HEBRU 11:1 - Zotung Bible 2016

¹ Zynnaw tuh ngaehoipaw uccaw hae kha ka mue ccaccing cih cite phe riasakunaw te, muih loh leipaw uccaw hae kha a um ccaccing cite nynaw nynh thua.

HEBRU 11:1 Iomraidhean Croise

The Psalms 27:13

A hiin hae paw ram kyakhe Bawipaw hoynaw kha ka muih cih cite ka zyn.

The Psalms 42:11

Pou ka muisaw, pawcce na ngaethya? Pawcce ka lungkhu kya na lungriathae? Pachia kha ngaehoikuh; yn bawmtu te ka Pachia kha bua ka thehoysah cih.

LOCCEIHTU 20:21

Pachia kalan ngaesikunaw kong te ah Bawipaw Jesu kya zynnaw kong kha Judah hae kalan te Grik hae kalan ccaekia ka khanpaw kha na ny oh.

1 KORIN 13:13

Atu tuh zynnaw, ngaehoinaw te sungsakunaw, hynh-e hae ccangthum hynh atyn; hynh-e hae kyaze abyapi huaccepaw tuh sungsakunaw nynh thua.

2 KORIN 11:17

Hynh-e pookunaw kong ka hopaw hynh Bawipaw kya-e kawhoinaw te ka hopaw thua leite, a ngaeepaw hawte nynh ka ho.

2 KORIN 4:18

Tukeiccuze muih khopaw uccaw hae kha do leite muih kho leipaw uccaw hae kha nynh kae do; pawccecize muih khopaw uccaw hae tuh sosoh nynh atyn, thuasalama muih kho leipaw uccaw hae tuh zungzae atyn.

2 KORIN 5:17

Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.

2 KORIN 5:7

pawccecize aening tuh muihnaw liate hiin leite, zynnaw liate nynh ah hiin oh.

2 KORIN 9:4

Tukhyhze tuh, Mesidonia hae tuh kamaw ryte oun thuabua hae zah paccynku leite na um oh paw kha oun muih hae ze, nanning maethyanaw tuh la um hin sah, rawhoyte kae la pookupaw kha kae maethahsei cih.

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

TITU 1:1

Pachia rya a lahtu te Jesu Khri locceihtu athuapaw Paul nynh ccaw kae ky oh. Pachia nynh a popaw a ccungccaw hae zynnaw kha tynsah khylan te ah beiknaw nynh oun ccangpyapaw byaccing kalan cciakhae khylan popaw te sawpaw nynh ka thua,

HEBRU 10:22

ahoy leipaw mawtemaw nykunaw thinlung kha thyaasaku khylan tui theikute, ah pyn kha tui ccipaw te singkute, thinlung ccaccing te zynnaw atynpaw te Pachia kalan naekuh oh sih.

HEBRU 10:39

Thuasalama aening tuh ronaw kalan nulang a sihkuh hae paw ah thua khyh oh, thuasalama zynnaw hoite khumnaw a ccou hae paw nynh ah thua oh.

HEBRU 11:13

Hynh-e ccungccaw hae balyn tuh byakinpyakupaw kha ccou leite zynnaw hoite a chih hae. Thuasalama minmin nynh asawpi te tuh-e tuh muihlang hae zah a cciadue hae, te minmin tuh laephi vawlan mikhia hae te khuaccong hae paw nynh kae thua cipaw ccaerarih lan a nyku hae.

HEBRU 11:27

Siapharan thinrianaw kha ri leite Izip ram kha zynnaw liate a cciataw; pawccecize muih kho leipaw Pachia kha a muihpaw hawte aning nynh phang a ngaesang.

HEBRU 11:7

Noah tuh muih loh leipaw uccaw hae kong kha Pachia nynh raeringnaw a pya koute a innbyn khumnaw hanlan Pachia rawrinaw te zynnaw liate sanphalung kha a sak, tuh-e zynnaw liate laephi kha seibe zah zynnaw liate yn thuapaw dingnaw rho a ccoutu lang yn tang.

HEBRU 2:3

myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.

HEBRU 3:14

Pawccecize aening nynh atakaw e ah zynkunaw oh kha athangnaw cia tynkaring lan ah kyngku oh ze, aening tuh Khri a ruiban hae ah thua vae oh.

HEBRU 3:6

Thuasalama Khri tuh Pachia inn kya ccapaw hawte a lungzipaw nynh thua. Aening nynh zynkunaw thuasah, ngaehoinaw kya-e lungtuanaw thuasah athangnaw cia tynkaring lan ah kyngku oh ze, aening tuh amaw a inn nynh ah thua oh.

HEBRU 6:12

Tuhteze nynh nanning tuh nae thawnaw leite, zynnaw te lungsaenaw liate byakinpyakunaw rho a ccou hae paw kha thydokuh hae paw na thua cih oh.

2 PETER 1:1

Jesu Khri seepaw te locceihtupaw kae, Simon Peter nynh ah Pachia te Khumtu Jesu Khri kya-e dingnaw liate kae zynnaw te alokuhpaw, aphutepaw zynnaw a hoi hae paw kalan ccaw kae ky oh.