuh hynh-e hae hynh a teing koute a phu-enaw lungkhu lang tee lan ccan khyh tou?” a cipya hae.

JOHAN 1:29

Awkhualan khe Johan nynh a kalan yn cceihpaw Jesu kha muih zah, “Laephi seinaw a cciakhaepaw Pachia Tuutaw khuh dotua oh!

JOHAN 12:24

Byaccaccing kae hopya oh, chanvuih ccacii nynh laephi lungkhu lang ccah zah a chi khyh ze, amaw thathyhte nynh a um; thuasalama a chi ze, athae patae a pousah.

JOHAN 12:32

Kae tuh laephi kyate saethung ka thua te, ccungccaw hae balyn kha ka kalan ka suebua cih hae,” a ci.

JOHAN 13:3

Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 6:40

Ka Paaw nynh a rypaw tuh, Ccapaw kha muih zah a zynpaw miakaw nynh zungzae hiinnaw a hoi nawlan hae nynh thua; nyathya nin kya minmin kha ka thoosah cih hae,” a ci.

JOHAN 8:56

Nae paaw Abraham tuh ka thua lanpaw ccyh kha myarya a ngaehoi; tuh-e tuh muih zah myarya a lungtua,” a cipya hae.

LOCCEIHTU 2:36

Tukeiccuze vaelantung kya na khiade oh paw Jesu ccaccei kha Pachia nynh Bawi lang te Messiah lang phe a rae vae cipaw kha Israel minphuin balyn nynh ccaerarih lan nyh oh,” cite Peter nynh a ci.

LOCCEIHTU 3:15

Pachia nynh chinaw kyate a thoosahpaw hiinnaw Bawipaw kha na chia oh. Tuh-e konglang te kaening tuh ccaekia hae nynh kae thua.

LOCCEIHTU 5:31

Israel hae kha ngaesikunaw te seingaethyanaw pya khylan Pachia nynh amaw kha Cciakhaetu te Khumtu lang khang zah a ranglang khe phe a hangthung vae.

LOCCEIHTU 5:41

Locceihtu hae tuh Jesu min hanlan maethyanaw teing lan angaekuh hae cite oun tua hae cikuh hae zah kungsi hae kyate lungtuate a pou hae.

1 KORIN 1:18

Pawccecize vaelantung kong phunghopaw hynh ronaw kya a um hae paw hanlan ngaeenaw bya nynh thua, thuasalama khum athua hae paw aening hanlan tuh Pachia thungnaw nynh thua.

1 KORIN 1:23

Thuasalama kaening nynh tuh vaelantung kya a khiade hae paw Khri kong kha nynh kae ho, tuh-e tuh Judah hae hanlan thykunaw thua zah Zenta hae hanlan ngaeenaw nynh thua.

EFESA 2:16

Aning nynh vaelantung liate minphuin phuin ning kha pyn pynkheit lang sueluate Pachia te bua ccawsakuthui hae zah rhawkunaw kha a maemih.

EFESA 5:2

Khri nynh aening kha yn sungsah pawte, Pachia malang mynkhuhpaw pyapaw te silawkunaw lang amaw te amaw kha aening hanlan a pyaku hawte, sungsakunaw kya hiin oh.

FILIPI 1:6

Nanning kya ahoypaw ryalaw a thotu Pachia nynh Jesu Khri Nin a thua cia tuh-e rya tuh a ccingsah cih cite zynkunaw ka hoi.

FILIPI 3:20

Thuasalama aening kya-e ramccungccaw thuanaw tuh vaawlang khua kya nynh a um; tuin kyate yn thua lanpaw Khumtu, Bawipaw Jesu Khri kha ah ngaehoi oh.

2 TIMOTE 4:8

Atu te vae tuh dingnaw bawilukhung kha kamaw hanlan nungpya athua vae. Tuh-e tuh adingpaw byapiatu, Bawipaw nynh tuh-e Nin kya kae kha yn pya cih. Kamaw kyalya thua leite amaw yn langku lanpaw a ngaehoi hae paw balyn kha mah a pya cih hae.

HEBRU 1:13

Thuasalama, “Na rhaw hae kha na ccusy lang kae raepya makhia tuh, ka ranglang khe dahung,” cite vaaw hae kha hummou a hopya boi?

