HEBRU 1:14 - Zotung Bible 2016

¹⁴ Minmin balyn tuh khumnaw rho a ccou vae cih hae paw kha ryalawpya khylan sawpaw ryalawpahtu muisaw hae thua khyh hae tou?

HEBRU 1:14 Iomraidhean Croise

GENESIS 32:24

Jakob tuh a makhaete a umhy; te ccungccapaw te khuadae cia a theikuh hae.

1 SIAPHARAN 22:19

Te Mikaiah nynh, “Tukeiccuze Bawipaw bya hynh thaetua: Bawipaw tuh a bawitungkhung kya haung zah, vaaw rhawkaw hae balyn tuh a voi a rang te a pe khe a thadyn hae.

JOB 1:6

Nin kheit tuh Pachia ccapaw hae nynh Bawipaw malang langku khylan oun thua hae zah, minmin kya Satan mah a umbua.

The Psalms 104:4

khivae kha na locceihtu lang na mang zah, maee te maeesoi kha na ryalahtu lang na mang hae.

The Psalms 34:7

Bawipaw raw a rih hae paw mih pepan khe a vaaw ccungccapaw nynh po voilu lan umnua hae zah minmin kha a luesah hae.

DANIEL 3:28

Nebukhadnezzar nynh, “Shadrak, Meshak te Abednego hae Pachia tuh thehoyte um sah, a vaawccungccaw hae kha sawpyate, amaw a doliakuh hae paw a ryalahtu hae kha a khum hae. Mih Pachia laelan ccangpaw pachia kha bakhungnuate beik lae tuh, mih pyn pyaku ciate siapharan kaw kha a ei hae.

DANIEL 6:22

Ka Pachia nynh a vaawccungccaw hae kha yn saw hae zah, chindeih hae khalang kha a hu hae keiccuze chindeih hae nynh vawsaw oun pya khyh hae, pawccecize kae tuh Pachia malang seinaw ka hoi khyh; pou siapharan, nang na malang mah hoyleinaw ka rae khyh,” a ci.

DANIEL 7:10

A umnaw kyate maee tuh aluapaw vaw hawte a pou. Ccungccaw athong patae nynh ryalawpah hae zah, a malang khe ccungccaw athong-asan a thadyn hae. Byapianaw kha tho hae zah ccauh kha a kia hae.

MATTHAI 1:20

Thuasalama tuhcite a tuaku lyakhe a maan kya Bawipaw vaawpaw nynh yn langkuh zah, “David ccapaw Josef, na zu lang Mary hoiku lanpaw kha rih nan. Pawccecize aning nynh a poipaw ccaaw tuh Thyaa Muisaw liate nynh a poi.

MATTHAI 13:41

Ccungccaw Ccapaw nynh a vaawccungccaw hae kha yn saw cih hae zah ccungccaw seinaw a raesah hae paw te hoyleinaw a rae hae paw balyn kha a peenaw kyate oun suelua cih hae.

MATTHAI 18:10

“E imua taraw hae hynh lu kheit sanmah na dothatheih khyh nawlan oh raeringkuh oh; pawccecize kae hopya oh, imua hae a thungkhawtu vaaw hae nynh vaawlang umpaw ka Paaw mitmae kha tyty a muih hae.

MATTHAI 2:13

Minmin he a cceih kou hae te, Bawipaw vaawpaw tuh Josef a maan kya yn langkuh zah, “Thokuh lah imua te a nung kha hoei hae lah Izip ram lang ccuekhae hae, bya kae hopya makhia tuin kya la um, pawccecize Herod nynh imua kha chia khylan yn ccung vae cih,” a cipya.

MATTHAI 24:31

Te myarya ccaepaw mungkae roi ryte a vaaw hae kha yn saw cih hae zah amaw nynh a po hae paw kha minmin nynh laephi ki kipali kyate, vaawlang athangnaw san kheit kyate san kheit kyacia oun pum cih hae.

MATTHAI 25:34

Tukoute siapharan nynh a ranglang um hae paw kha, ‘Ka Paaw kya-e lungtua hae paw nanning, rang oh; laephi athonaw aleihpaw kyate nae hanlan paccynpaw peenaw rho hynh ccou oh.

MATTHAI 4:11

Te Satan nynh Jesu kha a cciataw; te vaaw hae nynh oun thuanua hae zah amaw kha a do-oih hae.

MARKA 10:17

Jesu tuh khuaccong lan a thoku lyakhe lukheitpaw nynh a kalan yn ccue zah a malang ccukharutungte, “Sazae hoypaw, zungzae hiinnaw ka ccou nawlan pawmou ka cyih cih?” cite a khia.

LUKA 1:19

Vaawpaw nynh, “Kae tuh Gabriel nynh ka thua. Pachia malang a thadynpaw ka thua zah, aning nynh hynh-e thehoypaw hynh na kalan hopya lan te phypya lan yn saw.

