GENESIS 4:7 - Zotung Bible 2016

⁷ Ahoypaw kha na rae lanze ccoupya leite um na thua cih zawtou? Te ahoypaw kha na rae khyh lanze seinaw nynh thuakaw kya phang ae buh, seinaw nynh nang kha uk lan ae ry, thuasalama nang nynh seinaw kha na tae lanpaw nynh thua,” a cipya.

GENESIS 4:7 Iomraidhean Croise

GENESIS 19:21

Aning nynh Lot kha, “Myarya hoy, nae ngiapaw kha kae ua cih zah na hopaw khua kha ka roh lan khyh.

GENESIS 3:16

Nopinung kha, “Na teing lanpaw ccaawpoinaw kya-e teingnaw kha myarya ka lesah cih; ccinaw teingte ccaaw na saah cih, thuasalama na vawpaw kha na ry ngaethae cih zah aning nynh nang kha ae uk cih,” a cipya.

2 SAMUEL 24:23

Pou siapharan, e hae balyn hynh Araunah kae nynh siapharan kha kae pya,” a cipya. Te Araunah nynh siapharan kha, “Bawipaw na Pachia nynh ae ccoupah vae sah,” a cipya.

2 SIAPHARAN 8:28

Ahab ccapaw Joram ryte cceih hae zah Siria siapharan Hazael kha Ramoth-gilead kya a tuk hae, tuin kyakhe Siria hae nynh Joram kha maw a muesah hae.

JOB 11:14

Na kuih kya hoyleinaw a um ze, asawnaw langkhe ccaring la nung, hoyleinaw kha na bu lungkhu umsah nan.

JOB 11:15

Tetuh na maesue kha ccaenaw um lei lante na langsakuh cih; na khyn cih zah, na rih lan khyh.

JOB 29:4

ka ngawphue lya, Pachia kya-e ccuepekunaw ka inn kya a um lya hawte ka thua hin sah lah;

JOB 42:8

Tukeiccuze atu nanning nynh tangnuapaw sa sari te tuutepaw sa sari kha lah oh lah, ka ryalahtu Job kalan cciakhae oh, naemaw hanlan maee-ute silawnaw kha rae oh; ka ryalahtu Job nynh nanning hanlan saw ae sangpah cih oh, pawccecize na ngaeenaw oh thyhte nae tungvaw ka cyi khyh nawlan, Job sawsangnaw kha ka thaepah cih, pawccecize ka ryalahtu Job nynh a cyi hawte, nanning nynh ahmepaw ka konglang kha na ho khyh oh,” a cipya hae.

PHUNGTANGBYA 18:5

Aseipaw ccungccaw kha maedopaw te byapianaw kyaze seinaw a hoi leipaw kha shungsahpaw tuh hme khyh.

PHUNGTANGBYA 21:27

Ccungccaw hoyleipaw nynh silawnaw a raepaw tuh anungsikuhpaw nynh thua; ahoy leipaw paccynnaw te yn ccyng zetuh hohcihmou houh anungsiku?

JEREMIAH 3:12

Cceih lah, e bya hynh thahlang khe la siakhae: Pou a lungzi leipaw Israel, yn kithui, cite Bawipaw nynh a ci. Nang kha thinriate kae do vae lan khyh, pawccecize kae tuh thawccinaw a hoipaw nynh ka thua; zungzae ka thinria lan khyh, cite Bawipaw nynh a ci.

JEREMIAH 6:20

Sheba ram kyate yn thuapaw amynkhuhpaw frankinsen te laansaw langte yn thuapaw ccazung epaw kha ka hanlan pawmou a ccungkia? Nae kya-e maee-ute silawnaw hae kha ccoupya thua lan khyh, nae kya-e silawnaw hae kha mah ka lungrythua khyh.

MIKAH 7:18

Hoyleinaw kha ngaethyate, a laehypaw a rho ccungccaw hae mih cyiseimenaw kha a ngaethya hae paw, nang ae lopaw Pachia hummou a um? A thawccinaw langsakunaw kyakhe a lungrythua keiccuze aning tuh zungzae a thinria khyh.

MALAKHI 1:10

Nanning nynh ka silawhang kya alakaw lan mae na aw khyh nawlan oh, nanning lukhakheit nynh beikinn thuakaw hae kha khaw vae sah! Nae tungvaw ka lungrythua khyh, nae kuih kya-e pyapaw ahlu kha ka ccou lan khyh, cite vaaw Bawipaw nynh a ci.

