HEBRU 1:2 - Zotung Bible 2016

² hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.

HEBRU 1:2 Iomraidhean Croise

GENESIS 49:1

Oute Jakob nynh a ccaaw hae kha ko hae zah: “Oun sueluakuh oh, malang ccyh kya nae tungvaw yn cyihkuh lanpaw kha kae hopah cih oh.

ISAIAH 2:2

Malang ccyh vae tuh Bawipaw inn a umnaw mua hynh mua hae kyaze ahang huaccepaw hawte atyn cih zah, mua taraw hae luki lang hangthung athua cih; minphuin balyn nynh tuh-e mua langkhe a cceih cih hae.

ISAIAH 44:24

Nang ae Shawkhawtu, vue lungkhu kya nang ae raetupaw Bawipaw nynh a hopaw tuh: Kae tuh atyn-are a raetu Bawipaw nynh ka thua, vaawlui kha ka makhaete tharae ka daw zah, laephi kha kamaw ccaccei nynh ka rae.

ISAIAH 45:12

Laephi kha ka rae zah, laephi vawlan khe ccungccaw kha ka rae; ka kuih te vaawlui kha tharae ka daw zah, vaawlui kya a umpaw balyn kha kaw ka pya.

ISAIAH 45:18

Vaawlui a raetupaw Bawipaw , laephi kha rae zah a tynsahpaw, laephi kha alakaw lan rae leite, ahysuepaw nynh a um nawlan a raetupaw Pachia nynh a hopaw tuh: Kae tuh Bawipaw nynh ka thua, kamaw laelan ccangpaw Pachia um khyh.

JEREMIAH 30:24

Bawipaw nynh a tuapaw a paccynnaw kha a ccingsah mawlaezung a thinrianaw tuh dae lan khyh. Nyalang ccyh kya nanning nynh e hynh nae thaethya cih oh.

JEREMIAH 48:47

Tuhzemah Moab hae kha nyalang ccyh kya bua ka kikhae cih hae, cite Bawipaw nynh a ci. E kyacia hynh Moab tungvaw byapianaw nynh thua.

EZEKIEL 38:16

maeking nynh ram kha a bong hawte ka ccungccaw Israel hae kha na ccianua cih hae. Nyalang ccyh kya ka ram dou khylan nang kha kae cciakhae cih, tuhteze nynh, pou Gog, minphuin hae malang khe ka thyaanaw kha nang na liate he ka langsakuh te, minphuin hae nynh kae kha yn nyh cih hae.

DANIEL 10:14

nin athang nin kya na ccungccaw hae kya yn cyihkuh lanpaw kha nang thaethyasah khylan kae thua vae. Pawccecize e vizin tuh malang ccyh hanlan nynh thua,” yn cipya.

DANIEL 2:28

thuasalama byakhupaw asuilan ae hopah khopaw Pachia lu kheit tuh vaawlang khua kya a um, aning nynh nyathya nin kya yn cyihkuh lanpaw kha namaw Nebukhadnezzar siapharan kya ae hopya vae. Na i lya-e na maan te vizin na muih hae paw kha hynh-e hae nynh athua:

HOSEA 3:5

Tukoute Israel hae tuh a ki cih hae zah Bawipaw mih Pachia te mih siapharanpaw David kha a ccung cih hae; nyalang ccyh kya tuh Bawipaw hoynaw kha mue khylan amaw kalan sawtuate a cceih cih hae.

MIKAH 4:1

Malang ccyh kya Bawipaw inn a umnaw mua tuh mua hae kyaze ahang huaccepaw lante thadynsah athua cih zah, sangpyng hae luki lang hangthung athua cih. Ccungccaw hae tuh tuh-e mua langkhe oun thua cih hae,

NAMBAR 24:14

Tukeiccuze atu ka ccungccaw hae kalan ka cceih vae cih; malang ccyh kyaze e ccungccaw hae nynh na ccungccaw hae tungvaw a cyi lan hae paw kha kae nysah cih,” a cipya.

MATTHAI 13:39

Tuh-e lonua mung hae a vuapaw rhaw tuh Satan nynh thua; loohrue ccyh tuh laephi she athangnaw nynh thua; te loohruetu hae tuh vaaw hae nynh thua hae.

MATTHAI 17:5

Tuhte a ho cciamang lyakhe a awpaw maeking nynh minmin kha pong zithin hae zah maeking kyate roi nynh, “E paw tuh ka lungry kou yn tungpaw, ka sungsahpaw ka Ccapaw nynh thua, amaw bya kha la ngae oh!” a ci.

MATTHAI 21:38

Thuasalama khokhu a hohtu hae nynh a ccapaw kha he a muih hae tuh, ‘E paw hynh rhoccoutu nynh thua, rang oh, amaw hynh theih oh sih lah a rho kha lawkuh oh sih’ cite a hoku hae.

