HEBRU 11:5 - Zotung Bible 2016

⁵ Enok tuh chinaw a tung vae khyh ccaw cite zynnaw liate lawthung athua. Pachia nynh amaw kha a lawthung vae keiccuze aning tuh muih lan um vae khyh. Pawccecize lawthung athua maw, “Aning tuh Pachia lungry a tung,” cipaw ccaekia kha a hoi.

HEBRU 11:5 Iomraidhean Croise

2 SIAPHARAN 2:1

Bawipaw nynh Elijah kha khiccung te vaawlang a hangthung dyn khe Elijah te Elisha tuh Gilgal khua kyate a cceih hae.

2 SIAPHARAN 2:11

Ccia lalia te bya a hoku cciamang lya hae khe, maee marangle te maee marang nynh minmin lu ning kha thoh phia hae zah, Elijah tuh khiccung te vaawlang a kae.

The Psalms 89:48

Chi leite a hiin khopaw hummou a um? Michi khua huhan kyate hummou a lue kho?

JEREMIAH 36:26

Te siapharan nynh ryaccinkhan Baruk te profeh Jeremiah kha kyng khylan siapharan ccapaw Jerahmeel, Azriel ccapaw Seraiah te Abdeel ccapaw Shelemiah kha kaw a pya hae. Thuasalama Bawipaw nynh minmin kha a thuruh hae.

LUKA 2:26

Thyaa Muisaw nynh amaw kha, Bawipaw kya-e Messiah kha na muih makhia na chih lan khyh, cite a hopya.

LUKA 3:37

Lamek tuh Methuselah ccapaw, Methuselah tuh Enok ccapaw, Enok tuh Jared ccapaw, Jared tuh Mahalaleel ccapaw, Mahalaleel tuh Kainan ccapaw,

1 THESALON 2:4

Thehoypaw kha zyn lan um lante ho lan Pachia nynh nawccawkhaepaw kae thua thyhte, ccungccaw lungrythuasah khylan thua leite, kae thinlung oun syntawpaw Pachia lungrythuasah khylan nynh kae ho.

HEBRU 11:6

Zynnaw leite Pachia lungrytung lanpaw tuh thua kho khyh; pawccecize Pachia kalan yn naekuhpaw ccungccaw nynh tuh Pachia a um cipaw te amaw a ccung hae paw kha amee a pya hae cipaw kha a zyn hahe cih.

HEBRU 2:9

Thuasalama Pachia thawccinaw liate ccungccaw miakaw hanlan chinaw taangtua khylan, vaaw hae laeze ccapyh anehua lante rae athuapaw Jesu kha aening nynh ah muih oh. Chinaw a teing keiccuze aning tuh phu-enaw te sawtuanaw lukhung kha khungsah athua.

1 JOHAN 3:22

Aening nynh a kawbya hae kha ah zui oh zah a lungrythuapaw ryalaw hae kha ah law oh keiccuze ah ngiaku oh paw miakaw kha amaw kyate ah mue oh.

JUDE 1:14

Adam kyate she sarinaw athuapaw Enok mah hynh-e hae kong hynh profehbya a ho. A hopaw tuh: “Dotua, Bawipaw tuh,