HEBRU 11:6 - Zotung Bible 2016

⁶ Zynnaw leite Pachia lungrytung lanpaw tuh thua kho khyh; pawccecize Pachia kalan yn naekuhpaw ccungccaw nynh tuh Pachia a um cipaw te amaw a ccung hae paw kha amee a pya hae cipaw kha a zyn hahe cih.

HEBRU 11:6 Iomraidhean Croise

GENESIS 15:1

Tukoute Bawipaw bya tuh Abram kalan vizin lante yn thua zah, “Abram, na thinphang nan sah, kae tuh nang ae thungkhawpaw nynh ka thua; na lasung tuh myaryamaw ale cih,” a cipya.

1 SHERIANAW 28:9

“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.

JOB 21:14

Ccungccaw hoylei hae paw nynh Pachia kha, ‘Kae makhaete oun cciataw! Na laanpi kha ny kae ry khyh.

The Psalms 106:24

Oute minmin nynh ram hoypaw kha pawlangria khyh hae zah, a byakinnaw kha zyn khyh hae.

The Psalms 119:10

Ka thinlung balyn te nang kha kae ccung; na kawbya kyate ccanglang yn cciasah sei nan.

The Psalms 58:11

Ccungccaw hae nynh, “Miding hae hanlan lasung a um ccaccing; laephi vawlan bya a piatupaw Pachia tuh a um ccaccing,” cite a ho cih hae.

The Psalms 73:28

Thuasalama kae ka hanlan tuh Pachia kalan naekupaw hynh ahoy; na ryalaw balyn kha ho khylan, Bawipaw PACHIA kha ka khynnaw lang ka nungku vae.

The Psalms 78:22

pawccecize Pachia kha zyn khyh hae zah, a khumnaw huhan kha doliakuh khyh hae.

The Psalms 78:32

Israel hae nynh hynh-e balyn hynh a tung hae zemah a sei mamin hae; ngaeangthua lan umpaw a ryalaw hae kha minmin nynh zyn khyh hae.

PHUNGTANGBYA 11:18

Ccungccaw hoyleipaw nynh tuh ahme leipaw ryalaw mee kha nynh a mue, thuasalama dingnaw ccacii a vua hae paw tuh ahmepaw ryalaw mee kha a mue hae.

PHUNGTANGBYA 8:17

Yn sungsah hae paw kha ka sungsah hae zah, zuakute yn ccung hae paw tuh yn muih hae.

ISAIAH 55:3

Nae nakaring kha oun tuakuh oh lah, ka kalan rang oh; na hiin ccaw oh ngaetua oh. Nanning ryte zungzae tynpaw byakinnaw kha ka rae cih zah, David kya ka kinpyakupaw atynpaw sungsahnaw kha kae pya cih oh.

ISAIAH 7:9

Efraim lu tuh Samaria thua zah, Samaria lu tuh Remaliah ccapaw nynh thua. Zynnaw kya tynkaring lan na thadyn khyh ze, papinmaw na tyn lan khyh, a ci.

JEREMIAH 2:31

E she kya-e ccungccaw hae, Bawipaw bya hynh ngaetua oh! Kae tuh Israel hae hanlan ramkaw khyhze marae mohpaw ram hawte ka thua boi zawtou? Pawccemou ka ccungccaw hae nynh, “Kaening tuh kae lue vae, na kalan kae cceih vae lan khyh,” a ci hae?

NAMBAR 14:11

Te Bawipaw nynh Moses kha, “E ccungccaw hae nynh kae kha hohseciamou yn theihrya ung cih hae? Te muihsahnaw balyn kha minmin laku phang ka rae pite, hohseciamou kae kha zyn leite yn vua cih hae?

NAMBAR 20:12

Thuasalama Bawipaw nynh Moses te Aaron kha, “Israel hae malang ka thyaanaw kha langsahku khylan nanning nynh kae kha nae doliaku khyh oh, tukeiccuze nanning nynh e zapi hae hynh ka pya hae paw ram lungkhu lang na teekhae lan khyh oh,” a cipya hae.

MATTHAI 11:26

Tuhmawte nynh athua Apang, pawccecize tuh-e tuh na rynaw nynh thua.

MATTHAI 5:12

Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.

MATTHAI 6:16

“Looh-ae na sung oh ze, thyaruh hae hawte a ngaethahpaw maesue te la um nan oh; pawccecize minmin tuh looh-ae a sung hae paw kha ccungccaw hae nynh oun nyh hae sah cite mih maesue te a langsaku hae. Byaccaccing kae hopya oh, minmin tuh mih ryalaw mee kha phe mue vae hae.

MATTHAI 6:33

Pachia peenaw te a dingnaw kha masaty ccung oh, te hynh-e uccaw hae balyn kha pyachih na thua cih oh.