MATTHAI 26:63

Thuasalama Jesu tuh yccae khyh. Te ranpibawi lupi nynh, “A hiinpaw Pachia min phyate thyalawkute bya na kinkuh cih; nang hynh Pachia Ccapaw Messiah na thua tou, na thua khyh tou oun hopya tua,” a cipya.

MATTHAI 28:18

Jesu nynh yn thua zah, “Vaawlang te laephi vawlan e kawhoinaw balyn tuh kamaw kalan pya athua vae.

MATTHAI 3:17

Vaawlang te roi nynh, “E paw tuh a tungvaw ka lungryccingpaw, ka sungsahpaw ka Ccapaw nynh thua,” a ci.

MARKA 1:1

Pachia Ccapaw Jesu Khri thehoypaw athotakawnaw.

MARKA 12:6

Khokhu hoitupaw nynh a sungsahpaw a ccapaw lu kheit kyalya nynh saw lanpaw a hoi vae. Nyathyakou tuh, ‘Minmin nynh ka ccapaw tuh saw a tua cih hae,’ ci zah a ccapaw kha minmin kalan a saw.

MARKA 12:7

Thuasalama khokhu a hohtu hae nynh, ‘E paw tuh rhoccoutu nynh thua, rang oh, theih oh sih lah a rho tuh ah uccaw lang a tang vae cih,’ cite lu kheit te lu kheit a hoku hae.

JOHAN 1:10

Aning tuh laephi vawlan um zah laephi hynh amaw liate rae athua, tuhzemah laephi nynh amaw kha nyh khyh.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

JOHAN 1:3

Tynre balyn tuh amaw liate nynh rae athua, amaw leite raepaw ccangkheit san um khyh.

JOHAN 13:3

Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 13:32

Aning liate Pachia tuh phu-esah athua ze, Pachia nynh mah amaw liate Ccungccaw Ccapaw kha a phu-esah cih zah, aro mawze a phu-esah cih.

JOHAN 15:15

Atu te nanning hynh see hae kae ci vae lan khyh oh; pawccecize see nynh tuh a bawipaw nynh a cyipaw kha nyh khyh; thuasalama ka ban hae kae ci vae oh; pawccecize ka Paaw kyate ka thaepaw balyn kha marya kae nysah oh.

JOHAN 16:15

Paaw nynh a hoipaw balyn tuh ka kya-e cci nynh thua; tukeiccuze, ‘Muisaw nynh ka pyapaw kha a lah cih zah nanning kha ae hopah cih oh,’ cite kae hopya oh.

JOHAN 17:2

Ccungccaw balyn tungvaw kya kawhoinaw kha amaw na pya vae hawte, nang nynh Ccapaw kalan na pya hae paw ccungccaw miakaw kha Ccapaw nynh zungzae hiinnaw a pya nawlan Ccapaw hynh phu-esah tua.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 3:25

Johan a zuitu hae te Judah paw tuh ccikankunaw konglang bya a eikuh hae.

JOHAN 5:26

Pawccecize Paaw nynh amaw kya hiinnaw a hoi hawte, Ccapaw nynh mah amaw kya hiinnaw a hoi nawlan kaw a pya.

JOHAN 5:27

Ccapaw tuh Ccungccaw Ccapaw athua keiccuze byapianaw kaw kha mah a pya.

JOHAN 9:29

Pachia nynh Moses kha bya a hopya cipaw kae ny, thuasalama e paw tuh paw kyate nynh yn thua cipaw kae nyh khyh,” a ci hae.

LOCCEIHTU 10:36

Ccungccaw balyn Bawipaw athuapaw Jesu Khri liate daenaw thehoypaw tuh Pachia nynh Israel hae kya a pya hae cipaw kha na ny oh.

LOCCEIHTU 2:17

‘Pachia nynh a hopaw tuh, nyathya nin kya hynhte yn cyihkuh cih. Ccungccaw balyn tungvaw kya ka Muisaw ka bu cih; nae ccapaw hae te nae ccanung hae nynh profehbya a ho cih hae, nae paawpi hae nynh maan a sah cih hae.

Romans 1:4

Thyaanaw kya-e muisaw lante ho lanze, chinaw kyate a thoothuinaw liate Pachia Ccapaw athuanaw kha athungpaw huhan te phy athua vae.

Romans 8:17

Ccaaw hae ah thua oh ze rhoccoutu hae nynh ah thua vae oh, Pachia rho a ccoutu hae te Khri ryte rho a ccoukheih hae paw nynh ah thua oh; Khri ryte ah teingkheih oh ze, amaw ryte phu-enaw kha mah ah ccoubua cih oh.

1 KORIN 2:7

Thuasalama Pachia hawnaw byakhupaw kha nynh kae ho, tuh-e tuh laephi a um mawze Pachia nynh aening phu-enaw hanlan a paccyn ty vae paw thuruh athuapaw hawnaw kha nynh thua.