LUKA 1:23

Zekhariah tuh a ryalaw ccyh athang te a inn lang a ki.

LUKA 16:22

Tuh-e ryachipaw tuh chih zah vaaw hae nynh Abraham byvaw kalan a cciakhae hae. Mihoipaw mah chih zah a uu hae.

LUKA 2:13

Vaekheihmawte vaawpaw ryte vaaw rhawkawbuupi tuh oun langkuh hae zah Pachia kha a thehoysah hae zah,

LUKA 2:9

Bawipaw vaawpaw nynh mih kalan yn thua zah Bawipaw phu-enaw tuh mih pepan phaephae a aw; te minmin tuh myarya a rih hae.

LOCCEIHTU 11:22

Tuh-e thongpang tuh Jerusalem kya umpaw khriccaawbuu nynh thae zah, minmin nynh Barnabas kha Antiok khua lang a saw hae.

LOCCEIHTU 12:23

Pachia kha phu-enaw a pya khyh keiccuze Bawipaw vaawpaw nynh Herod kha vaekheihmawte a bua; te aning tuh zanpaw hae nynh ae hae zah a chih.

LOCCEIHTU 12:7

Tualeipite Bawipaw vaawpaw tuh yn langkuh zah thonginn kya phaephae yn aw; te Peter a napang kha phah bia zah, “Arangte tho,” cipah zah Peter kha a tho. Sivawrui hae tuh Peter kuih kyate pong accah.

LOCCEIHTU 13:2

Minmin nynh Bawipaw kha beik hae zah looh-ae a sung lya hae khe, Thyaa Muisaw nynh, “Ka konua hae paw rya kha law khylan Barnabas te Saul kha kamaw hanlan ccangte yn phiapah oh,” a ci.

LOCCEIHTU 16:26

Tualeipite innry thawte yn suekuh zah thonginn leihpaw tuh pong ahy; vaekheihmawte thuakaw hae balyn pong oun hungkuh zah thongccah hae miakaw kya-e sivawrui tuh pong akhahkuh.

LOCCEIHTU 27:23

Pawccecize kae yn hoitupaw te kae nynh ka beikpaw Pachia vaawpaw nynh atazi khe ka pe yn thadyn zah,

LOCCEIHTU 5:19

Thuasalama khuazi khe Bawipaw vaawpaw nynh thonginn thuakaw hae kha hung zah minmin kha poukhae hae zah,

Romans 11:14

tuh-e tuh ka minphuin hae kha eiungnaw hoisah khylan te minmin abang kha khumnaw ccousah khylan nynh thua.

Romans 13:6

Hynh-e keiccuze nanning mah ngunto pya oh, pawccecize uktu hae tuh Pachia ryalahtu hae thua hae zah, tuh-e rya tuh hoyte a law hae.

Romans 15:16

tuh-e a thawccinaw tuh kae hynh Pachia thehoypaw a hopaw ranpibawi ryalaw kya Zenta hae hanlan Jesu Khri a ryalahtu ka thuapaw hynh nynh thua; tuhteze nynh Zenta hae kya-e silawkunaw tuh Thyaa Muisaw liate athyaa cih zah douccahpaw athua cih.

Romans 15:27

Tuhte a cyi hae paw kya mih lungrythua, minmin tuh Judah hae kya laebah a um ccaccing hae; pawccecize Zenta hae nynh Judah hae kya-e muisaw hythuanaw hae kha a ccoubua hae ze, pynsaw hythuanaw hae kya mah minmin nynh Judah hae kha a neethungbua hae aho.

Romans 8:17

Ccaaw hae ah thua oh ze rhoccoutu hae nynh ah thua vae oh, Pachia rho a ccoutu hae te Khri ryte rho a ccoukheih hae paw nynh ah thua oh; Khri ryte ah teingkheih oh ze, amaw ryte phu-enaw kha mah ah ccoubua cih oh.

1 KORIN 1:21

Pawccecize laephi ccungccaw hae nynh mih hawnaw liate Pachia a ny khyh hae paw kha Pachia nynh a hawnaw te a raepaw nynh thua, tukeiccuze kaening nynh kae hopaw ngaeenaw bya liate a zynpaw ccungccaw hae tuh khumnaw a mue nawlan hae Pachia nynh a paccyn.

2 KORIN 9:12

pawccecize hynh-e bawmpaw ryalaw nynh mithyaa hae hobounaw kyalya kha a bawm buapaw thua leite, Pachia kalan lungtuabya honaw patae kha mah a thuakhae.

GALATI 3:29

Nanning tuh Khri kya-e na thua oh ze, Abraham ciihan nynh na thua vae oh, te byakinpyakupaw thyhte rhoccoutu hae nynh na thua vae oh.