MATTHAI 6:5

“Te saw na sang vae oh ze thyaruh hae hawte la cyih nan oh; pawccecize minmin tuh sinakok hae kya te laanpi hae atungkunaw kya ccungccaw hae nynh yn muih hae sah cite thadyn lante sawsang a ry hae. Byaccaccing kae hopya oh, minmin tuh mih ryalaw mee kha phe a mue vae hae.

MARKA 16:17

A zyn hae paw tuh hynh-e muihsahnaw hae hynh pya athua cih hae: ka min te raerangsaro hae kha a dee cih hae; bya thawpaw kha a ho cih hae;

LUKA 12:31

Pachia peenaw kha ccung oh lah, e uccaw hae tuh pyachih na thua cih oh.

LUKA 6:35

Nae rhaw hae kha sungsah oh lah, hoynaw raepah oh, pawpaw sanmah ngaehoi leite koiisakuh oh; te nae ryalaw mee tuh myarya ale cih zah Ahang Huaccepaw Pachia ccaaw hae na thua cih oh. Pawccecize Pachia tuh lungtuabya ho lan a nyhthya leipaw te ccungccaw hoylei hae tungvaw kya thawccinaw a hoipaw nynh thua.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 8:24

Tukeiccuze nanning kha, ‘Nae seinaw kya na chih cih oh,’ cite kae hopya oh; pawccecize kae tuh aning nynh ka thua cipaw hynh na zyn khyh oh ze, nae seinaw kya na chih cih oh,” a cipya hae.

Romans 10:14

Thuasalama minmin nynh a zyn khyh hae ze pawtemou a ko kho cih hae? A thae khyh hae ze pawtemou a zyn kho cih hae? Phunghotu a um khyh ze pawtemou a thae kho cih hae?

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

HEBRU 11:26

Izip ram kya-e sisua hae laeze Khri keiccuze saryakunaw tuh asung huapaw hoirumnaw nynh thua cite a tuaku. Pawccecize nyalang mue lanpaw lasung kha nynh a tua.

HEBRU 3:12

Uteno hae, nanning nynh zyn leinaw thinlung ahoy leipaw kha hoite, a hiinpaw Pachia kyate na pou khyh nawlan oh raeringkuh oh.

HEBRU 4:2

Pawccecize thehoypaw tuh minmin kalan mah hopya athua hawte, aening kalan hopya athua vae; thuasalama a thaetu hae nynh zynnaw te a lawku khyh hae keiccuze ho athuapaw bya tuh minmin hanlan thane khyh.

HEBRU 4:6

Tukeiccuze, ccungccaw abang hanlan tuh-e haeungnaw lungkhu lang tee khonaw phang a um, masaty thehoypaw hopya athua hae paw minmin tuh kawngae leinaw keiccuze tee khyh hae.

HEBRU 7:19

pawccecize kawbya nynh pawsang ccingsah khyh; voihaw lante, ahoy huapaw ngaehoinaw kha thuakhae athua, tuh-e ngaehoinaw liate aening tuh Pachia kalan ah naekuh oh.

HEBRU 7:25

Amaw liate Pachia kalan oun cceih hae paw kha aning nynh zungzae a khum kho hae, pawccecize aning tuh minmin hanlan ngiapyanaw rae khylan zungzae a hiin keiccu nynh thua.

2 PETER 1:10

Tukeiccuze uteno hae, nanning konaw te ponaw kha tynsah khylan zuakuh paleih oh; pawccecize tuhte na cyi oh ze, na khuliakuh boi lan khyh oh.

2 PETER 1:5

Hynh-e keiccuze nae zynnaw kya hiinzia hoypaw kha thuasah, hiinzia hoynaw kya nynaw kha thuasah biachih lan zuakuh oh,

2 PETER 3:14

Tukeiccuze sungsah hae, tuh-e uccaw hae tuh na ngaw oh keiccuze athupaw um leite, ccaenaw hoi leite daenaw kya amaw nynh ae muih nawlan oh thawte zuakuh oh.

BYAPHY 21:8

Thuasalama mih rawthah hae paw, a zyn lei hae paw, luathua-ae-ui lan um hae paw, ccungccaw theih hae paw, a ohhuakuh hae paw, naawthya hae paw, zohtuh beik hae paw te a hyn hae paw balyn tuh kemaee te aruapaw maee tuili kyakhe nynh mih hanpaw a hoi cih hae, tuh-e tuh vaening chinaw nynh thua,” yn cipya.

RUTH 2:12

Bawipaw nynh na cyisahnaw hanlan lasung ae pya sah lah, a sake kaw kya reku khylan nae ccianuapaw Bawipaw , Israel Pachia nynh accingpaw lasung kha ae pya vae sah!” a cipya.