GENESIS 4:5 - Zotung Bible 2016

⁵ thuasalama Kain te a pyapaw a uccaw kha ccoupah khyh. Tukeiccuze Kain tuh myarya a thinria zah a mitmae hoy khyh.

GENESIS 4:5 Iomraidhean Croise

GENESIS 31:2

Te Laban mah langmaw hawte a mitmae hoy vae khyh cipaw kha Jakob nynh a muih.

GENESIS 31:5

“Nae paaw tuh langmaw hawte ka tungvaw a mitmae hoy vae khyh cipaw ka muih. Thuasalama ka paaw a Pachia nynh kamaw kha yn umkhae.

GENESIS 39:19

“E hynh na seepaw nynh ka tungvaw yn cyisahnaw nynh thua,” cite a zu nynh a hopaw bya kha a bawipaw nynh he thae tuh myarya a thinria.

JOB 15:13

Tetuh na thinlung nynh Pachia kha rawse zah, tuhcihawpaw bya kha na khalang kyate a pousah.

JOB 5:2

Thinrianaw nynh mingaee kha theih zah, eiungnaw nynh tuanaw a zyapaw kha a chia.

The Psalms 20:3

Si na lawnawpaw balyn kha ae liathuipah sah lah, Maee-ute si na lawnawpaw hae kha ae ccoupah vae sah.

PHUNGTANGBYA 19:3

Ccungccaw tuh a ngaeenaw nynh ronaw kalan a cciakhae, tuhzemah a thinlung kyakhe Bawipaw tungvaw a thinria.

PHUNGTANGBYA 29:10

Ccungccaw a theih hae paw nynh tuh ccaenaw a hoi leipaw kha a hua hae, te miding hae nynh tuh tuh-e paw a hiinnaw kha a thungkhaw hae.

PHUNGHOTU 4:4

Oute reihkute ryalawnaw balyn te ryalawthyanaw balyn hynh lu kheit te lu kheit eiungnaw kyate nynh yn thua cipaw ka ny. E hynh zemah accakaepaw thua zah, khisan nulang deekupaw nynh thua.

ISAIAH 3:9

Mih maesue nynh minmin kha rawsete ccaekia a khan; Sodom khuaccaaw hae hawte mih seinaw kha pheiku leite a phyku hae. Minmin hanlan ngaethya lan kou um! Pawccecize mimaw tungvaw hoyleinaw kha a thuakhaeku hae.

NAMBAR 16:15

Moses tuh myarya a thinria zah Bawipaw kha, “Minmin kya-e silawnaw kha pawlangriapah nan hae. Minmin kyate lann sa kheit sanmah ka lah khyh zah minmin lu kheit sanmah vawsaw ka pya khyh hae,” a cipya.

MATTHAI 20:15

Ka uccaw te ka cyi rypaw cyinaw kaw ka hoi khyh tou? Tuhkhyhze hysahnaw ka hoi keiccuze nang tuh na eiung tou?’ a cipya.

LOCCEIHTU 13:45

Thuasalama Judah hae nynh ccungccaw zapi kha he a muih hae tuh, myarya mih eiung; Paul nynh a hopaw kha ei hae zah a sarya hae.

HEBRU 11:4

Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

JUDE 1:11

Minmin hanlan ngaethya lan kou um! Pawccecize minmin nynh Kain laanpi kha a zui hae, amee mue khylan Balaam a cyiseinaw kalan khe a dekuh bua hae, Korah hawte rhawtho hae zah tuh-e rhawthonaw kyakhe a roh hae.

1 SAMUEL 16:7

Thuasalama Bawipaw nynh Samuel kha, “A muinsan te a pynrua ahangpaw kha do nan, pawccecize amaw kha ka vua vae; pawccecize Bawipaw nynh tuh ccungccaw nynh do hawte do khyh; ccungccaw nynh tuh atolang e muinsan kha a do, thuasalama Bawipaw nynh tuh thinlung kha a do,” a cipya.