1 KORIN 8:6

aening hanlan tuh Paaw, Pachia ccangkheit rou nynh a um, pawpaw balyn tuh amaw kyate oun um zah, aening tuh amaw hanlan nynh ah hiin oh. Bawipaw lu kheit, Jesu Khri rou nynh a um. Pawpaw balyn tuh amaw liate um zah, aening mah amaw liate nynh ah um oh.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.

EFESA 1:10

tuhcite accyh yn ccing te, vaawlang umpaw te laephi vaw umpaw pawpaw balyn kha Khri kya marya suelua lan a paccyn.

EFESA 3:9

pawpaw balyn a raetupaw Pachia kya langmaw she te thuruh athuapaw byakhupaw te asekuhpaw paccynnaw tuh pawmou athua cipaw kha ccungccaw miakaw muihsah khylan hynh-e thawccinaw hynh kamaw yn pya;

DEUTERONOMY 18:15

Bawipaw nae Pachia nynh kamaw yn lopaw profeh lu kheit kha nae hanlan naemaw minphuin kyate yn pousah cih zah, tuh-e profehbya kha na ngae cih oh.

DEUTERONOMY 31:29

Pawccecize ka chih koute kaw kae pya oh paw laanpi kyate ccanglang na maekuh cih oh zah, hoyleinaw kha na rae mamin cih oh cipaw phe ka ny. Malang ccyh kyaze Bawipaw muihnaw kya hoyleinaw kha na rae oh zah, nae kuih ryalawnaw khate Bawipaw kha a thin na riasah keiccu oh ze, vawsawnaw nynh ae thuanua cih oh,” a cipya hae.

DEUTERONOMY 4:30

Nae vawsawnaw kya yn thua cih paw ccyh kya tuh-e vawsawnaw hae balyn nae tungvaw he yn cyihkuh te, Bawipaw nae Pachia kalan na kithui cih oh zah, a bya kha na ngae cih oh.

HEBRU 1:5

Pawccecize, “Nang tuh ka Ccapaw nynh na thua, atunin nang kha kae saahku vae,” cite thuasah, “Kae tuh a Paaw ka thua cih zah, aning tuh ka Ccapaw athua cih,” cite thuasah vaaw hae kha Pachia nynh hummou a hopya boi?

HEBRU 1:8

Thuasalama Ccapaw konglang tuh, “Pou Pachia, na bawitungkhung tuh zungzae te zungzae cia atynpaw nynh thua. Adingpaw ukkunaw tuh na peenaw ukkunaw nynh thua.

HEBRU 11:3

Laephi tuh Pachia bya liate rae athua cipaw kha zynnaw liate ah thaethya oh; muihpaw uccaw hae hynh muih leipaw uccaw hae kyate raepaw nynh thua hae.

HEBRU 2:3

myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.

HEBRU 3:6

Thuasalama Khri tuh Pachia inn kya ccapaw hawte a lungzipaw nynh thua. Aening nynh zynkunaw thuasah, ngaehoinaw kya-e lungtuanaw thuasah athangnaw cia tynkaring lan ah kyngku oh ze, aening tuh amaw a inn nynh ah thua oh.

HEBRU 4:14

Tukeiccuze vaawlang po a khung vae paw, alesaepaw Ranpibawi Lupi, Pachia Ccapaw Jesu ah hoi oh keiccuze ah ccaekiakhannaw kha tynkaring lan kyngkuh oh sih.

HEBRU 5:8

Pachia Ccapaw mang athua zemah, a teingpaw uccaw hae liate aning nynh kawngaenaw kha a ccangku.

HEBRU 7:28

Pawccecize kawbya nynh thawzyanaw a hoipaw ccungccaw hae kha ranpibawi lang a khang hae. Thuasalama kawbya koute yn thuapaw byakinnaw kya-e bya nynh zungzae accingpaw Ccapaw kha a khang.

HEBRU 7:3

Aning tuh paaw hoi khyh, nung hoi khyh, thokeinaw hoi khyh, hiinnaw atho ccyh te athangnaw mah hoi khyh, Pachia Ccapaw hawte thua zah po atynpaw ranpibawi nynh thua.

HEBRU 9:26

Tuhte a la thua lanze, laephi athotakaw te aning tuh palei a la teing vae cih; amaw te amaw silawkunaw liate seinaw kha ccaring vua khylan atu she athangnaw kya vaekheit rou nynh a langku.

1 PETER 1:20

Tuh-e Khri tuh laephi atho mawze laerui-awde ty vae paw la thua salamah hynh-e nyathyakou ccyh kyahin nanning hanlan yn langkuh.

2 PETER 3:3

Masaty na ny lan oh paw tuh: nyathyakou ccyh kya, mimaw ryduaanaw thyhte a hiin hae paw ccungccaw saryatu hae oun langkuh cih hae.

JUDE 1:18

Minmin nynh, “Nyathyakou ccyh kya, Pachia pawlangria leite mih pynsaw rynaw thyhte a hiin hae paw, ccungccaw saryatu hae oun langkuh cih hae,” cite ae hopya oh paw kha la liathui oh.