GENESIS 5:3 - Zotung Bible 2016

³ Adam tuh kum za kheit sung thum he cih tuh amaw muinsan te a lokuh lante ccapaw lu kheit saah zah Seth cite min a phu.

GENESIS 5:3 Iomraidhean Croise

GENESIS 4:25

Te Adam nynh a zu te bua a ihkheih hae, te aning nynh ccapaw lu kheit saah zah Seth cite min a phu, pawccecize aning nynh, “Kain nynh a chiapaw Abel ccelang ccangpaw ccapaw kha Pachia nynh yn khangpya vae,” a ci.

GENESIS 5:2

Pise te nopi kha a rae, te hythuapya hae zah minmin a rae nin hae khe “Ccungccaw” cite min a phu hae.

GENESIS 5:4

Seth a pui koute Adam tuh kum za tarya hiin zah ccangpaw ccapaw hae te ccanung hae kha mah a saah hae.

JOB 14:4

Athyaa leipaw lungkhu kyate athyaapaw uccaw kha hummou a thuakhae kho? Humhung nynh mah thuakhae kho khyh.

JOB 25:4

Tuhte athua ze, ccungccaw tuh Pachia malang pawtemou a ding kho cih? Nopi nynh a saahpaw ccungccaw tuh pawtemou athyaa kho cih?

The Psalms 51:5

Ka pui takaw mawte seinaw ka hoi, ka nung nynh yn poi lya mawte misei nynh ka thua.

LUKA 1:35

Vaawpaw nynh, “Thyaa Muisaw tuh na tungvaw yn thua cih zah Ahang Huaccepaw thungnaw tuh na tungvaw yn um cih; Tukeiccuze na saah lanpaw Ccapaw tuh athyaapaw athua cih zah Pachia Ccapaw cite ko athua cih.

LUKA 3:36

Shelah tuh Kainan ccapaw, Kainan tuh Arphasad ccapaw, Arphasad tuh Shem ccapaw, Shem tuh Noah ccapaw, Noah tuh Lamek ccapaw,

JOHAN 3:6

Pynsaw kyate a puipaw tuh pynsaw thua zah Muisaw kyate a puipaw tuh muisaw nynh thua.

Romans 5:12

Pawccemacize ccungccaw lu kheit keiccuze seinaw tuh laephi kalan yn thua zah, seinaw liate chinaw tuh yn thua, tukeiccuze ccungccaw balyn tuh marya ah sei vae oh keiccuze chinaw nynh pong oun thuanua vae.

1 KORIN 15:39

Ngesaw balyn tuh alokuhpaw ngesaw cci thua khyh; ccungccaw ngesaw tuh phuin kheit, sarangpaw hae ngesaw tuh phuin ccangpaw, ngasaw hae ngesaw tuh phuin ccangpaw, te pavaw hae ngesaw tuh phuin ccangpaw nynh thua.

1 KORIN 15:49

Aening tuh laenoi te raepaw ccungccapaw muinsan ah ke oh hawte, vaawlang te yn thuapaw ccungccapaw muinsan mah ah ke cih oh.

EFESA 2:3

Aening balyn tuh langmawlya tuh-e hae kyakhe pynsaw rynaw te thinlung rynaw kha zuite, ah pynsaw duaanaw kyakhe ah la ciakuh bua oh; mingccang hae hawte aening mah aphung thyhte thinrianaw a ccou hae paw ccaaw hae nynh ah la thua oh.