MALAKHI 1:13

“E ryalaw tuh thawbang lan kou um,” na ci oh zah, kae kha nae sarya oh, cite vaaw Bawipaw nynh a ci. Puathote na lawku oh paw kha thuasah, a ccukhoupaw, accihpaw kha thuasah pyapaw uccaw lante nae ccyng oh! Nae kuih kya-e tuh-e tuh kae ccoupah cih oh tou? cite Bawipaw nynh a ci.

MALAKHI 1:8

A mitzupaw sarangpaw khate si na law vae oh ze, tuh-e tuh sei khyh tou? Te a ccukhoupaw te thuasah, accihpaw te thuasah si na law vae oh ze, tuh-e tuh sei khyh tou? Tuhcite nae uktu bawi kha na pya oh ze, nae tungvaw a lungrythua cih tou? Maehoynaw ae pya cih oh tou? cite vaaw Bawipaw nynh a ci.

NAMBAR 32:23

thuasalama e hynh na cyi khyh oh zetuh, Bawipaw malang na sei vae oh; te nae seinaw nynh ae ccung cih oh zah ae muih cih oh.

LOCCEIHTU 10:35

Minphuin takyh kya Pachia rawrih zah ahmepaw rya a lahpaw miakaw tuh Pachia nynh leh a khan.

Romans 12:1

Tukeiccuze uteno hae, Pachia kya-e ngaethyaumsahnaw liate kae ngia ry oh paw tuh, nae pyn kha athyaapaw te Pachia kalan douccahpaw ahiinpaw silawkunawpaw lante pyakuh oh; tuh-e tuh na cyi lan oh paw muisaw te asekuhpaw beiknaw nynh thua.

Romans 14:18

Pawccecize hynhcite Khri rya a lahpaw tuh Pachia malang nawccaw lan umpaw thua zah ccungccaw hae nynh mah the a hoysah hae.

Romans 15:16

tuh-e a thawccinaw tuh kae hynh Pachia thehoypaw a hopaw ranpibawi ryalaw kya Zenta hae hanlan Jesu Khri a ryalahtu ka thuapaw hynh nynh thua; tuhteze nynh Zenta hae kya-e silawkunaw tuh Thyaa Muisaw liate athyaa cih zah douccahpaw athua cih.

Romans 6:12

Tukeiccuze nae pynsaw rynaw kha zui khylan seinaw nynh a chihthyapaw nae pyn kha uk nan vae sah.

Romans 6:16

Nanning nynh naemaw te naemaw kha lukhakheit kalan khe kaw a ngaepaw see lang na pyaku oh lan athua ze, nanning tuh a kaw na ngae oh paw tuh-e paw see nynh kae thua cipaw na nyhkuh khyh oh tou? Chinaw kalan a thuakhaepaw seinaw kalan na pyaku oh ze thuasah, dingnaw kalan a thuakhaepaw kawngaenaw kalan na pyaku oh ze thuasah, nanning tuh tuh-e hae see nynh na thua oh.

EFESA 1:6

a sungsahpaw Ccapaw liate alakaw te aening oun pyapaw aphu-epaw a thawccinaw kha thehoysah khylan nynh thua.

1 TIMOTE 5:4

Thuasalama nomae lukhakheit nynh ccaaw hae tuhkhyhze mintaw hae a hoi lanze, tuh-e ccaaw hae te mintaw hae nynh mih innbyn elang cyi lanpaw mih beiknaw rya kha masaty ccangkuh hae sah lah, mih nung mih paaw hae te mih minnung mih minpaaw hae kha do-oihru hae sah; pawccecize tuh-e tuh Pachia lungrypaw nynh thua.

HEBRU 11:4

Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

JAMES 1:15

Pynsaw rynaw nynh ccaawpoi zah seinaw kha a saah, seinaw nynh he ale tuh chinaw kha a thuakhae.

1 PETER 2:5

Nanning mah ahiinpaw lung hae hawte muisaw lante sakpaw inn nynh na thua oh, Jesu Khri liate Pachia kalan douccahpaw, muisaw lante silawkunaw rae khylan athyaapaw ranpibawi nynh na thua oh.