HEBRU 10:4 - Zotung Bible 2016

⁴ Pawccecize tangnuapaw hae te miaa hae chii nynh seinaw po lawpya lanpaw tuh thua kho khyh.

HEBRU 10:4 Iomraidhean Croise

The Psalms 51:16

Silawnaw kha na lungrythua khyh; na lungry a la thua lanze, he kae pya cih paw, maee-ute silawnaw ka la rae lan zemah, na lungrythua lan khyh.

ISAIAH 66:3

Tangnuapaw a theihpaw miakaw tuh ccungccaw a theihpaw te nynh a loku; tuutaw te silawnaw a raepaw miakaw tuh ui nging a khyatupaw te nynh a loku; ccathae silawnaw kha a raepaw miakaw tuh voh chii a pyatu te nynh a loku; mynkhuhpaw silawnaw lante frankinsen kha a pyatu tuh zohtuh kha hythua a pyatu te nynh a loku. E ccungccaw hae tuh mimaw laanpi kha pokuh hae zah, mih nungsikunaw kyakhe mih lungry athuakhaekuh.

JEREMIAH 6:20

Sheba ram kyate yn thuapaw amynkhuhpaw frankinsen te laansaw langte yn thuapaw ccazung epaw kha ka hanlan pawmou a ccungkia? Nae kya-e maee-ute silawnaw hae kha ccoupya thua lan khyh, nae kya-e silawnaw hae kha mah ka lungrythua khyh.

HOSEA 14:2

Sawsangnaw bya kha paccynkute Bawipaw kalan kitua; Amaw kyakhe, “Kae cyiseinaw balyn hynh oun ngaethyatua, thawccinaw te kaening hynh beih oun ccoutua, kae munglae te kae ho hawte kae pya cih.

HOSEA 6:6

Ka rypaw tuh atynpaw sungsakunaw kha thua zah, silawnaw thua khyh, maee-ute silawnaw laeze Pachia nynaw kha ka ryhua.

MARKA 12:33

Pachia kha thinlung balyn te, hawnaw balyn te, thawzung balyn te sungsah lanpaw te ah innpaw kha ahmaw toulou hawte sungsah lanpaw tuh apynpi te maee-ute silawnaw hae te silawnawpaw balyn laeze abyapi huapaw nynh thua,” cite a hopya.

JOHAN 1:29

Awkhualan khe Johan nynh a kalan yn cceihpaw Jesu kha muih zah, “Laephi seinaw a cciakhaepaw Pachia Tuutaw khuh dotua oh!

Romans 11:27

“Mih seinaw hae kha he ka lawpah hae te, hynh-e hynh minmin ryte ka raepaw ka byakinnaw nynh thua,” cite azeiku hawte nynh thua.

HEBRU 10:1

Pawccecize kawbya tuh yn thua cih paw ahoypaw uccaw hae mynlyh thua zah uccaw hae muinsan ccaccing thua khyh, kum takyhte pyapaw alokuhpaw silawnaw liate amaw kalan a naekuh hae paw kha kharouh ccingsah kho khyh hae.

HEBRU 10:11

Ranpibawi miakaw tuh mih ryalaw kya nin takyh a thadyn hae, seinaw kharouh a thyaasah kho leipaw alokuhpaw silawnaw kha palei a rae hae.

HEBRU 10:8

Luki langkhe, “Silawnawpaw hae te pyapaw uccaw hae, maee-ute silawnawpaw uccaw hae te seishawnaw silawnawpaw hae kha na ry khyh, tuh-e hae kya na lungrythua khyh,” (tuh-e hae tuh kawbya thyhte pyapaw nynh thua) cite a ho koute,

HEBRU 9:9

Tuh-e beikbu tuh atu ccyh hanlan muihsahnawpaw nynh thua; tuh-e beikbu kya Pachia pyapaw te silawkunaw hae paw kha pya hae zah, tuh-e nynh a beiktu hae mawtemaw nykunaw thinlung kha ccingsah kho khyh.

1 JOHAN 3:5

Khri tuh ccungccaw seinaw cciakhae khylan nynh yn langku cipaw na ny oh, amaw kya seinaw um khyh.