GENESIS 4:8 - Zotung Bible 2016

⁸ Kain nynh a neitaw Abel kha, “Loo lang cceih sih,” a cipya. Te loo kya a um lya hae khe Kain nynh a neitaw Abel kha rawse zah a chia.

GENESIS 4:8 Iomraidhean Croise

GENESIS 4:25

Te Adam nynh a zu te bua a ihkheih hae, te aning nynh ccapaw lu kheit saah zah Seth cite min a phu, pawccecize aning nynh, “Kain nynh a chiapaw Abel ccelang ccangpaw ccapaw kha Pachia nynh yn khangpya vae,” a ci.

2 SAMUEL 14:6

Na ryalahtunung nynh ccapaw lu ning ka hoi zah ramkaw kya a ziakuh hae; a phiatu lu kheit san a um khyh keiccuze lu kheit nynh lu kheit kha zia zah phe a chia.

2 SAMUEL 3:27

Abner tuh Hebron lang he a ki te, Joab nynh byarupaw hoku khylan koikua pe lang cciakhae zah, tuin kyakhe a vue kha a thuing. Tuhcite Joab a neitaw Asahel chiise a luapaw hanlan Abner tuh a chih.

2 SHERIANAW 21:4

Jehoram nynh a paaw bawitungkhung kya kae zah a uknaw he a tynsah te, a uno hae balyn te Israel bawi hae abang kha thaloi te a chia hae.

NEHEMIAH 6:2

Sanballat te Geshem nynh ka kalan ccungccaw oun saw hae zah, “Yn cceih lah Ono bialae e khua khuakheit kya tungku tua oh sih,” yn cipya hae. Thuasalama minmin nynh kae kha vawsaw pya lan oun nounuaku hae.

JOB 11:15

Tetuh na maesue kha ccaenaw um lei lante na langsakuh cih; na khyn cih zah, na rih lan khyh.

The Psalms 139:19

Pou Pachia, ccungccaw hoylei hae paw kha theih hae lah, ccungccaw chia a mang hae paw tuh ka kyate pou hae sah,

The Psalms 36:3

A khalang kya-e bya tuh ahoy leipaw te lingpaw bya nynh thua; hawrarih lante um khyh zah, hoynaw kha rae khyh.

The Psalms 55:21

a bya tuh thawpah laeze anaw lante hothya salamah, rhawtukku rynaw thinlung a hoi; a bya tuh chitui laeze nehua salamah, poh thuaakuhpaw thaloi nynh thua.

HOSEA 4:2

Pekunaw, hynhunaw, ccungccaw chianaw, runaw te milae zu milae vawpaw te seinaw a um; chiise luasakunaw ccangkheit koute ccangkheit a um.

MIKAH 7:6

pawccecize ccapaw nynh a paaw kha a thethyasah zah, ccanung nynh a nung kha a rawse, monung nynh a ninnung kha a rawse; nae rhaw hae tuh nae innbyn kya-e ccungccaw hae kha nynh athua hae.

NAMBAR 35:20

Tuhawte lukhakheit nynh ccungccaw kha a hua keiccuze dou a tu ze thuasah, tuhkhyhze buhkhaw zah ccangkhakheit te a deih ze thuasah, a chi lanze,

MATTHAI 23:35

Tukeiccuze adingpaw Abel chiise kyate, beikinn te silawhang laku na chia oh paw Berakhiah ccapaw Zekhariah chiise kyacia laephi vawlan aluapaw miding hae chiise balyn tuh nae tungvaw accah cih.

LUKA 11:51

Abel chiise kyate tho zah silawhang te beikinnthyaa laku kya a chia hae paw Zekhariah chiise kyacia ngia athua cih hae. Byaccaccing kae hopya oh, tuh-e tuh e ccungccaw hae kya ngia athua cih.

LUKA 22:48

Thuasalama Jesu nynh, “Judas, Ccungccaw Ccapaw hynh nang nynh myngte tou na phee?” a cipya.

HEBRU 11:4

Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

HEBRU 12:24

byakinnaw thawpaw kya-e hopiatu Jesu kalan te Abel chiise nynh a hopaw uccaw laeze ahoy huapaw uccaw kong a hopaw theipaw chiise kalan na thua vae oh.

JUDE 1:11

Minmin hanlan ngaethya lan kou um! Pawccecize minmin nynh Kain laanpi kha a zui hae, amee mue khylan Balaam a cyiseinaw kalan khe a dekuh bua hae, Korah hawte rhawtho hae zah tuh-e rhawthonaw kyakhe a roh hae.