HEBRU 12:1 - Zotung Bible 2016

¹ Tukeiccuze aening mah ccaekia athuapaw maeking pi nynh phang oun koihlu keiccuze zoikadeih lan kaang oun kaesahpaw seinaw te phupaw miakaw kha ccanglang dae nung oh sih lah, aening malang a umpaw ccuetaekunaw kyakhe lungsaenaw te ccue oh sih.

HEBRU 12:1 Iomraidhean Croise

JOB 8:10

Minmin nynh a ny hae paw kha ccangpyate ae hopah lan khyh hae tou?

The Psalms 18:23

A malang ccaenaw um leipaw ka thua zah, hoyleinaw kha ka sibia.

ISAIAH 60:8

Maeking hawte thuasah, mih bu kalan a zou hae paw vahu hae hawte thuasah a zou hae paw khuh-e hae khuh hum hae mou?

EZEKIEL 38:16

maeking nynh ram kha a bong hawte ka ccungccaw Israel hae kha na ccianua cih hae. Nyalang ccyh kya ka ram dou khylan nang kha kae cciakhae cih, tuhteze nynh, pou Gog, minphuin hae malang khe ka thyaanaw kha nang na liate he ka langsakuh te, minphuin hae nynh kae kha yn nyh cih hae.

EZEKIEL 38:9

Nang tuh khise hawte malang na cceih cih; nang, na rhawkaw hae balyn te na kya umbua hae paw ccungccaw patae tuh ram a bongpaw maeking hawte na thua cih oh.

MATTHAI 10:22

Kae ka min keiccuze ccungccaw balyn nynh nanning kha ae hua cih oh. Thuasalama athangnaw cia a tynpaw tuh khum athua cih.

MATTHAI 24:13

Thuasalama athangnaw cia atynpaw tuh khum athua cih.

MARKA 10:50

Aning nynh a boeining kha ccaring a vua koute thohkuh zah Jesu kya a thua.

LUKA 12:15

Jesu nynh, “Karankunaw aphuinphuin kha raeringkuh oh lah sibia oh; pawccecize ccungccaw lu kheit hiinnaw tuh a hoipaw uccaw patae kyakhe um khyh,” a cipya hae.

LUKA 16:28

Pawccecize kae tuh uno lu pangaw ka hoi, minmin nynh hynh-e teingnaw hmin kalan oun thuabua khyh nawlan hae, aning nynh minmin kha raeringnaw la pya hae sah,’ a cipya.

LUKA 21:34

“La raeringkuh oh, tuhkhyhze tuh hoysahnaw, zu-aenaw te hynh-e hiinnaw elang thinphangnaw khate nae thinlung tuh a vawsaw cih, te tualeipite tuh-e nin nynh ae thuanua cih oh.

JOHAN 3:32

Aning nynh a muihpaw te a thaepaw kha ccaekia a khan zemah hum nynh sanmah tuh-e ccaekia a khanpaw tuh lehkhan khyh hae.

JOHAN 4:39

Nopinung nynh, “Kae nynh ka cyi boi paw balyn kha pong yn hopya,” cite ccaekia a khan keiccuze tuh-e khua kya um hae paw Samaria hae patae nynh Jesu kha a zyn hae.

JOHAN 4:44

Pawccecize, “Profeh tuh amaw ram kya sawtuanaw mue khyh,” cite Jesu amaw ccaccei nynh ccaekia a khan vae.

Romans 12:12

Ngaehoinaw kya nae lungpaw sah; vawsawnaw kya nae lungsae sah, sawsangnaw kya tyty tyn oh.

Romans 2:7

Ahoypaw rya kha lungsaete lah zah phu-enaw, sawtuanaw te chi kho leinaw a ccung hae paw tuh Pachia nynh zungzae hiinnaw kha a pya cih hae.

2 KORIN 7:1

Sungsah hae, hynh-e byakinpyakupaw hae hynh ah hoi oh keiccuze pynsaw te muisaw nungsikunaw miakaw kyate ahmaw te ahmaw hynh ccikankuh oh sih lah, Pachia rawri te thyaanaw kha ccingsah oh sih.

GALATI 2:2

E hynh byaphy thyhte ka cciathungpaw nynh thua. Te ka cyi cciamangpaw te ka la cyi vae paw kha alakaw lan a tang khyh nawlan, Zenta hae laku ka hopaw thehoypaw kha minhoy ccoupaw cciakhaetu hae kyakhe ka makhaete ka hopya hae.