GALATI 3:7

Tukeiccuze zynnaw a hoi hae paw tuh Abraham ccaaw hae nynh thua hae cipaw nyh oh.

GALATI 3:9

Tukeiccuze zynnaw a hoi hae paw tuh a zynpaw Abraham ryte hythua a ccoukheih hae.

EFESA 3:6

Tuh-e tuh: Thehoypaw liate Zenta hae mah rho a ccou buapaw lang a tang hae, pyn pynkheit kya-e hae thua hae zah byakinpyakunaw kha Khri Jesu kya a neethungkuh bua hae paw nynh thua hae.

FILIPI 2:17

Nae zynnaw te asekuhpaw pyapaw te silawnaw vawlan khe kamaw hynh niapaw silawnaw lante bu a la thua heize, ka lungtua zah nanning balyn ryte ka lungtua.

FILIPI 2:25

Te Epafroditas hynh nae kalan saw aho cite ka tua, aning tuh ka neitaw, rya kae lahkheihpaw, rhaw kae doukheihpaw, ka hobounaw kya rya yn lawpahpaw, nae zeccuetu nynh thua,

2 THESALON 1:7

Bawipaw Jesu tuh athungpaw a vaaw hae ryte aruapaw maee khate vaawlang te he yn langkuh te, vawsaw na teing oh paw nanning kha kaening ryte haeungnaw ae pya cih oh,

TITU 3:7

Tuhcite a thawccinaw liate thyaaccousah ah thua oh zah, zungzae hiinnaw ngaehoinaw thyhte rhoccoutu hae ah thua nawlan oh nynh thua.

HEBRU 10:11

Ranpibawi miakaw tuh mih ryalaw kya nin takyh a thadyn hae, seinaw kharouh a thyaasah kho leipaw alokuhpaw silawnaw kha palei a rae hae.

HEBRU 2:3

myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.

HEBRU 5:9

Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

HEBRU 6:12

Tuhteze nynh nanning tuh nae thawnaw leite, zynnaw te lungsaenaw liate byakinpyakunaw rho a ccou hae paw kha thydokuh hae paw na thua cih oh.

HEBRU 6:17

Tuhte Pachia nynh bya a kinpyaku hae paw rho a ccoutu hae tungvaw kya arulaekuh kho leipaw a khuakhannaw kha ccaerarih lan langsaku a ry keiccuze a byakinnaw liate a tynsah.

HEBRU 8:6

Thuasalama Jesu tuh ahoy huapaw byakinpyakunaw kya thadynsah thua zah ahoy huapaw byakinnaw kya-e hopiatu mah athua keiccuze atu aning tuh ahoy huaccepaw ryalaw kha phe a mue vae.

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

JAMES 2:5

Ka sungsahpaw uteno hae, la ngaetua oh. Hynh-e laephi kya-e ryachi hae hynh zynnaw kya hoirum khylan thuasah, amaw a sungsah hae paw hanlan bya a kinpyaku vae hae paw, peenaw rho kha ccou khylan thuasah Pachia nynh po khyh hae tou?

1 PETER 1:12

Profeh hae nynh rya a law hae paw tuh mimaw hanlan thua leite, nanning hanlan nynh thua cipaw kha mih kalan phypya athua; vaawlang te saw athuapaw Thyaa Muisaw liate nae kalan thehoy bya a ho hae paw kha mangte, tuh-e uccaw hae tuh atu nanning kya hopya athua vae. Vaaw hae nynh tuh-e uccaw hae tuh riri do lan a ry hae.

1 PETER 1:4

Tuh-e tuh nanning hanlan vaawlang kya ccypya athuapaw arohthya leipaw, anungsikuh leipaw te anaanthya leipaw rho kha ccou khylan nynh thua.

1 PETER 3:7

Tuhawte vawpaw hae nanning, zu hae tuh a thawzya huapaw nopi nynh athua hae cipaw kha nyh oh; hiinnaw te asekuhpaw thawccinaw rho a ccoubua hae paw athua hae hawte sawtuanaw pya oh lah, thaekuthyanaw te umkheih oh; tuh-e tuh nae sawsangnaw akhawpaw a um khyh nawlan nynh thua.

JUDE 1:14

Adam kyate she sarinaw athuapaw Enok mah hynh-e hae kong hynh profehbya a ho. A hopaw tuh: “Dotua, Bawipaw tuh,

BYAPHY 5:6

Kae nynh ka do zah bawitungkhung te ahiinpaw sarangpaw hae sa pali angaelung kya te piccan hae angaelung kyakhe a chia vae hae paw hawte athuapaw Tuutaw a thadynpaw kha ka muih; tuh-e Tuutaw tuh ki kisari te mit ccangsari hoi zah, tuh-e hae tuh laephi pynpi kalan sawpaw Pachia kya-e muisaw ccangsari nynh thua.