HEBRU 1:3

Tuh-e Ccapaw tuh Pachia phu-enaw awnawpaw te Pachia thuanaw muinsan langsakunawpaw nynh thua. Athungpaw a bya liate pawpaw balyn kha po a tynsah. Aening seinaw hae kha amaw ccaccei nynh he oun thyaasahpah koute ahangnaw kya Lesaenaw ranglang khe a dahung vae.

HEBRU 10:14

Pawccecize pyapaw uccaw ccangkheit liate thyaasah athua hae paw kha zungzae accingpaw lang a rae hae.

HEBRU 10:33

Vaekhakheit vae ze ccungccaw hae malang saryanaw te vawsawnaw kha na teing oh zah, vaekhakheit vae ze tuhcite a teing hae paw ryte mungkute na teingkheih oh.

HEBRU 11:36

Abang tuh saryanaw te ziakunaw kha a teing hae, sivawrui te khii hae zah thongsaw hae.

HEBRU 12:3

Pawccecize nanning nae lungthawthang khyh nawlan te nae lungthawzya khyh nawlan misei hae kya-e khahcihawpaw rawsenaw a ngaesangtupaw amaw kha la tuatua oh.

HEBRU 13:13

Tukeiccuze aening nynh amaw kalan ryabu atolang cceih oh sih lah, a teingpaw saryanaw kha teingbua oh sih.

HEBRU 5:9

Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

HEBRU 7:19

pawccecize kawbya nynh pawsang ccingsah khyh; voihaw lante, ahoy huapaw ngaehoinaw kha thuakhae athua, tuh-e ngaehoinaw liate aening tuh Pachia kalan ah naekuh oh.

HEBRU 8:1

Atu ah ho oh paw uccaw hae kong abyapi tuh: Vaawram kya Lesaenaw bawitungkhung ranglang a dahungpaw, khahcihawpaw Ranpibawi Lupi kha aening ah hoi oh.

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

JAMES 2:1

Ka u te ka neitaw hae, phu-enaw Bawipaw athuapaw, ah Bawipaw Jesu Khri zynnaw kya ccungccaw laesahnaw la hoi nan oh.

1 PETER 1:11

Khri a teingnaw te tuh-e yn zui lanpaw phu-enaw kong kha minmin kya umpaw Khri Muisaw nynh ccaekia he a khanpah ty hae tuh, hummou a hothe ry, tuhkhyhze paw ccyh mou a hothe ry cipaw kha thawte a ccung hae.

1 PETER 3:18

Pawccecize Khri mah seinaw keiccu vaekheit te phe azaw lan a teing, aening kha Pachia kalan thuakhae khylan adingpaw tuh ading lei hae paw hanlan pynsaw kya chia athua zemah muisaw liate hiinsah athua.

1 PETER 3:22

Tuh-e Khri tuh vaawlang kae zah, vaaw hae, kawhoinaw hae te thungnaw hae kha a kuihkaw kya nung zah Pachia ranglang khe a um vae.

JUDE 1:21

Pachia sungsahnaw kya tyn oh lah, zungzae hiinnaw hanlan ah Bawipaw Jesu Khri kya-e ngaethyaumsahnaw kha ngaehoi oh.

BYAPHY 1:11

Tuh-e roi nynh, “Na muihpaw kha ccauh kya zei lah, Asia ram e Efesa khua, Smyrna khua, Perkamum khua, Thiatira khua, Sardis khua, Filadelfia khua te Laodisia khua kya umpaw khriccaawbuu buu sari kalan ky hae,” a ci.

BYAPHY 1:17

Amaw kha he ka muih tuh, a cculeihpaw khe achihpaw hawte ka khuliakuh. Thuasalama a ranglang kuih kha ka tungvaw khe khang zah, “Rih nan, kae tuh masaty te nyathyakou nynh ka thua;

BYAPHY 1:8

Bawipaw Pachia nynh, “Kae tuh Alfa te Omega nynh ka thua,” a ci. Aning tuh atu lya a umpaw, langmawlya a la um vae paw te malang zemah a um cih paw, Athung Huaccepaw nynh thua.

BYAPHY 2:8

“Smyrna khua kya umpaw khriccaawbuu kya-e vaawpaw kalan hynhte zei: Chih zah bua a hiinpaw, masaty te nyathyakou athuapaw nynh hynhte a ho.