HEBRU 11:10 - Zotung Bible 2016

¹⁰ Pawccecize Pachia nynh a sakpaw te a raepaw, atynpaw athonaw a hoipaw khuapi kha aning nynh a ngaehoi.

HEBRU 11:10 Iomraidhean Croise

ISAIAH 14:32

Filistin ram kyate oun thua hae paw locceihtu hae kha pawtemou byakhung lan hae? “Bawipaw nynh Zion khua kha a rae vae, a ccungccaw hae kyaze a ryachi hae paw nynh tuh-e khua kya khynnaw a muihkuh cih hae,” cite byakhung lan hae.

JOHAN 14:2

Ka Paaw inn kya umnaw khaan patae a um; a um khyh lanze um khyh cipaw phe kae hopah vae cih oh. Nanning hanlan umnaw paccyn khylan ka la cceih cih.

2 KORIN 5:1

Pawccecize aening ah umnaw oh paw laephi bu hynh ro athua lanze, vaawlang khua kya kuih te rae leipaw inn, zungzae atynpaw inn kha Pachia kyate ah mue cih oh cipaw ah ny oh.

FILIPI 3:20

Thuasalama aening kya-e ramccungccaw thuanaw tuh vaawlang khua kya nynh a um; tuin kyate yn thua lanpaw Khumtu, Bawipaw Jesu Khri kha ah ngaehoi oh.

HEBRU 11:16

Thuasalama minmin nynh ahoy huapaw ram kha a ngae hae, tuh-e ram tuh vaawram nynh thua. Tukeiccuze mih Pachia cite koku lanpaw kha Pachia tuh a maethah khyh; pawccecize Pachia nynh minmin hanlan khuapi kha a paccynpya vae hae.

HEBRU 12:22

Thuasalama nanning tuh Zion mua lang, ahiinpaw Pachia khuapi athuapaw vaaw Jerusalem lang, riatae lei vaaw hae lungpawte a tungkunaw hae kalan,

HEBRU 12:28

Tukeiccuze ahy kho leipaw peenaw kha ah ccou oh keiccuze lungpawte um oh sih, sawtuanaw te rawrinaw ryte douccah lante Pachia kha beik oh sih.

HEBRU 13:14

Pawccecize aening tuh hein kya po atynpaw khuapi ah hoi khyh oh, yn thua cih paw khuapi kha nynh ah ccung oh.

HEBRU 3:4

Pawccecize inn miakaw tuh ccungccaw lukhakheit nynh a sakpaw nynh thua, thuasalama pawpaw balyn a saktupaw tuh Pachia nynh thua.

BYAPHY 21:2

Athyaapaw khuapi athuapaw Jerusalem Thawpaw tuh a vawpaw hanlan a ccaankuhpaw akaepaw liaccanung hawte paccynkuh zah Pachia kyate vaawlang te yn rungbungpaw kha ka muih.