HEBRU 1:9 - Zotung Bible 2016

⁹ Dingnaw kha na sungsah zah hoyleinaw kha na hua; Tukeiccuze pou Pachia, na Pachia nynh na ruiban hae laeze ae hangthung zah lungtuanaw chitui ae thuh vae,” a ci.

HEBRU 1:9 Iomraidhean Croise

The Psalms 11:5

Bawipaw nynh ccungccaw hoypaw te ccungccaw hoy leipaw kha a syntawtua hae, te a muisaw nynh puathonaw a rypaw kha a hua.

The Psalms 119:104

Na kawbya liate nythyanaw ka mue; tukeiccuze ahme leipaw laanpi miakaw kha ka hua.

The Psalms 119:128

Tukeiccuze na kawbya balyn kha ka zui zah, ahme leipaw laanpi miakaw kha ka hua.

The Psalms 2:2

Laephi siapharan hae te uktu bawi hae nynh Bawipaw te Bawipaw nynh chitui a thuhpaw kha rawsete pynkheihlan khuakhankuh hae zah,

The Psalms 2:6

“Ka siapharan kha athyaapaw ka Zion mua vawlan ka nung vae,” a ci.

The Psalms 23:5

Ka rhaw hae malang khe ccaboi nae phaepya; ka lu kha chitui nae thuh; ka banang tuh phe aleikuh.

The Psalms 33:5

Bawipaw nynh dingnaw te byading kha a ry; laephi tuh atynpaw Bawipaw sungsahnaw te phe abeih.

The Psalms 37:28

Pawccecize Bawipaw nynh byading kha a ry; alungzipaw a mithyaa hae kha vua lan khyh hae. Miding hae tuh zungzae khynsah athua cih hae, thuasalama ccungccaw hoyleipaw a ccaaw hae kha tuh vua athua cih hae.

The Psalms 40:8

Pou ka Pachia, na rynaw rae tuh ka lungrythuakhaekuh; na ccangpyanaw tuh ka thinlung kya a um,” cite kae khung.

The Psalms 45:6

Pou Pachia, na bawitungkhung tuh zungzae te zungzae cia atyn. Na ram kha dingnaw te na uk;

The Psalms 45:7

dingnaw kha na ry zah hoyleinaw kha na hua. Tukeiccuze na Pachia athuapaw Pachia nynh na ruiban hae laeze nang kha lungtuanaw chitui ae thuh vae;

The Psalms 89:20

Ka seepaw David kha ka muih vae; ka chitui athyaapaw te amaw kha ka thuh vae;

The Psalms 89:26

Aning nynh kamaw kalan khe, ‘Nang tuh ka Paaw, ka Pachia te yn khumtu Lungpi nynh na thua!’ cite a sia cih.

PHUNGTANGBYA 8:13

Bawipaw rawrinaw tuh hoyleinaw kha huapaw nynh thua. Lysakunaw, tansakunaw, ozia hoyleinaw te lingpaw bya kha ka hua.

ISAIAH 61:1

Bawipaw PACHIA Muisaw tuh ka tungvaw a um, pawccecize Bawipaw nynh kae kha chitui yn thuh vae; tuaasahkunaw a teing hae paw kalan thehoypaw thuakhaepya khylan kae hynh yn saw vae, thinlung akoi hae paw vaemaw kha dansah khylan, a kyng hae paw kya luenaw kong hopya khylan te thongccah hae paw kha luesah khylan thuasah,

ISAIAH 61:3

Zion kya a rah a khui hae paw kha bawm khylan— buhhaw hanpaw haetapawsi, rawkhuinaw hanpaw lungtuanaw chitui, ngaethyanaw hanpaw lungtuanaw boeining kha minmin kalan pya khylan thuasah kae kha yn saw vae. Bawipaw nynh a phu-enaw langsaku khylan a linpaw dingnaw thingku cite minmin kha ko athua cih hae.

ISAIAH 61:8

Pawccecize kae, Bawipaw tuh byading kha ka ry, luadenaw te ahme leipaw cyisahnaw kha ka hua; mih ryalaw mee kha lungzite ka pya cih hae zah, minmin ryte zungzae tynpaw byakinnaw kha ka rae cih.

AMOS 5:15

Hoyleinaw kha hua oh lah, hoynaw kha ry oh, byapianaw koikua kya dingnaw kha tynsah oh; Bawipaw , vaaw Pachia nynh Josef ciihan a laehy hae paw kha thaw poh a ccih kho hae.

ZEKHARIAH 8:17

lu kheit te lu kheit nae thinlung kya ahoy leipaw kha paccynnuakuh nan oh, ahme leipaw byakinkunaw kha ry nan oh; pawccecize hynh-e uccaw hae balyn hynh ka hua, cite Bawipaw nynh a ci.

