HEBRU 12:16 - Zotung Bible 2016

¹⁶ A ohhuakuhpaw a um khyh nawlan, tuhkhyhze ccatawccaw thuanaw kha aepaw kaw kheit lang a zuakuhpaw Esau hawte Pachia pawlangria leipaw na thua khyh nawlan oh raeringkuh oh.

HEBRU 12:16 Iomraidhean Croise

GENESIS 27:36

Esau nynh, “Amaw kha Jakob cite minphu a la thuapaw tuh a min te phe angaekuhpaw khaw a la thua? Pawccecize vae ning yn ling vae. Aning nynh ccatawccaw thuanaw kha phe yn lawpahku zah, atu ka hythuanaw kha bua a lawku vae. Kamaw hanlan hythuanaw ccangkheit san nae hangpah vae khyh tou?” a ci.

MARKA 7:21

Pawccecize ahoy leipaw tuanaw tuh ccungccaw lungkhu e thinlung kyate oun poupaw nynh thua: ohhuakunaw, runaw, ccungccaw chianaw,

LOCCEIHTU 15:20

Thuasalama zohtuh hae kalan pyapaw looh anungsikuhpaw kha thuasah, nopi pise seinaw kha thuasah, nging-ote a chia hae paw kha thuasah, chii kha thuasah minmin nynh a sung nawlan hae aening nynh ccaw ky oh sih.

LOCCEIHTU 15:29

Tuh-e ahoboupaw phung hae tuh: zohtuh hae kalan silawnaw hae paw looh thuasah, chii thuasah, nging-ote a chia hae paw saw thuasah, nopi pise seinaw thuasah nanning nynh la sungkuh oh. Tuh-e hae tuh na sungku oh ze, kou ahoypaw nynh thua. Ngedante,” cite a zei hae.

1 KORIN 10:8

Minmin abang tuh ohhuakunaw rae hae zah nin kheit lungkhu thong kuin thong thum a chi hae hawte, aening tuh ohhuakunaw rae nan oh sih.

2 KORIN 12:21

Bua kae thua te, ka Pachia nynh kae kha maethyate yn umsah cih cipaw ka thinphang; nungsikunaw, ohhuakunaw, ohhuaku rynaw khate sei hae zah a ngaesikuh lei hae paw patae hanlan ka raw lanpaw kha mah ka thinphang.

EFESA 5:3

Ohhuakunaw, athyaa leipaw aphuinphuin, tuhkhyhze karankunaw kha nanning laku bya te sanmah ho nan oh, tuh-e hae tuh mithyaa hae te ngaekuh khyh;

EFESA 5:5

Pawccecize, a ohhuakuhpaw, athyaa leipaw, zohtuh beik zah a karankuhpaw ccungccaw tuh Khri te Pachia peenaw kya rho uccaw kharouh hoibua khyh cipaw ccaerarih lan na ny oh.

KOLOSE 3:5

Tukeiccuze ohhuakunaw, nungsikunaw, sungku kho leipaw rynaw, ahoy leipaw duaanaw, zohtuh beiknaw athuapaw karankunaw cikuh hae paw, nae lungkhu umpaw laephi te asekuhpaw miakaw kha chisah oh.

1 TIMOTE 1:9

Kawbya tuh adingpaw ccungccaw hanlan raepaw thua khyh, thuasalama kawbya pawlangria lei hae paw te kawngae lei hae paw hanlan, Pachia pawlangria lei hae paw te misei hae hanlan, a thyaa lei hae paw te beiknaw pawlangria lei hae paw hanlan, paaw hae te nung hae a theihtu hae hanlan, ccungccaw theihtu hae hanlan,

HEBRU 13:4

Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.

BYAPHY 21:8

Thuasalama mih rawthah hae paw, a zyn lei hae paw, luathua-ae-ui lan um hae paw, ccungccaw theih hae paw, a ohhuakuh hae paw, naawthya hae paw, zohtuh beik hae paw te a hyn hae paw balyn tuh kemaee te aruapaw maee tuili kyakhe nynh mih hanpaw a hoi cih hae, tuh-e tuh vaening chinaw nynh thua,” yn cipya.

BYAPHY 22:15

Tuhzemah atolang tuh ui hae, naawthya hae paw, a ohhuakuh hae paw, ccungccaw theih hae paw, zohtuh beik hae paw te hynbya kha sungsah zah a hopaw miakaw nynh a um hae.