HEBRU 1:11 - Zotung Bible 2016

¹¹ Minmin tuh aroh cih hae, thuasalama nang tuh na tyn zungzae; boeining nynh apue hawte tuh-e hae tuh apue cih hae;

HEBRU 1:11 Iomraidhean Croise

The Psalms 10:16

Bawipaw tuh zungzae te zungzae cia siapharan nynh thua; Pachia beik leipaw minphuin hae tuh a ram kyate ro athua cih hae.

The Psalms 102:26

Tuh-e hae tuh aroh cih hae, thuasalama nang tuh zungzae na tyn; tuh-e hae balyn tuh boeining hawte a seiikuh cih hae. Boeiningsungpue hawte na rulae hae zah phe azo hae.

The Psalms 29:10

Bawipaw tuh tuileih vawlan khe a haung; Bawipaw tuh siapharan lante zungzae a haung.

The Psalms 90:2

Mua hae na rae mawze, laephi pynpi na rae mawze nang tuh athonaw kyate athangnaw kyacia Pachia nynh na thua.

ISAIAH 34:4

Vaawlui kya a um hae paw balyn tuh pong akoi cih hae zah, vaawlui tuh ccaw akuekuhpaw hawte akuekuh cih. Vaawlui kya a umpaw balyn tuh misu ku kya baleih anaanpaw misu naw hawte anaan cih hae zah, thaeku ku kya karae aroupaw thaeku thae hawte arou cih hae.

ISAIAH 41:4

E hae hynh hum nynh mou rae zah a cyih? Athotakawnaw kyate ccungccaw she miakaw kha a umsahtu tuh hummou athua? Kae, Bawipaw tuh masaty a umpaw ka thua zah, nyathyakou a umpaw mah ka thua cih.

ISAIAH 44:6

Israel Siapharan Bawipaw , amaw a Shawkhawtu, vaaw Bawipaw nynh a hopaw tuh: Kae tuh masaty te nyathyakou nynh ka thua; kamaw laelan ccangpaw pachia um khyh.

ISAIAH 50:9

Kae yn bawmtupaw tuh Bawipaw PACHIA nynh thua; hum nynh mou sei yn be ngan cih? Mih balynte boeining hawte a pue cih hae; laehaw nynh marya a ae cih hae.

ISAIAH 51:6

Vaawlui khuh dotua oh lah, akaw lang e laephi kha mah dotua oh; vaawlui tuh maeekhuh hawte a zo cih zah, laephi tuh boeining hawte a pue cih, laephi vawlan a um hae paw tuh maseih hawte a chih cih hae; thuasalama ka khumnaw tuh zungzae atyn cih zah, ka kya-e luenaw tuh thang boi vae lan khyh.

ISAIAH 51:8

Pawccecize laehaw nynh minmin kha boeining hawte a ae cih hae zah, ripaw nynh tuuming boei hawte a ae cih hae; thuasalama ka kya-e luenaw tuh zungzae atyn cih zah, ka khumnaw tuh she takyh po atyn cih.

ISAIAH 65:17

Vaaw thawpaw te laephi thawpaw kha ka rae cih; langmawlya e uccaw hae kha liathui thua vae lan khyh, tuathui mah thua vae lan khyh.

MATTHAI 24:35

Vaaw te laephi tuh azo cih, thuasalama ka bya tuh zo lan khyh.

MARKA 13:31

Vaaw te laephi tuh azo cih, thuasalama ka bya tuh zo lan khyh.

LUKA 21:33

Vaaw te lae tuh zo salamah ka bya tuh zo lan khyh.

HEBRU 12:27

Hynh-e, “Tuhzemah vaekheit bua,” cipaw bya nynh a langsakupaw tuh hy kho a um leipaw uccaw hae tuh po a um cih zah, ahy khopaw uccaw hae athuapaw raepaw uccaw hae tuh nue athua cih cinawpaw nynh thua.

HEBRU 8:13

“Byakin Thawpaw” a cipaw kya masaty byakinnaw kha arynpaw lang a tangsah vae. Ryn zah apuepaw uccaw tuh aro mawze azo cih.

BYAPHY 1:11

Tuh-e roi nynh, “Na muihpaw kha ccauh kya zei lah, Asia ram e Efesa khua, Smyrna khua, Perkamum khua, Thiatira khua, Sardis khua, Filadelfia khua te Laodisia khua kya umpaw khriccaawbuu buu sari kalan ky hae,” a ci.

BYAPHY 2:8

“Smyrna khua kya umpaw khriccaawbuu kya-e vaawpaw kalan hynhte zei: Chih zah bua a hiinpaw, masaty te nyathyakou athuapaw nynh hynhte a ho.

BYAPHY 20:11

Myarya lepaw bawitungkhung arawpaw te tuh-e vawlan a haungpaw kha ka muih, tuh-e paw malang kyate vaaw te lae tuh ccue hae zah, mih hanlan umnaw um vae khyh.

BYAPHY 21:1

Tukoute vaaw thawpaw te laephi thawpaw kha ka muih; pawccecize masaty vaaw te masaty laephi tuh zo hae zah rili mah um vae khyh.