HEBRU 11:8 - Zotung Bible 2016

⁸ Abraham nynh rho lang a ccou cih paw ram langkhe ccia khylan ko he athua tuh, zynnaw liate kaw a ngae; teilang nynh ka ccia cipaw ny leite a cceih.

HEBRU 11:8 Iomraidhean Croise

GENESIS 11:31

Terah tuh a ccapaw Abram, te Haran ccapaw athuapaw a mintawpaw Lot, te a ccapaw Abram zu athuapaw a monung Sarai ryte Khaldi ram Ur khua kyate thokuh hae zah Kanaan ram lang pynkheihlan a cceih hae; thuasalama Haran khua a thua hae te tuin kya khua a sah hae.

GENESIS 12:5

Abram nynh a zu Sarai, a neitaw ccapaw Lot, a hoi hae paw uccaw balyn, te minmin nynh Haran khua kya a mue hae paw mih see hae ryte Kanaan ram lang cceih hae zah tuh-e ram kya a thua hae.

GENESIS 12:7

Te Bawipaw nynh Abram kya yn langkuh zah, “E ram hynh na ciihan hae kalan ka pya cih hae,” a ci. Tukeiccuze Abram nynh amaw kya yn langkuhpaw Bawipaw hanlan tuh-e hmin kya silawhang ccangkheit kha a rae.

GENESIS 15:5

Te Abram kha atolang poukhae zah, “Vaawlui khuh dotua lah awsi hae khuh na ria kho ze riatua. Na ciihan hae tuh khuh-e awsi zeih acih cih hae,” a cipya.

GENESIS 17:8

Atu ramccang ccungccaw lang na tangnaw oh Kanaan ram balyn hynh nang te namaw koute na ciihan hae kalan zungzae hanlan kae pya cih oh; te kae tuh mih Pachia ka thua cih,” a ci.

GENESIS 20:13

Te Pachia nynh ka paaw inn kyate he yn khiasakuh te, Sarah kha, ‘E hynh ka tungvaw na cyi lanpaw thawccinaw nynh thua: ah ccianaw hmin takyh kya, Aning tuh ka raepaw nynh thua cite na ho cih,’ ” ka cipya.

GENESIS 22:18

te na ciihan liate laephi vaw e minphuin balyn hythuanaw a ccou cih hae, pawccecize ka kaw kha na ngae vae,” a ci.

GENESIS 26:3

E ram kya ramccang ccungccaw hawte umtua, nang kha kae umkhae cih zah hythua kae pya cih; pawccecize e ram balyn hynh namaw te na ciihan hae kae pya cih oh zah na paaw Abraham kya ka kinkupaw byakinnaw kha ka ccingsah cih.

ISAIAH 41:2

Hum nynh mou taetu kha nithua langte yn langsakuh zah, amaw rya kha lawsaku khylan a kokuh? Aning nynh minphuin hae kha amaw kalan ap hae zah, siapharan hae kha a uksah hae; a thaloi khate rhaw hae kha vuiping lang tangsah hae zah, a li khate khisan nynh a mungpaw ccatanphue lang a tangsah hae.

ISAIAH 51:2

Nae paaw Abraham te nanning ae saahtu oh paw Sarah kha tuatua oh; Abraham ka la ko lya tuh a makhae nynh thua, thuasalama hythua ka pya zah patae lang ka rae.

EZEKIEL 36:24

Minphuin hae kyate nanning kha kae ko cih oh, ram takyh kyate kae suelua cih oh zah, naemaw ram lang kae cciakhae cih oh.

NAMBAR 10:30

Thuasalama Hobab nynh Moses kha, “Ka cceihbua lan khyh, ka ram lang te ka puizia hae kalan ka ki cih,” a cipya.

MATTHAI 2:21

Te Josef tuh thokuh zah imua te a nung kha hoei hae zah Israel ram lang a kikhae hae.

Romans 1:5

Zenta hae balyn kya amaw min hanlan zynnaw te asekuhpaw kawngaenaw a um nawlan thawccinaw te locceihtu thuanaw kha amaw liate kae mue vae.

Romans 10:16

Thuasalama ccungccaw hae balyn nynh thehoypaw kha zui khyh hae; pawccecize Isaiah nynh, “Bawipaw, kae hopaw bya kha hum nynh mou a zyn?” cite a ho.

Romans 6:17

Thuasalama nanning tuh vaekheit lyaze seinaw see hae na la thua oh zemah, atu tuh na mue oh paw ccangpyanaw kha nae thinlung te phe na lawku vae oh keiccuze Pachia kya thehoynaw um sah.

2 KORIN 10:5

Pachia nynaw a rawsepaw eikunaw hae te khawtu athuapaw lysakunaw miakaw kha kae roh zah, Khri kaw kha ngaesah khylan tuanaw miakaw kha kae kyng.

DEUTERONOMY 9:5

Na dingnaw liate thuasah, na thinlung dingnaw liate thuasah mih ram kha ccou khylan na tee lanpaw thua khyh; thuasalama Bawipaw nynh na minpaaw Abraham, Isak te Jakob kya byakinpyakute a la raepaw byakinnaw kha ccingsah khylan hynh-e minphuin hae hoyleinaw keiccuze Bawipaw na Pachia nynh minmin kha na malang khe a dee lan hae paw nynh thua.

HEBRU 11:33

Tuh-e hae nynh peenaw hae kha zynnaw liate a tae hae, dingnaw rya kha a law hae, byakinpyakunaw kha a mue hae, chindeih hae khalang kha a myhsah hae,

HEBRU 5:9

Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

JOSHUA 24:3

Te nae paaw Abraham tuh Vaw khuraw lang ka ko zah, Kanaan ram lungkhu khe phe lekuh lan ka cciakhae, a ciihan kha patae ka pungzaesah. Isak kha ka pya zah,

1 PETER 1:22

Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.

1 PETER 3:1

Tuhawte, zu hae nanning, nae vawpaw hae kalan pyakuh oh. Ou tuhte vawpaw lukhakheit nynh Pachia bya kha a ngae khyh zemah, bya hopya liate thua leite zu hae ozia liate thuasah,

1 PETER 4:17

Pawccecize Pachia innbyn kyate byapianaw kha masaty tho lan accyh azaw vae; tuh-e tuh aening kyate masaty atho lanze, Pachia kya-e thehoypaw a ngae lei hae paw kya-e athangnaw tuh pawcihte athua cih?