GALATI 5:7

Nanning tuh kou hoy lan na ccue vae oh, nanning kha byaccing zuinaw kyate hum nynh mou ae khee oh?

EFESA 4:25

Tukeiccuze hynbya kha nung biate, nanning lu raveih nynh nae innpaw hae ryte byaccing kha ho oh, pawccecize aening tuh lu kheit te lu kheit pyn kya-e hae nynh ah thua oh.

FILIPI 1:30

ka la teingpaw kha na muih vae oh zah atu na thae oh hawte ka teingpaw rhawdounaw te alokuhpaw kha na teingbua oh.

FILIPI 2:16

Hiinnaw bya kha varyng kyngkuh oh; tuhteze nynh kae tuh alakaw lan ka ccuehan khyh zah rya ka lahhan khyh cite Khri nin kya ka pookuh kho cih.

2 TIMOTE 2:4

Rhawkaw nynh tuh rhawkaw lang a potupaw a bawipaw kha a lungrytung khylan ccungccaw huataw bya kya suakuh bua khyh.

2 TIMOTE 4:7

Kae nynh ahoypaw rhawtukkunaw kha ka tuk vae, ccuetaekunaw kha ka thangsah vae, zynnaw kha ka tynsah vae.

HEBRU 6:15

Abraham nynh lungsaete a ngaesang keiccuze byakinpyakupaw kha a mue.

JAMES 1:3

pawccecize nae zynnaw kha syntawnaw nynh ngaesangnaw kha a poukhae cipaw na ny oh.

1 PETER 2:1

Tukeiccuze ahoy leipaw balyn, hynpyakunaw balyn, thyaruhnaw, eiungnaw te thanhokunaw balyn kha ccaring vua oh;

1 PETER 4:2

Tuhcite a pynsaw kya a hoi ungpaw ccyh kha ccungccaw rynaw hanlan hiin vae leite Pachia rynaw hanlan a hiin nawlan nynh thua.

1 PETER 5:1

Pastor athua buapaw, Khri teingnaw hae kong ccaekia athuapaw te yn langkuh cih paw phu-enaw a neethungkuh buapaw mah athuapaw, kae nynh nanning laku e pastor hae kha thawte kae hyy oh:

1 PETER 5:12

Nanning kha hyy biate, hynh-e tuh Pachia kya-e ahmepaw thawccinaw nynh thua cipaw kha ccaekiakhante, Silas bawmnaw liate nae kalan ccaw dyntari kae zei. Silas tuh nae hanlan a lungzipaw uno cite ka tuapaw nynh thua; tuh-e thawccinaw kyakhe tynkaring lan thadyn oh.

2 PETER 1:6

nynaw kya ahmaw sungku khonaw kha thuasah, ahmaw sungku khonaw kya ngaesangnaw kha thuasah, ngaesangnaw kya Pachia rawrinaw kha thuasah biachih oh.

BYAPHY 1:9

Jesu Khri kya-e vawsawrunaw, peenaw te ngaesangnaw kya nanning ry a mungkuh buapaw, nae upaw kae, Johan tuh Pachia bya keiccu te Jesu Khri ccaekia lang ka tang keiccuze Patmos cikuhpaw tuikoih kya ka um.

BYAPHY 13:10

Ming hae kha seetangnaw kalan a cciakhae hae paw ccungccaw tuh amaw mah seetangnaw kalan a cceih cih; thaloi te ccungccaw a theihpaw tuh amaw mah thaloi te chia athua hahe cih. E kyahin mithyaa hae zynnaw te lungsaenaw tuh a um.

BYAPHY 22:16

“Kae, Jesu nynh hynh-e uccaw hae hynh khriccaawbuu hae kya ccaekiakhan sah khylan ka vaaw ccungccapaw kha nae kalan kae saw. Kae tuh David tharui te a ciihan ka thua zah, phaephae akpaw nizy awsi nynh ka thua,” a ci.

BYAPHY 3:10

Ngaesangnaw te asekuhpaw ka bya kha na ccykeku keiccuze laephi vawlan a um hae paw kha syntawtua khylan, laephi pynpi kya yn thua vae cih paw tuhounaw ccyh kyate nang kha kae khynsah cih.