GENESIS 4:2 - Zotung Bible 2016

² Tukoute a neitaw Abel kha a saah. Abel tuh tuurinpaw thua zah Kain tuh loophopaw nynh thua.

GENESIS 4:2 Iomraidhean Croise

GENESIS 3:23

Tukeiccuze pisepaw tuh amaw yn thuanaw laephi kya ryalaw khylan Bawipaw Pachia nynh Eden khokhu kyate a pousah.

GENESIS 37:13

Te Israel nynh Josef kha, “Na upaw hae tuh Shekhem kya tuuphu kha a rin hae khaw? Oun cceih, minmin kalan kae saw cih,” cipah zah Josef nynh, “Phang ka paccynkuh,” a cipya.

GENESIS 4:1

Te Adam nynh a zu Evi te ihkheih hae zah Evi tuh ccaaw a poi, te Kain kha saah zah, “Bawipaw bawmnaw liate ccapise lu kheit ka saah,” a ci.

GENESIS 4:3

Accyh yn zaw tuh Kain nynh Bawipaw pya khylan loo kya-e athae kha yn ccyng,

GENESIS 47:3

Faro nynh a upaw kha, “Paw ryalaw mou leih na law oh?” cite khia hae zah minmin nynh, “Na see hae kaening tuh kae minpaaw hae hawte tuurin hae nynh kae thua,” a ci hae.

GENESIS 9:20

Noah tuh loophopaw thua zah misu khokhu masaty a raetupaw nynh thua.

The Psalms 127:3

Ccaaw hae tuh Bawipaw kyate ccoupaw rho ccaccing thua hae zah, lasung nynh thua hae.

EXODUS 3:1

Moses tuh Midian ranpibawi a thuapaw, a zu paaw Jethro kya-e tuu hae te miaa hae kha a rin hae, te sahiin hae kha laesia ram akhung langkhe cciakhae hae zah Horeb cikuhpaw Pachia mua kya a thua.

AMOS 7:15

Bawipaw nynh sahiin phu ka rinnaw kyate kae kha yn ko zah, ‘La cceih lah, ka ccungccaw Israel hae kya profehbya la ho,’ yn cipya.

LUKA 11:50

Tukeiccuze laephi athonaw aleihpaw kyate aluapaw profeh hae chiise balyn mee kha hynh-e ciihan hae kya ngia athua cih.

LUKA 11:51

Abel chiise kyate tho zah silawhang te beikinnthyaa laku kya a chia hae paw Zekhariah chiise kyacia ngia athua cih hae. Byaccaccing kae hopya oh, tuh-e tuh e ccungccaw hae kya ngia athua cih.

JOHAN 8:44

Nanning tuh nae paaw Satan kya-e na thua oh zah, nae paaw rynaw kha na cyi ry oh. Aning tuh atakaw lya mawte ccungccaw theihtupaw thua zah byaccing kya tyn khyh. Pawccecize amaw kya byaccing um khyh. Hynbya a ho vae ze amaw thuanaw kha nynh a ho; pawccecize aning tuh a hynpaw thua zah hynbya a paaw nynh thua.

1 JOHAN 3:10

Pachia ccaaw hae te Satan ccaaw hae tuh hynhcite alangkuh: Humhung zemah dingnaw rya a lah leipaw te a uno a sungsah leipaw ccungccaw tuh Pachia kya-e thua khyh.

1 JOHAN 3:12

Satan kya-e thua zah amaw a neitaw a theihpaw Kain hawte thua nan oh sih. Pawccemou a neitaw kha a chia ci ze, amaw a cyisahnaw tuh hoy khyh zah, a neitawpaw a cyisahnaw tuh ading keiccu nynh thua.

1 JOHAN 3:15

Humhung zemah a uno a huapaw tuh ccungccaw a theihtu nynh thua; ccungccaw a theihtupaw kya tuh zungzae hiinnaw um khyh cipaw na ny oh.