HEBRU 10:10 - Zotung Bible 2016

¹⁰ Tuh-e rynaw liate, Jesu Khri pyn kha zungzae hanlan vaekheit kyalya pyanaw liate aening tuh thyaasah ah thua vae oh.

HEBRU 10:10 Iomraidhean Croise

ZEKHARIAH 13:1

Tuin nin khe David ciihan te Jerusalem khuaccaaw hae mih seinaw te mih nungsikunaw kha ccikan nawlan tuidy ccangkheit aphyh cih.

JOHAN 17:19

Minmin mah byaccing te thyaasah athua nawlan hae, minmin elang kamaw te kamaw kha ka thyaasaku.

JOHAN 19:34

Thuasalama rhawkawpaw lu kheit nynh a naw kha ccoi te thuing zah chii te tui palou apou.

JOHAN 6:51

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

1 KORIN 1:30

Khri Jesu kya atynpaw nae hiinnaw a thotakawnaw tuh Pachia nynh thua. Khri tuh aening hanlan hawnaw, dingnaw, thyaapapingnaw te shawkhawnaw lang Pachia nynh a rae vae.

1 KORIN 6:11

Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.

EFESA 5:2

Khri nynh aening kha yn sungsah pawte, Pachia malang mynkhuhpaw pyapaw te silawkunaw lang amaw te amaw kha aening hanlan a pyaku hawte, sungsakunaw kya hiin oh.

EFESA 5:26

Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,

HEBRU 10:12

Thuasalama Khri tuh seinaw elang silawnaw ccangkheit kha zungzae hanlan a pya koute, Pachia ranglang khe a dahung vae.

HEBRU 10:14

Pawccecize pyapaw uccaw ccangkheit liate thyaasah athua hae paw kha zungzae accingpaw lang a rae hae.

HEBRU 10:20

Tuh-e a chii liate aning nynh amaw pyn athuapaw zokhawpaw boei khate aening hanlan ahiinpaw laanpi thawpaw kha oun hungpya.

HEBRU 10:29

Pachia Ccapaw kha a ccu kaw syde zah, amaw a thyaasahpaw byakinnaw chiise kha athyaa leipaw uccaw lang ria zah, thawccinaw Muisaw kha a saryapaw ccungccaw tuh pawcih alepaw detahnaw mou mue lan accan cite na tua oh?

HEBRU 10:5

Tukeiccuze laephi kalan Khri yn thua lyaze aning nynh, “Silawnaw te pyapaw uccaw kha na rypaw thua khyh, thuasalama kamaw hanlan pyn kha phe nae paccynpya vae.

HEBRU 13:12

Tukeiccuze Jesu mah amaw a chii te ccungccaw hae kha thyaasah khylan koikua atolang khe a teing.

HEBRU 2:11

Pawccecize a thyaasahtu te thyaasah athuapaw balyn tuh parouhte mih thonaw ccangkheit nynh thua. Tukeiccuze Jesu nynh minmin kha uno hae cite ko lan a maethyakhaekuh khyh.

HEBRU 2:14

Tukeiccuze imua hae tuh chii te saw kha a neethungkuh bua hae paw athua keiccuze, Khri amaw mah tuhawte chii te saw kha a neethungkuh bua; tuhcite Khri a chinaw liate chinaw tungvaw kawhoitu Satan kha rote,

HEBRU 5:7

Jesu tuh pynsaw lante a um lyaze, amaw kha chinaw kyate a khum khopaw kalan thawte sia zah mitphi luate, sawsang te a ngia; aning tuh Pachia raw a ri keiccu thaepya athua.

HEBRU 7:27

Tuh-e ranpibawi lupi hae hawte, masaty amaw seinaw hanlan, te ccungccaw hae seinaw hanlan nin takyh silawnaw rae ho vae khyh, pawccecize amaw a pyn a pyaku lyakhe zungzae hanlan vaekheit te phe a ccingsah vae.

HEBRU 9:12

miaa hae te vaetuataw hae chii liate thua vae leite, amaw a chii liate Hmin Thyaa lungkhu lang vaekheit kyalya teete, aening hanlan zungzae shawkhawnaw kha oun raepya.

HEBRU 9:14

zungzae tynpaw Muisaw liate Pachia kya ccaenaw um leipaw, amaw te amaw a pyakuhpaw, Khri chii nynh a chihpaw ryalaw kyate a hiinpaw Pachia ryalawpya khylan naemaw nykunaw thinlung kha pawcihmou houh a thyaasah kho cih!

HEBRU 9:26

Tuhte a la thua lanze, laephi athotakaw te aning tuh palei a la teing vae cih; amaw te amaw silawkunaw liate seinaw kha ccaring vua khylan atu she athangnaw kya vaekheit rou nynh a langku.

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

1 PETER 2:24

Aening tuh seinaw kya ah chih oh zah dingnaw kya ah hiin nawlan oh, Khri nynh aening seinaw balyn kha thing vawlan khe amaw a pyn kya oun phupya. A vaemaw hae liate na dan vae oh.

1 PETER 3:18

Pawccecize Khri mah seinaw keiccu vaekheit te phe azaw lan a teing, aening kha Pachia kalan thuakhae khylan adingpaw tuh ading lei hae paw hanlan pynsaw kya chia athua zemah muisaw liate hiinsah athua.

1 JOHAN 5:6

Tui te chiise te yn thuapaw tuh Jesu Khri nynh thua. Tui te kyalya thua leite tui te chiise te nynh yn thua; ccaekia a khantupaw tuh Muisaw nynh thua, pawccecize Muisaw tuh byaccing nynh thua.