HEBRU 11:4 - Zotung Bible 2016

⁴ Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

HEBRU 11:4 Iomraidhean Croise

GENESIS 4:10

Te Bawipaw nynh, “Pawmou phe na rae vae? Ngaetua; na neitaw chii nynh laephi kyate kamaw kalan palei a sia!

GENESIS 4:15

Oute Bawipaw nynh Kain kha, “Tuhte thua khyh! Kain a theihpaw tuh humhung zemah liarunaw leit sari a ing cih,” a ci. Te Kain a muihpaw lukhakheit nynh Kain kha a chia khyh nawlan Bawipaw nynh Kain kyakhe syntawnaw ccangkheit a rae.

GENESIS 4:25

Te Adam nynh a zu te bua a ihkheih hae, te aning nynh ccapaw lu kheit saah zah Seth cite min a phu, pawccecize aning nynh, “Kain nynh a chiapaw Abel ccelang ccangpaw ccapaw kha Pachia nynh yn khangpya vae,” a ci.

GENESIS 4:8

Kain nynh a neitaw Abel kha, “Loo lang cceih sih,” a cipya. Te loo kya a um lya hae khe Kain nynh a neitaw Abel kha rawse zah a chia.

1 SIAPHARAN 18:38

Tetuh Bawipaw maee tuh yn ccah zah, maee-ute silawnawpaw, thing, lung te laenoi kha u zah, tuizy kya-e tui kha heize phe a rousah.

JOB 8:10

Minmin nynh a ny hae paw kha ccangpyate ae hopah lan khyh hae tou?

PHUNGTANGBYA 15:8

Ccungccaw hoylei hae paw silawnaw tuh Bawipaw hanlan anungsikuh. Thuasalama miding hae sawsangnaw kha tuh a lungrythua.

PHUNGTANGBYA 21:27

Ccungccaw hoyleipaw nynh silawnaw a raepaw tuh anungsikuhpaw nynh thua; ahoy leipaw paccynnaw te yn ccyng zetuh hohcihmou houh anungsiku?

LEVITIKAS 9:24

Bawipaw kyate maee yn pou zah maee-ute silawnawpaw te silawhang vawlan umpaw atho kha phe thang lan a u, ccungccaw balyn nynh tuh-e tuh he a muih hae tuh, sia hae zah mih lu a bakhung hae.

MATTHAI 23:35

Tukeiccuze adingpaw Abel chiise kyate, beikinn te silawhang laku na chia oh paw Berakhiah ccapaw Zekhariah chiise kyacia laephi vawlan aluapaw miding hae chiise balyn tuh nae tungvaw accah cih.

LUKA 11:51

Abel chiise kyate tho zah silawhang te beikinnthyaa laku kya a chia hae paw Zekhariah chiise kyacia ngia athua cih hae. Byaccaccing kae hopya oh, tuh-e tuh e ccungccaw hae kya ngia athua cih.

TITU 1:16

Minmin nynh Pachia kae nyh cite ho hae salamah mih cyisahnaw te Pachia kha a vua hae; pawccecize minmin tuh luathua-ae-ui lan um hae paw, kawngae lei hae paw te ahoypaw ryalaw miakaw kya ccungkia lei hae paw nynh thua.

HEBRU 11:2

Pawccecize tuh-e zynnaw liate langmawlya e ccungccaw hae tuh Pachia lungry a tung hae.

HEBRU 12:1

Tukeiccuze aening mah ccaekia athuapaw maeking pi nynh phang oun koihlu keiccuze zoikadeih lan kaang oun kaesahpaw seinaw te phupaw miakaw kha ccanglang dae nung oh sih lah, aening malang a umpaw ccuetaekunaw kyakhe lungsaenaw te ccue oh sih.

HEBRU 12:24

byakinnaw thawpaw kya-e hopiatu Jesu kalan te Abel chiise nynh a hopaw uccaw laeze ahoy huapaw uccaw kong a hopaw theipaw chiise kalan na thua vae oh.

HEBRU 5:1

Ccungccaw hae laku kyate popaw ranpibawi lupi miakaw tuh seinaw hae hanlan silawnaw te lasung hae kha Pachia kalan pya khylan, Pachia lante asekuhpaw uccaw hae kya ccungccaw hae ccelang khangpaw nynh thua.

HEBRU 9:22

Kawbya thyhte pawpaw balyn chii liate vya thang lan thyaasah athua, chii luanaw um leite seingaethyanaw um khyh.

2 PETER 2:8

(pawccecize tuh-e midingpaw tuh minmin kya a um lyaze kawbya pawlangria lei hae paw mih cyisahnaw hae kha nin takyh a muih a thae keiccuze midingpaw tuh a lungvawsaw).

JUDE 1:11

Minmin hanlan ngaethya lan kou um! Pawccecize minmin nynh Kain laanpi kha a zui hae, amee mue khylan Balaam a cyiseinaw kalan khe a dekuh bua hae, Korah hawte rhawtho hae zah tuh-e rhawthonaw kyakhe a roh hae.