HEBRU 11:12 - Zotung Bible 2016

¹² Tukeiccuze achihpaw hawte athua vae paw Abraham kyate vaawlui e awsi hae zeih alungpaw te rili kin e riatae leipaw laesia zeih alungpaw ciihan patae a pui hae.

HEBRU 11:12 Iomraidhean Croise

GENESIS 15:5

Te Abram kha atolang poukhae zah, “Vaawlui khuh dotua lah awsi hae khuh na ria kho ze riatua. Na ciihan hae tuh khuh-e awsi zeih acih cih hae,” a cipya.

GENESIS 22:17

nang kha hythua kae pya ccaccing cih, na ciihan kha vaawlui kya-e awsi zeih, te rili kin umpaw laesia zeih alung lan kae pungthungsah cih. Te na ciihan nynh mih rhaw hae khua koikua kha a uk cih hae,

GENESIS 26:4

Na ciihan tuh vaawlui e riatae lei awsi zeih kae pungzaesah cih zah, e ram balyn hynh ka pya cih hae; te laephi vaw e minphuin balyn tuh na ciihan liate hythuanaw a ccou cih hae,

GENESIS 32:12

Tuhzemah nang nynh, ‘Na tungvaw hoynaw ka rae ccaccing cih zah na ciihan kha riatae um leipaw rili laesia zeih lang ka rae cih,’ nae cipya,” a ci.

2 SAMUEL 17:11

Tukeiccuze hynhte tuanaw kae pya: Israel hae balyn tuh Dan kyate Beersheba kyacia, rili kin e laesia zeih alung hae paw zapi hae kha namaw kalan pum lan hae zah, rhawtuknaw kalan namaw ccaccei phe na cceihbua cih.

1 SIAPHARAN 4:20

Judah hae te Israel hae tuh rili kin e laesia zeih acih hae; ae hae neih hae zah lungpawte a um hae.

1 SHERIANAW 27:23

Bawipaw nynh Israel kha vaawlui e awsi zeih alung lan kae pungzaesah cih cite bya a kinpyaku keiccuze David nynh kum kuin te akaw lang kha tuh ria khyh hae.

NEHEMIAH 9:23

Mih ciihan hae kha vaawlang e awsi zeih na pungzaesah hae zah, mih minpaaw hae kya teenua lan te law lan na hopya hae paw ram lungkhu langkhe na teekhae hae.

EXODUS 32:13

‘Na ciihan tuh vaawlui e awsi hae zeih ka pungzae sah cih, bya kae kinpyakupaw e ram balyn hynh na ciihan hae kalan ka pya cih hae zah minmin nynh rho lang zungzae a ccou cih hae,’ cite namaw ccaccei nynh thya na lawpahku hae zah na hopya hae paw na ryalahtu hae, Abraham, Isak te Israel kha liathui hae,” cite ngia zah a hopya.

ISAIAH 10:22

Pou Israel, na ccungccaw Israel hae tuh rili kya-e laesia zeih cih hae salamah a laehy hae paw rou nynh a kithui cih hae. Khah-e ccungccaw hae nynh dingrarih lan byapianaw te phe beihpaw athangnaw kha a tung ccaccing cih hae.

ISAIAH 48:19

na ciihan tuh laesia zeih acih cih zah, na ccaaw na no hae tuh rili kya-e lungpyng zeih acih cih hae; mih min kha papin vua thua lan khyh, ka malang te ro thua lan khyh hae.

JEREMIAH 33:22

Vaawlang e awsi hae kha riatae um khyh zah, rili laesia mah riatae a um khyh hawte, ka ryalahtu David ciihan te ka rya yn lawpah hae paw Levi phin hae kha ka pungzaesah cih hae.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

HABAKKUK 1:9

Mih balynte puathote tae khylan oun cceih hae, mih mae kha malang khe tahrarin lan a hawi hae; minmin nynh a kyng hae paw kha suelua hae zah laesia zeih acih hae.

Romans 9:27

Israel hae te asekuh lante Isaiah nynh, “Israel hae milu tuh rili kya-e laesia zeih cih hae salamah a laehy hae paw rou nynh khum athua cih hae.

DEUTERONOMY 1:10

Bawipaw nae Pachia nynh ae pungthungsah oh zah, atunin nanning tuh vaawlui e awsi zeih na cih vae oh.

DEUTERONOMY 28:62

Vaawlui e awsi zeih na la lung oh zemah, Bawipaw nae Pachia bya kha na ngae khyh keiccu oh ze, beihtaraw kyalya nynh na um vae cih oh.

JOSHUA 11:4

Tuh-e siapharan hae tuh, milu lante rili kin e laesia zeih cih hae paw mih rhawkaw hae balyn te myarya lungpaw marang hae te marangle hae ryte oun pou hae.

BYAPHY 20:8

laephi ki kipali kya a um hae paw minphuin hae athuapaw Gog te Magog kha ling khylan te rhawtuk khylan minmin kha suelua lan po a cceih cih, minmin tuh milu lante rili laesia zeih a cih hae.

BYAPIATU 7:12

Midian hae, Amalek hae te nithua lang e ccungccaw hae balyn tuh tungkhipaw aphu zeih alung lante accya kya a um hae; mih kalauh hae tuh rili kin e laesia hawte riatae um khyh hae.

1 SAMUEL 12:5

Samuel nynh minmin kha, “Ka kuih kya pawpaw mah na muih khyh oh paw kong kya Bawipaw tuh nae malang ccaekia thua zah, chitui thuh athuapaw ccungccaw tuh atunin ccaekia nynh thua,” a cipya hae. Te minmin nynh, “Bawipaw tuh ccaekia nynh thua,” a ci hae.