HEBRU 1:10 - Zotung Bible 2016

¹⁰ Tukoute, “Pou Bawipaw, athotakaw kya laephi kha na bing, te vaawlang hae tuh na kuih te na raepaw nynh thua.

HEBRU 1:10 Iomraidhean Croise

GENESIS 1:1

Athotakaw kya Pachia nynh vaaw te lae kha a rae,

The Psalms 19:1

Vaawlui nynh Pachia phu-enaw kha ho zah, vaawlui kya adawkuhpaw nynh a kuihhae kha a langsah.

PHUNGTANGBYA 8:29

tui nynh a kaw a ei khyh nawlan, rili kha a umnaw a khyapya lyate laephi athotakawnaw kha a syntaw lyakhe,

ISAIAH 40:12

Tui kha a kuihphe te a tou khopaw, vaawlui kha a khaw te a khaw khopaw, vuiping kha tounawpaw te a ruin khopaw, mua hae te sangpyng hae kha zawccu te a khin khopaw, hummou a um?

ISAIAH 42:5

Vaawlui kha rae zah tharae a dawtupaw, laephi te laephi kyate yn thuapaw miakaw kha a pazaesakuhtupaw, laephi vaw e ccungccaw hae kha hiinnaw hy a pyatupaw te laephi vawlan a cceihthya hae paw kha muisaw a pyatupaw Bawipaw Pachia nynh a hopaw tuh:

ISAIAH 48:13

Ka kuih nynh laephi athonaw aleihpaw kha tynsah zah, ka ranglang kuih nynh vaawlui kha tharae a daw; vaaw te lae kha he ka ko hae tuh pekite palou a thadyn hae.

ISAIAH 51:13

Vaawlui kha tharae daw zah laephi thonaw aleihpaw a bingtu, nang ae Raetupaw Bawipaw kha phe na ning vae. Nang ae tuaasahtupaw a thinrianaw te nang kha ro khylan a paccynkuhtupaw keiccuze nang tuh anin ninlang po na rih. Thuasalama nang ae tuaasahtupaw a thinrianaw tuh teimou a um vae?

ISAIAH 51:6

Vaawlui khuh dotua oh lah, akaw lang e laephi kha mah dotua oh; vaawlui tuh maeekhuh hawte a zo cih zah, laephi tuh boeining hawte a pue cih, laephi vawlan a um hae paw tuh maseih hawte a chih cih hae; thuasalama ka khumnaw tuh zungzae atyn cih zah, ka kya-e luenaw tuh thang boi vae lan khyh.

ISAIAH 64:8

Tuhzemah, pou Bawipaw , nang tuh kae Paaw nynh na thua, kaening tuh anglae kae thua zah, nang tuh kaening oun raetupaw ang raetu nynh na thua; kaening balyn tuh na kuih te nae raekupaw nynh kae thua.

JEREMIAH 32:17

Pou Bawipaw PACHIA, alesaepaw na huhan te na dyngpaw na kuih khate vaaw te lae hynh na rae! Na hanlan myaryamaw arupaw pawpaw mah um khyh.

ZEKHARIAH 12:1

Hodaebya. Israel te asekuhpaw Bawipaw bya: Vaawlui kha tharae daw zah laephi kha mah rae zah ccungccaw lungkhu kya muisaw a raetupaw Bawipaw nynh hynhte a ho:

DEUTERONOMY 4:19

Te vaawlui lang na dothung oh zah, khuanin, sawpaw te awsi, vaawlui umpaw uccaw balyn kha he na muih oh te, vaawlui zakaw pawpaw kya umpaw ccungccaw balyn hanlan Bawipaw nae Pachia nynh a ua hae paw khah-e uccaw hae kha bakhungnuate beiksei nan oh lah, zuisei nan oh.

HEBRU 12:27

Hynh-e, “Tuhzemah vaekheit bua,” cipaw bya nynh a langsakupaw tuh hy kho a um leipaw uccaw hae tuh po a um cih zah, ahy khopaw uccaw hae athuapaw raepaw uccaw hae tuh nue athua cih cinawpaw nynh thua.

BYAPHY 3:14

“Laodisia khua kya umpaw khriccaawbuu kya-e vaawpaw kalan hynhte zei: Pachia kya-e raenaw athonaw athuapaw, a lungzipaw te ahmepaw ccaekia athuapaw Amen nynh hynhte a ho.