NAMBAR 7:43

si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

LUKA 4:18

“Bawipaw Muisaw tuh ka tungvaw a um, pawccecize ryachi hae kalan thehoypaw ho khylan kae kha chitui yn thuh vae; ccungccaw hae nynh a kyng hae paw kalan luenaw kong hopya khylan te mitmoh hae kha ngawmuihnaw kong hopya khylan, tuaasahnaw a teing hae paw kha luesah khylan,

JOHAN 1:41

Aning nynh a upaw Simon kha masaty muih zah, “Messiah kha kae muih vae,” a cipya. (Messiah cipaw tuh Khri cipaw nynh thua).

JOHAN 10:17

Ka hiinnaw kha ka pyakuh zah ka hiinnaw kha bua ka lawkuh cih keiccuze ka Paaw nynh kae kha yn sungsah.

JOHAN 20:17

Jesu nynh, “Yn kyng nan, pawccecize ka Paaw kalan ka kaethung loh khyh; thuasalama ka uno hae kalan la cceih lah, kae tuh ka Paaw athuapaw nae Paaw, ka Pachia athuapaw nae Pachia kalan ka kaethung cih cipaw la hopah hae,” a cipya.

JOHAN 3:34

Pachia nynh yn sawpaw ccungccaw nynh tuh Pachia bya kha a ho; pawccecize Pachia nynh tuh-e paw tuh Muisaw kha phe beih lan a pya.

LOCCEIHTU 10:38

Tuh-e tuh: Pachia nynh Thyaa Muisaw te thuasah, thungnaw te thuasah Nazareth khuapaw Jesu kha chitui a thuh; Pachia nynh a umkhae keiccuze aning tuh ahoypaw rya kha lah zah, Satan nynh vawsaw a pya hae paw balyn kha dansah te khua a ccong cipaw na ny oh.

LOCCEIHTU 4:26

Laephi siapharan hae nynh thadyn hae zah uktu hae nynh Bawipaw te a Messiah kha rawsete a pumnuaku hae,’ na ci.

LOCCEIHTU 4:27

Pawccecize Herod, Pontias Pilat, Zenta hae te Israel hae nynh chitui na thuh vae paw Athyaapaw na Ccapaw Jesu kha dou khylan hynh-e khua kya a pumnuaku hae,

Romans 12:9

Sungsakunaw kya thyaruhnaw um nan sah. Ahoy leipaw kha hua oh lah, ahoypaw kha kyngkuh oh;

Romans 15:13

Nanning tuh Thyaa Muisaw thungnaw liate ngaehoinaw te phe na bia nawlan oh, ngaehoinaw Pachia nynh zynnaw kyate yn thuapaw lungtuanaw te daenaw phuinccing khate ae la biasah vae oh sah.

1 KORIN 1:9

A Ccapaw, ah Bawipaw Jesu Khri kya-e vaeccawkunaw kalan nanning ae ko oh paw Pachia tuh a lungzipaw nynh thua.

2 KORIN 11:31

Kae tuh ka hyn khyh cipaw kha zungzae thehoysah athuapaw Bawipaw Jesu a Paaw te a Pachia nynh phe a ny.

GALATI 5:22

Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw,

EFESA 1:3

Ah Bawipaw Jesu Khri a Paaw Pachia tuh thehoyte um sah. Pawccecize Khri liate vaawlang e muisaw hythuanaw aphuinphuin kha aening oun pya vae.

FILIPI 2:9

Tukeiccuze Pachia nynh mah amaw kha kou hangthung zah min balyn laeze alesae huapaw min kha a pya,

HEBRU 2:11

Pawccecize a thyaasahtu te thyaasah athuapaw balyn tuh parouhte mih thonaw ccangkheit nynh thua. Tukeiccuze Jesu nynh minmin kha uno hae cite ko lan a maethyakhaekuh khyh.

HEBRU 2:9

Thuasalama Pachia thawccinaw liate ccungccaw miakaw hanlan chinaw taangtua khylan, vaaw hae laeze ccapyh anehua lante rae athuapaw Jesu kha aening nynh ah muih oh. Chinaw a teing keiccuze aning tuh phu-enaw te sawtuanaw lukhung kha khungsah athua.

HEBRU 7:26

Pawccecize athyaapaw, seibe lan accan leipaw, anungsikuh leipaw, misei hae kyate a phiakuhpaw, te vaawlang hae laeze ahanghua lan hangthung athuapaw tuh-e Ranpibawi Lupi tuh aening hanlan angaekuhpaw nynh thua.

1 PETER 1:3

Pachia te ah Bawipaw Jesu Khri a Paaw tuh thehoyte um sah! Myarya lepaw a ngaethyaumsahnaw thyhte, Jesu Khri tuh chinaw kyate a thoothuinaw liate ahiinpaw ngaehoinaw kalan aening kha bua oun puisah vae.

1 JOHAN 1:3

Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.

BYAPHY 2:15

Tuhawte nae laku kya Nikolas ccangpyanaw a kyngkuh hae paw a um hae.