GENESIS 9:3 - Zotung Bible 2016

³ Ahinpaw thingku-ruaku hae kha nanning kae pya oh hawte hiin zah apiathyapaw miakaw tuh nanning hanlan looh athua cih, atyn-are kha nanning kae pya oh.

GENESIS 9:3 Iomraidhean Croise

GENESIS 9:2

Laephi vawlan sarangpaw miakaw, vaawlang e pavaw miakaw, laephi vawlan avawpaw atyn-are, te rili lungkhu e ngasaw balyn nynh nanning kha ae rih cih oh zah a thyngkuh cih hae; minmin kha nae kuih kya pya athua hae.

LEVITIKAS 22:8

Amaw chi lan achihpaw saw khyhze sarepaw nynh a teipaw saw kha ae lan khyh, tuh-e saw liate athyaa leipaw lang a tangsei cih: Kae tuh Bawipaw nynh ka thua.

Romans 14:14

Pawpaw looh sanmah amaw thu lang thu khyh cipaw Bawipaw Jesu liate ccaerarih lan ka ny; thuasalama hankhakheit kha thyaa khyh cite a tuapaw ccungccaw elang tuh tuh-e tuh a hanlan thyaa khyh.

Romans 14:17

Pawccecize Pachia peenaw tuh aepaw te niapaw hynh thua leite, Thyaa Muisaw kya dingnaw, daenaw te lungpawnaw nynh thua.

Romans 14:20

Pachia ryalaw kha looh keiccuze roh nan. Looh miakaw tuh athyaa ccaccing; thuasalama nang nynh na aepaw keiccuze ming hae khuliasaku nawlan a tang lanze nang tuh na sei vae.

Romans 14:3

Pawpaw balyn a aepaw nynh a ae leipaw kha dothatheih nan sah, te a ae leipaw nynh a aepaw kha byapia nan sah, pawccecize Pachia nynh tuh-e paw tuh lehkhan vae paw nynh thua.

1 KORIN 10:23

“Pawpaw balyn kae cyi kho,” a ci hae, thuasalama pawpaw balyn hynh marya athanepaw thua khyh. “Pawpaw balyn kae cyi kho,” a ci hae, thuasalama pawpaw balyn hynh bawmtu thua khyh hae.

1 KORIN 10:31

Tukeiccuze na ae oh zemah thuasah, na nia oh zemah thuasah, pawpaw na cyi oh zemah, pawpaw balyn tuh Pachia phu-enaw hanlan cyih oh.

DEUTERONOMY 12:15

Tuhzemah Bawipaw nae Pachia nynh ae pya oh paw hythuanaw thyhte nae khua khuakhakheit kya na ry takyh oh te, saw kha na chiakuh cih oh zah na ae cih oh; sazuh te sakhi kha leih a ae hae hawte athyaapaw ccungccaw nynh thuasah, athyaa leipaw ccungccaw nynh thuasah tuh-e tuh a ae cih.

KOLOSE 2:16

Tukeiccuze aenaw te nianaw, athyaapaw nin hae sungnaw, sawpaw adiapaw hae sungnaw, sabbath nin hae sungnaw te asekuh lante hum nynh san bya ae la pia nan oh sah.