HEBRU 1:1 - Zotung Bible 2016

¹ Langmaw lyaze profeh hae kyate ah minpaaw hae kya aphuinphuin te avae patae bya a hopaw Pachia nynh,

HEBRU 1:1 Iomraidhean Croise

GENESIS 3:15

Nang te nopinung laku thuasah, na ciihan te a ciihan laku thuasah rawsekunaw ka nung cih; aning nynh na lu kha ae tude cih zah nang nynh a ccukhung kha na tuh cih,” a ci.

GENESIS 6:3

Oute Bawipaw nynh, “Ka muisaw tuh a chihthyapaw ccungccaw hae kya zungzae um lan ccan khyh, pawccecize minmin tuh ngesaw nynh thua hae; ccungccaw she tuh za kheit kum kuin thua sah,” a ci.

JOEL 2:28

Tukoute ccungccaw balyn tungvaw kya ka muisaw ka bu cih; nae ccapaw hae te nae ccanung hae nynh profehbya a ho cih hae, nae paawpi hae nynh maan a sah cih hae zah, nae ccangvae hae nynh vizin hae kha a muih cih hae.

LUKA 1:72

Ah minpaaw hae kya bya a kinkupaw a thawccinaw kha langsah zah athyaapaw a byakinnaw kha a liathui vae,

LUKA 24:27

Moses kyate tho zah Profeh hae balyn nynh amaw konglang a zei hae paw Ccathyaa balyn kha minmin kya ccaerarih lan a hopya hae.

LUKA 24:44

Tukoute Jesu nynh, “Moses kawbya ccauh kya thuasah, profeh hae ccauh kya thuasah, Sam ccauh kya thuasah kae ka kong a zei hae paw miakaw tuh marya accing cih cite nanning ryte ka um lyaze kae hopya oh paw bya tuh hynh-e hae hynh nynh thua,” a cipya hae.

JOHAN 16:13

Tuhzemah byaccing a phytu Muisaw yn thua te, nanning kha byaccing kalan ae cciakhae cih oh, pawccecize amaw kaw te ho lan khyh; thuasalama a thaepaw miakaw kha a ho cih zah yn thua cih paw kong kha ae hopah cih oh.

JOHAN 7:22

Moses nynh nanning kha vingdungawkunaw ae pya oh; (tuh-e tuh Moses kyate yn thopaw thua leite minpaaw hae kyate yn thopaw nynh thua;) nanning nynh sabbath nin kya ccungccapaw kha vingdung na aw oh.

JOHAN 9:29

Pachia nynh Moses kha bya a hopya cipaw kae ny, thuasalama e paw tuh paw kyate nynh yn thua cipaw kae nyh khyh,” a ci hae.

LOCCEIHTU 13:32

Pachia nynh ah minpaaw hae kya bya a kinkupaw thehoypaw bya kha nae kalan kae phupya oh.

LOCCEIHTU 2:30

Aning tuh profeh athua keiccuze a ciihan lu kheit kha a bawitungkhung vawlan dahungsah lan Pachia nynh amaw kya bya a kinpaw kha phe a ny.

LOCCEIHTU 28:23

Minmin nynh Paul te tungkunaw nin kha khya hae zah, tuin nin khe ccungccaw patae tuh Paul a ryanaw kalan oun thua hae. Paul nynh awkhua te zete cia Pachia peenaw kong kha ccaekiakhanpah hae zah, Jesu konglang kha minmin nynh a thaethya nawlan hae, Moses Kawbya ccauh kya-e te Profeh hae ccauh kya-e kha a hopya hae.

LOCCEIHTU 3:21

Laephi thotakaw te Pachia nynh athyaapaw a profeh hae munglae kyate a ho vae paw uccaw balyn kha athaw lante raenaw ccyh athua mawlaezung Jesu tuh vaawlang khua kya a um cih.

HEBRU 11:18

Amaw kong lante asekuhte, “Isak kya nynh na ciihan tuh atyn cih,” cite hopya athua.

HEBRU 11:2

Pawccecize tuh-e zynnaw liate langmawlya e ccungccaw hae tuh Pachia lungry a tung hae.

HEBRU 12:25

Nanning nynh a hotupaw bya kha na ei khyh nawlan oh raeringkuh oh; pawccecize laephi vawlan a hotupaw bya a ei hae paw tuh detahnaw kyate a lue khyh hae ze, vaawlang te a hotupaw bya kha aening nynh ah ei oh ze, pawtemou ah lue kho cih oh?

HEBRU 2:2

Pawccecize vaaw hae kha mangte hopaw bya tuh tyn zah, cyiseimenaw miakaw te kawngae leinaw nynh atazaepaw detahnaw kha a mue hae lanze thuasah,

HEBRU 2:3

myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.

HEBRU 3:5

Moses tuh nyalang ho athua cih paw uccaw hae kha ccaekiakhan khylan Pachia inn balyn kya ryalahtu lu kheit hawte a lungzipaw nynh thua.

HEBRU 4:8

Pawccecize Joshua nynh minmin kha haeungnaw a la pya hae ze, tuh-e koute nin ccangpaw kong kha Pachia nynh la ho vae lan khyh.

HEBRU 5:5

Tuhawte Khri mah Ranpibawi Lupi thua khylan amaw te amaw kha phu-esakuh khyh, thuasalama, “Nang tuh ka Ccapaw, atunin nang kha kae saah vae,” cite a hotupaw nynh amaw kha a phu-esah.

HEBRU 9:19

Pawccecize Moses nynh kawbya ccauh kya-e kawbya miakaw kha ccungccaw hae balyn kalan a hopah kou hae te, tui pykuhpaw vaetuataw chii te miaa chii kha lah zah sekakungpaw tuuming te hyssop khate ccauh te ccungccaw hae balyn kha thei hae zah,