GENESIS 4:10 - Zotung Bible 2016

¹⁰ Te Bawipaw nynh, “Pawmou phe na rae vae? Ngaetua; na neitaw chii nynh laephi kyate kamaw kalan palei a sia!

GENESIS 4:10 Iomraidhean Croise

GENESIS 18:20

Oute Bawipaw nynh, “Sodom te Gomorrah khua e thethyanaw tuh myarya le zah mih seinaw mah myarya alung.

GENESIS 3:13

Oute Bawipaw Pachia nynh nopinung kha, “Pawcce hynhte na la cyi?” a ci. Te nopinung nynh, “Hupaw nynh yn ling zah ka ae,” a cipya.

GENESIS 9:5

Pawccecize nae hiinnaw athuapaw nae chii kha kae ngiaru cih oh, sarangpaw balyn kyate tuh-e kha ka ngiaru cih, te ccangpaw lu kheit chii hanlan ka ngiaru cih.

2 SIAPHARAN 9:26

‘Naboth chiise te a ccapaw hae chiise kha inkhawnin ka muih, e laephi kyahin nang kha liaru lan bya ka kinku,’ cite Bawipaw nynh a ci. Tukeiccuze a rhua kha hang lah, Bawipaw bya thyhte laephi kyakhe vua,” a cipya.

2 SHERIANAW 28:9

Thuasalama Oded cikuhpaw Bawipaw profeh lu kheit a um; Samaria khua lang oun cceih hae paw rhawkaw hae kha tungku lan ccianua hae zah, “Nae minpaaw hae Pachia, Bawipaw nynh Judah tungvaw a thinria keiccuze minmin kha nae kuih kalan ae pya oh, thuasalama nanning nynh vaawlui phe phahpaw thin-unaw te minmin kha na chia vae oh.

JOB 16:18

“Pou laephi, ka chiise kha thei nan; ka siaruanaw hynh dae nan sah.

JOB 24:12

Vyavya chih hae paw tuh khuapi lungkhu te hawkhaekuh hae zah, vaemaw a mue hae paw tuh bawmnaw mue khylan a sia hae; tuhzemah Pachia nynh mih sawsangnaw kha pawlangriapah khyh hae.

The Psalms 50:21

E hae hynh na cyih oh zah, kae tuh daebabi lan ka um; tukeiccuze kae hynh naemaw tahawpaw lang nae ria oh. Thuasalama atu tuh kae pe vae cih oh zah, khah-e hae kha ccaerarih lan kae nysah vae cih oh.

The Psalms 72:14

Tuaasahnaw te puathonaw kyate mih hiinnaw kha a shawkhaw hae; mih chii tuh amaw muihnaw kya aphute.

The Psalms 9:12

Pawccecize chiise a luasahtu hae kha tyty nyh hae zah, vawsaw a tung hae paw siaruanaw kha ningpah khyh hae.

The Psalms 9:13

Pou Bawipaw , thaw beih yn ccitua. Yn hua hae paw nynh yn teingsah hae paw hynh yn muihpya tua; nang tuh chinaw kyate yn luesahtu nynh na thua,

EXODUS 3:7

Oute Bawipaw nynh, “Izip ram umpaw ka ccungccaw hae vawsawnaw kha phe ka muih vae; minmin tungvaw ryalaw uktu bawi hae keiccuze a siarua hae paw roi kha phe ka thae vae. Mih teingnaw kha ka ny ccaccing vae,

ISAIAH 5:7

Israel phin tuh vaaw Bawipaw kya-e misu khokhu nynh thua, Judah ccungccaw hae tuh aning nynh a linkupaw misu ku nynh thua; aning nynh byading kha a ngaehoi, thuasalama chiise luanaw kha a muih; dingnaw kha a ngaehoi, thuasalama rawnaw roi kha a thae!

NAMBAR 35:33

Tuhcite nae umnaw ram kha na thusah lan khyh oh; pawccecize chiise nynh ram kha a thusah, chiise a luasahtupaw chiise laelan, tuh-e ram hanlan rungkhaw lanpaw paw san um khyh.

LOCCEIHTU 5:3

Peter nynh, “Ananias, pawccemou na thinlung kha Satan na uksakuh zah laephi na zuanaw mee phua abang kha nungkute Thyaa Muisaw tuh na ling?

LOCCEIHTU 5:9

Peter nynh, “Bawipaw Muisaw kha syntawtua khylan pawtemou hynhte nae lung aloku? Dotua, na vawpaw a uh hae paw mih ccu tuh thuakawzung nynh a um ung, nang kha mah ae puihbua cih hae,” a cipya.

DEUTERONOMY 21:1

Bawipaw nae Pachia nynh nanning ccou khylan ae pya cih oh paw ram kya, ramkaw huataw kyakhe michi a huekuhpaw muih thua zah, hung nynh a theih cipaw ny athua khyh zetuh,

HEBRU 11:4

Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

HEBRU 12:24

byakinnaw thawpaw kya-e hopiatu Jesu kalan te Abel chiise nynh a hopaw uccaw laeze ahoy huapaw uccaw kong a hopaw theipaw chiise kalan na thua vae oh.

JAMES 5:4

Ngaetua oh, nae leikua hae kya ccatan aw hae paw ryalahtu hae kha ryalaw mee pya leite na hynpah oh zah, mih ryalaw mee nynh a sia hae. Loohruetu hae siaruanaw tuh Vaaw Bawipaw nakaring kya phe a thua vae.

JOSHUA 7:19

Tetuh Joshua nynh Akhan kha, “Ka ccapaw, Israel Pachia Bawipaw kha phu-esah lah, amaw malang na seinaw kha phyku tua. Na cyipaw kha atu yn hopya tua; yn phei nan,” a cipya.

1 SAMUEL 13:11

Samuel nynh, “Pawmou na la cyi?” a cipya. Saul nynh, “Ccungccaw hae nynh ka kyate a ccue hae paw kha thuasah, khyapaw accyh kya nae thua khyhpaw kha thuasah, Filistin hae tuh Mikmash khua kya a sueluaku hae paw kha thuasah he ka nyh te,