HEBRU 12:11 - Zotung Bible 2016

¹¹ Thuiheinaw miakaw teing lya tuh lungpawnaw laeze ngaethyanaw cite tua lan a umhua; thuasalama thuiheinaw te kia athua hae paw hanlan, tuh-e nynh nyalang tuh daenaw te asekuhpaw dingnaw thae kha a thuakhaepya hae.

HEBRU 12:11 Iomraidhean Croise

GENESIS 21:11

A ccapaw konglang athua keiccuze tuh-e bya nynh Abraham kha myarya a lungvawsaw sah.

The Psalms 118:18

Bawipaw nynh myarya ccih lan de yn tah vae, thuasalama yn chisah khyh.

The Psalms 119:165

Na kawbya a ry hae paw tuh myarya lepaw daenaw a hoi hae; pawpaw nynh mah minmin kha khulia kho khyh hae.

The Psalms 89:32

mih cyiseinaw keiccuze tungbang te thuasah, mih hoyleinaw keiccuze ccinaw alepaw te thuasah de ka tah cih hae;

PHUNGTANGBYA 15:10

Laanpi a meseipaw hanlan accihpaw thuiheinaw a um, thuasalama thuiheinaw kha a huapaw tuh a chih cih.

PHUNGTANGBYA 19:18

Ngaehoinaw a um lyakhe na ccaaw hae kha thuihei hae; a ro nawlan hae ngaethyaumsah nan hae.

ISAIAH 19:22

Bawipaw nynh Izip kha de a tah cih, thuasalama bua a dansah cih; minmin nynh Bawipaw kalan a maeleihkuh cih hae zah, a ngia hae paw kha a thaepah cih hae zah a dansah cih hae.

ISAIAH 32:17

Dingnaw athae tuh daenaw nynh thua, dingnaw athanenawpaw tuh zungzae daenaw te khynnaw nynh thua.

Romans 14:17

Pawccecize Pachia peenaw tuh aepaw te niapaw hynh thua leite, Thyaa Muisaw kya dingnaw, daenaw te lungpawnaw nynh thua.

2 KORIN 4:17

Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.

2 TIMOTE 4:8

Atu te vae tuh dingnaw bawilukhung kha kamaw hanlan nungpya athua vae. Tuh-e tuh adingpaw byapiatu, Bawipaw nynh tuh-e Nin kya kae kha yn pya cih. Kamaw kyalya thua leite amaw yn langku lanpaw a ngaehoi hae paw balyn kha mah a pya cih hae.

HEBRU 12:10

Pawccecize tuh-e paaw hae nynh ahoy cite a tua hae thyhte sosoh nynh oun thuihei hae; thuasalama Pachia nynh tuh amaw kya-e thyaararihnaw kha ah neethungku bua nawlan oh, aening thanenaw hanlan nynh oun thuihei.

HEBRU 5:14

Thuasalama looh tangpaw tuh piccan hae hanlan nynh thua; tuh-e hae tuh ahoypaw te athahpaw phiathya nawlan nynaw a hoi hae paw nynh thua.

1 PETER 1:6

Nanning tuh atu lya syntawnaw aphuinphuin keiccu aho lanze sosoh nae ngaethya zemah, hynh-e kong kyahin nae lungpaw sah.

2 PETER 2:14

Mih mit tuh milae zu milae vawpaw kya sei rynaw te phe beih zah, sei leite um kho khyh hae, mih lungtyn leipaw ccungccaw hae kha soih hae zah, mih thinlung tuh karankunaw a hoi, minmin tuh thyalawpaw ccaaw hae nynh thua hae.