HEBRU 1:3 - Zotung Bible 2016

³ Tuh-e Ccapaw tuh Pachia phu-enaw awnawpaw te Pachia thuanaw muinsan langsakunawpaw nynh thua. Athungpaw a bya liate pawpaw balyn kha po a tynsah. Aening seinaw hae kha amaw ccaccei nynh he oun thyaasahpah koute ahangnaw kya Lesaenaw ranglang khe a dahung vae.

HEBRU 1:3 Iomraidhean Croise

1 SHERIANAW 29:11

Pou Bawipaw , lesaenaw, huhan, phu-enaw, taenaw te sawtuanaw tuh namaw kya-e nynh thua; pawccecize vaaw te lae kya a umpaw balyn tuh namaw kya-e nynh thua; pou Bawipaw , peenaw tuh namaw kya-e thua zah nang tuh atyn-are luki umpaw lu lang hangthung na thua.

JOB 37:22

Palung langte sui awnaw yn langkuh, Pachia tuh sawtua lan umpaw lesaenaw te phe abeih.

The Psalms 110:1

Bawipaw nynh ka Bawipaw kha, “Na rhaw hae kha na ccusy lang kae raepya makhia tuh, ka ranglang khe haung,” a cipya.

The Psalms 75:3

Laephi te laephi kya umpaw ahysuepaw balyn hynh he a hy hae te, laephi atung hae a tynsahpaw tuh kamaw nynh ka thua.

PHUNGHOTU 8:4

Siapharan bya tuh huhan a hoi, “Pawmou na cyi?” cite hum nynh mou a hopah ngan cih.

LEVITIKAS 15:15

Ranpibawi nynh sa kheit tuh seithyaanaw silawnaw hanlan, ccangpaw sa kheit tuh maee-ute silawnaw hanlan a mang cih; te ranpibawi nynh Bawipaw malang khe anae a hoipaw hanlan seingaethyanaw kha a raepah cih.

MIKAH 5:4

Te aning tuh a thadyn cih zah Bawipaw thawzung khate thuasah, Bawipaw a Pachia min lesaenaw khate thuasah a tuuphu hae kha looh a dang cih hae. Minmin tuh khyndadyh lan a um cih hae, pawccecize aning tuh laephi adianaw cia alesaepaw athua cih;

MATTHAI 22:24

“Sazaepaw, ‘Ccungccapaw lu kheit nynh ccaawsaah leite a zu kha a chitaw ze, tuh-e paw a neitawpaw nynh tuh-e zu tuh a umkhae cih zah a upaw elang ccaaw a saahpah cih,’ cite Moses nynh a la ho.

MARKA 16:19

Tuhcite Bawipaw Jesu nynh minmin kha a hopah kou hae te amaw tuh vaawlang lawthung thua zah Pachia a ranglang khe a haung vae.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

JOHAN 1:29

Awkhualan khe Johan nynh a kalan yn cceihpaw Jesu kha muih zah, “Laephi seinaw a cciakhaepaw Pachia Tuutaw khuh dotua oh!

JOHAN 1:4

Amaw kya tuh hiinnaw um zah, hiinnaw tuh ccungccaw hae awnaw nynh thua.

LOCCEIHTU 2:33

Tukeiccuze aning tuh Pachia ranglang khe hangthung thua vae zah, byakinpyakupaw Thyaa Muisaw kha Paaw kyate a mue vae; atu na muih oh zah na thae oh paw hynh-e Thyaa Muisaw hynh ah tungvaw kya phe oun bu vae.

LOCCEIHTU 7:56

Stefen nynh, “Dotua oh, vaawlang ahungkuhpaw te Ccungccaw Ccapaw nynh Pachia ranglang a thadynpaw kha ka muih!” a ci.

Romans 1:16

Pawccecize kae tuh thehoypaw hanlan ka maethah khyh; pawccecize thehoypaw tuh a zynpaw ccungccaw miakaw hanlan khumnaw mue nawlan Pachia thungnaw nynh thua, masaty lan Judah hae hanlan thua zah tukoute Grik hae hanlan mah athuabua.

Romans 8:34

Seibetupaw tuh hummou? Chih zah a chi kyalya thua leite thoothui zah Pachia ranglang a umpaw, aening hanlan oun ngiapahtupaw tuh Jesu Khri nynh thua.

2 KORIN 4:4

Pachia muinsan athuapaw Khri kya-e aphu-epaw thehoypaw awnaw tuh a zyn lei hae paw kya a aw khyh nawlan, mih thinlung kha hynh-e laephi pachia nynh phe a mohsah.

