HEBRU 10:5 - Zotung Bible 2016

⁵ Tukeiccuze laephi kalan Khri yn thua lyaze aning nynh, “Silawnaw te pyapaw uccaw kha na rypaw thua khyh, thuasalama kamaw hanlan pyn kha phe nae paccynpya vae.

HEBRU 10:5 Iomraidhean Croise

GENESIS 3:15

Nang te nopinung laku thuasah, na ciihan te a ciihan laku thuasah rawsekunaw ka nung cih; aning nynh na lu kha ae tude cih zah nang nynh a ccukhung kha na tuh cih,” a ci.

ISAIAH 1:11

Bawipaw nynh, “Ka kalan na rae oh paw silawnaw patae hynh a ry cih cite tou na tua oh? Maee-ute silawnaw na raenaw oh paw tuu hae te looh na dang oh paw sahiin hae tho khate phe ka byn vae; vaetua chii, tuutaw chii te miaa chii kha ka ry khyh.

ISAIAH 40:16

Lebanon ramkaw kya umpaw sarangpaw hae tuh maee-ute silawnaw lang zaw khyh, Lebanon ramkaw e thing hae tuh maeetua nawlan zaw khyh.

ISAIAH 7:14

Tukeiccuze Bawipaw amaw ccaccei nynh nanning kha muihsahnaw ae pya cih oh. Dotua oh, liaccady nynh ccaawpoi zah ccapaw a saah cih, a min tuh Immanuel cite a phu cih hae.

JEREMIAH 31:22

Pou alungzi leipaw ccanung, hohseciamou rarymamaw na um ung cih? Bawipaw nynh laephi vawlan uccaw thawpaw kha a rae vae: nopi tuh pise hawte nynh thua.

JEREMIAH 6:20

Sheba ram kyate yn thuapaw amynkhuhpaw frankinsen te laansaw langte yn thuapaw ccazung epaw kha ka hanlan pawmou a ccungkia? Nae kya-e maee-ute silawnaw hae kha ccoupya thua lan khyh, nae kya-e silawnaw hae kha mah ka lungrythua khyh.

MATTHAI 11:3

Jesu kha, “Nang hynh yn thua cih paw tuh na thua tou? Tuhkhyhze mingccangpaw tou kae ngaw ung cih?” cite bya a khiasah hae.

LUKA 1:35

Vaawpaw nynh, “Thyaa Muisaw tuh na tungvaw yn thua cih zah Ahang Huaccepaw thungnaw tuh na tungvaw yn um cih; Tukeiccuze na saah lanpaw Ccapaw tuh athyaapaw athua cih zah Pachia Ccapaw cite ko athua cih.

LUKA 7:19

Jesu kalan saw hae zah, “Nang hynh yn thua cih paw tuh na thua tou? Tuhkhyhze mingccangpaw tou kae ngaw ung cih?” cite a khiasah hae.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.

1 TIMOTE 3:16

Ah beiknaw kya-e byakhupaw alenaw zia hynh eiku lanpaw um khyh: Pachia tuh pynsaw lante yn langkuh vae zah, Muisaw liate thyaaccousah athua vae, vaaw hae nynh a muih vae hae. Zenta hae kya ho athua vae, laephi pynpi kya amaw kha a zyn vae hae. Phu-enaw te vaawlang lawthung athua vae.

HEBRU 1:6

Te ccatawccaw kha laephi kalan he yn thuakhae te, “Pachia vaaw hae balyn nynh amaw kha beik hae sah,” a ci.

HEBRU 10:10

Tuh-e rynaw liate, Jesu Khri pyn kha zungzae hanlan vaekheit kyalya pyanaw liate aening tuh thyaasah ah thua vae oh.

HEBRU 10:7

Tuinte kae nynh, ‘Ccauh kuekuhpaw kya kamaw konglang azeiku thyhte, pou Pachia, na rynaw rae khylan nynh kae tuh kae thua,’ ka ci,” cite a ho.

HEBRU 10:8

Luki langkhe, “Silawnawpaw hae te pyapaw uccaw hae, maee-ute silawnawpaw uccaw hae te seishawnaw silawnawpaw hae kha na ry khyh, tuh-e hae kya na lungrythua khyh,” (tuh-e hae tuh kawbya thyhte pyapaw nynh thua) cite a ho koute,

HEBRU 2:14

Tukeiccuze imua hae tuh chii te saw kha a neethungkuh bua hae paw athua keiccuze, Khri amaw mah tuhawte chii te saw kha a neethungkuh bua; tuhcite Khri a chinaw liate chinaw tungvaw kawhoitu Satan kha rote,

HEBRU 5:7

Jesu tuh pynsaw lante a um lyaze, amaw kha chinaw kyate a khum khopaw kalan thawte sia zah mitphi luate, sawsang te a ngia; aning tuh Pachia raw a ri keiccu thaepya athua.

HEBRU 8:3

Pawccecize ranpibawi lupi miakaw tuh lasung hae te silawnawpaw khate silawpya khylan khangpaw nynh thua. Tukeiccuze hynh-e paw mah silaw nawlan ccangkhakheit a hoi aho.

1 PETER 2:24

Aening tuh seinaw kya ah chih oh zah dingnaw kya ah hiin nawlan oh, Khri nynh aening seinaw balyn kha thing vawlan khe amaw a pyn kya oun phupya. A vaemaw hae liate na dan vae oh.

2 JOHAN 1:7

Pawccecize ccungccaw lingtu hae patae tuh laephi vawlan oun langkuh vae hae; minmin nynh Jesu Khri tuh pynsaw lante yn thua cipaw ccaekiakhan khyh hae; khahcihawpaw ccungccaw tuh ccungccaw a lingtu te antikhri nynh thua.