KOLOSE 3:1

Nanning tuh Khri ryte phe na thoothui bua vae oh athua ze, Pachia ranglang Khri haungnaw kya umpaw vaawlang e uccaw hae kha ccung oh.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 1:13

Thuasalama, “Na rhaw hae kha na ccusy lang kae raepya makhia tuh, ka ranglang khe dahung,” cite vaaw hae kha hummou a hopya boi?

HEBRU 10:12

Thuasalama Khri tuh seinaw elang silawnaw ccangkheit kha zungzae hanlan a pya koute, Pachia ranglang khe a dahung vae.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 4:14

Tukeiccuze vaawlang po a khung vae paw, alesaepaw Ranpibawi Lupi, Pachia Ccapaw Jesu ah hoi oh keiccuze ah ccaekiakhannaw kha tynkaring lan kyngkuh oh sih.

HEBRU 7:27

Tuh-e ranpibawi lupi hae hawte, masaty amaw seinaw hanlan, te ccungccaw hae seinaw hanlan nin takyh silawnaw rae ho vae khyh, pawccecize amaw a pyn a pyaku lyakhe zungzae hanlan vaekheit te phe a ccingsah vae.

HEBRU 8:1

Atu ah ho oh paw uccaw hae kong abyapi tuh: Vaawram kya Lesaenaw bawitungkhung ranglang a dahungpaw, khahcihawpaw Ranpibawi Lupi kha aening ah hoi oh.

HEBRU 9:16

Rhohuinaw kong hynh ho lanze rhohuitu a chih koute rou nynh zui lanpaw athua.

HEBRU 9:26

Tuhte a la thua lanze, laephi athotakaw te aning tuh palei a la teing vae cih; amaw te amaw silawkunaw liate seinaw kha ccaring vua khylan atu she athangnaw kya vaekheit rou nynh a langku.

1 PETER 1:21

Khri kha chinaw kyate thoosah zah phu-enaw a pyatupaw Pachia kha Khri liate na zyn oh. Tuhteze nynh nae zynnaw te nae ngaehoinaw tuh Pachia kya a um.

1 PETER 3:22

Tuh-e Khri tuh vaawlang kae zah, vaaw hae, kawhoinaw hae te thungnaw hae kha a kuihkaw kya nung zah Pachia ranglang khe a um vae.

2 PETER 1:16

Pawccecize ah Bawipaw Jesu Khri a thungnaw te yn thuanaw kong kha nae kalan he kae hopya vae oh ze, thyaruhhahi lante rae huatawpaw phungpaw hae kha kae mang khyh, kaening tuh amaw a lesaenaw kong kha mit te a muih hae paw ccaekia hae nynh kae thua.

2 PETER 1:17

Pawccecize sawtuanaw te phu-enaw kha Paaw Pachia kyate aning nynh he a mue tuh, “E paw tuh ka sungsahpaw ka Ccapaw nynh thua, amaw kya ka lungrythua,” cite Alesaepaw Phu-enaw kyate amaw kalan roi yn thua.

1 JOHAN 1:7

Thuasalama Pachia tuh awnaw kya a um hawte, aening nynh awnaw kya ah um oh ze, aening tuh lu kheit te lu kheit vaeccawkunaw ah hoi oh zah, a Ccapaw Jesu Khri chiise nynh seinaw balyn kyate oun thyaasah.

1 JOHAN 3:5

Khri tuh ccungccaw seinaw cciakhae khylan nynh yn langku cipaw na ny oh, amaw kya seinaw um khyh.

JUDE 1:25

aening oun Khumtu, a makhae kyalyapaw Pachia tungvaw kya phu-enaw, lesaenaw, uknaw kaw te kawhoinaw tuh ah Bawipaw Jesu Khri liate atu te zungzae cia la um sah. Amen.

BYAPHY 3:21

Kae tuh taetu ka thua zah ka Paaw ryte a bawitungkhung vawlan kae haung hawte, taetu athuapaw tuh ka bawitungkhung vawlan kamaw ryte haungnaw kaw ka pya cih.

BYAPHY 4:11

“Pou Bawipaw, nang tuh phu-enaw, sawtuanaw te huhan kha mue lan na ngaekuh; pawccecize pawpaw balyn kha na rae vae, tuh-e hae tuh na rynaw hawte rae thua zah a um hae,” a ci hae.