GENESIS 26:3 - Zotung Bible 2016

³ E ram kya ramccang ccungccaw hawte umtua, nang kha kae umkhae cih zah hythua kae pya cih; pawccecize e ram balyn hynh namaw te na ciihan hae kae pya cih oh zah na paaw Abraham kya ka kinkupaw byakinnaw kha ka ccingsah cih.

GENESIS 26:3 Iomraidhean Croise

GENESIS 12:7

Te Bawipaw nynh Abram kya yn langkuh zah, “E ram hynh na ciihan hae kalan ka pya cih hae,” a ci. Tukeiccuze Abram nynh amaw kya yn langkuhpaw Bawipaw hanlan tuh-e hmin kya silawhang ccangkheit kha a rae.

GENESIS 13:15

na muihpaw ram balyn kha namaw te na ciihan hae hanlan zungzae kae pya cih.

GENESIS 13:17

Thokuh lah laephi asae lante thuasah, ako lante thuasah po cciatua, pawccecize tuh-e tuh nang kae pya cih,” a cipya.

GENESIS 15:18

Tuh-e nin khe Bawipaw nynh Abram kya byakinnaw rae zah, “E ram hynh na ciihan hae ka pya hae, Izip vaw kyate vawpi athuapaw Zufrates kyacia,

GENESIS 17:19

Pachia nynh, “Tuhte thua khyh, na zu Sarah nynh ccapaw lu kheit ae saahpah cih zah Isak cite min na phu cih. Amaw te amaw koute a ciihan hae hanlan zungzae tynpaw byakinnaw lang ka byakinnaw kha ka tynsah cih.

GENESIS 17:8

Atu ramccang ccungccaw lang na tangnaw oh Kanaan ram balyn hynh nang te namaw koute na ciihan hae kalan zungzae hanlan kae pya cih oh; te kae tuh mih Pachia ka thua cih,” a ci.

GENESIS 20:1

Abraham tuh Mamre kyate Negeb ram lang cceih zah Kadesh te Shur laku khe a um. Gerar khua kya ramccang ccungccaw hawte a um lyakhe,

GENESIS 25:11

Abraham a chih koute Pachia nynh a ccapaw Isak kha hythua a pya. Te Isak nynh Beer-lahai-roi khe khua a sah.

GENESIS 26:12

Isak nynh tuh-e ram kya ccacii ccou zah tuh-e kum kya aleit za kheit a rue. Bawipaw nynh amaw kha hythuapya zah,

GENESIS 26:14

Aning nynh tuuphu hae, vaetua phu hae te see patae a hoi keiccuze Filistin hae nynh a tungvaw eiungnaw a hoi hae.

GENESIS 26:24

Te tuh-e khuazi ccaccei khe Bawipaw nynh Isak kya langkuh zah, “Kae tuh na paaw Abraham Pachia nynh ka thua; rih nan, pawccecize nang kha kae umkhae zah, ka seepaw Abraham liate hythua kae pya cih zah na ciihan kha patae kae pungzaesah cih,” a cipya.

GENESIS 28:13

Te Bawipaw nynh Jakob pe thadyn zah, “Kae tuh na paaw Abraham Pachia, Isak Pachia, Bawipaw nynh ka thua; na inaw ram hynh namaw te na ciihan kalan kae pya cih oh;

GENESIS 28:15

Nang kha kae umkhae zah na ccianaw takyh kya kae rin cih, te e ram lang bua kae kikhae cih; pawccecize bya kae kinpyakupaw kha ka cyi kou makhia nang kha kae cciataw lan khyh,” a cipya.

GENESIS 31:3

Oute Bawipaw nynh Jakob kha, “Na minpaaw hae ram lang te na uno hae kalan ki ccavae, nang kha kae umkhae cih,” a ci.

GENESIS 35:12

Abraham te Isak ka pya hae paw ram kha nang kae pya cih, tuh-e ram tuh namaw koute na ciihan hae kha ka pya cih hae,” a cipya.

GENESIS 39:2

Bawipaw nynh Josef kha umkhae zah ahangkuhpaw ccungccaw lang a tang; te a bawipaw Izip ccungccapaw inn kya a um.

GENESIS 39:21

Thuasalama Bawipaw nynh Josef kha umkhae zah atynpaw sungsahnaw kha a muihsah, te thong uktupaw malang maehoynaw kha a pya.

GENESIS 48:21

Oute Israel nynh Josef kha, “Ka chih vae cih, thuasalama Pachia nynh nanning kha ae umkhae cih oh zah nae minpaaw hae ram lang bua ae cciakhae cih oh.

GENESIS 50:24

Oute Josef nynh a uno hae kha, “Ka chih vae cih, thuasalama Pachia tuh nanning kalan yn thua ccaccing cih zah Abraham, Isak te Jakob kya bya a kinkupaw ram langkhe e ram kyate ae cciakhae thung cih oh,” a cipya hae.

1 SHERIANAW 16:16

Abraham kya a raepaw byakinnaw, Isak kya a kinpyakupaw a byakinnaw,

The Psalms 105:8

A byakinnaw kha zungzae peki zah, kaw a pyapaw kha she thong kheit cia ning khyh,

The Psalms 105:9

Abraham kya a raepaw byakinnaw, Isak kya a kinpyakupaw a byakinnaw,

The Psalms 32:8

Nang kha kae thuihei cih zah na zui lanpaw laanpi kha kae ccangpah cih; nang kha tuanaw pyate kae do-oih cih.

The Psalms 39:12

Pou Bawipaw , ka sawsangnaw yn thaepah lah, ka siaruanaw yn ngaepya tua; ka mitphi lua lya daebabi lan yn umtaw nan. Ka minpaaw hae balyn hawte, kae tuh a cceih bungthungpaw na mikhia nynh ka thua.

EXODUS 2:24

Pachia nynh a hawkhaenaw hae roi kha thae zah Abraham, Isak te Jakob kya a la raepaw a byakinnaw kha a liathui.

EXODUS 3:12

Pachia nynh, “Nang kha kae umkhae cih; kae nynh nang kha kae saw cipaw namaw hanlan muihsahnaw tuh hynhte a thua cih: Izip ram kyate ccungccaw hae kha he na poukhae hae te, e mua vawlan hin Pachia kha na beik cih,” a cipya.

EXODUS 6:4

Minmin nynh ramccang hae hawte a umnaw hae Kanaan ram kha kae pya cih oh cite bya ka kinkupaw kha mah ka tynsah.

EXODUS 6:7

Nanning kha ka ccungccaw hae lante kae rae cih oh zah kae tuh nae Pachia ka thua cih. Kae tuh Izip hae kya-e phupaw ripaw kyate ae luesah oh paw Bawipaw nae Pachia nynh ka thua cipaw kha nae nyh cih oh.

EXODUS 6:8

Abraham, Isak te Jakob kha kae pya cih oh cite bya ka kinpyaku hae paw ram lungkhu lang kae cciakhae cih oh; khah-e ram kha naemaw ram lang kae pya cih oh. Kae tuh Bawipaw nynh ka thua,’ a ci cite na la hopah cih hae,” a cipya.

ISAIAH 43:2

Tui alepaw kha he na ke vae ze, na kya ka um cih; vawpi hae kha he na ke vae ze, ae vu lan khyh; maee lungkhu he na ccia vae ze, ae u lan khyh, maeephu nynh nang kha ae u kho lan khyh.

ISAIAH 43:5

Rih nan, na kya phang ka um; nithua langte na ciihan hae kha ka cciakhae cih hae zah, niccaw langte nang kha kae suelua cih.

MIKAH 7:20

Langmawlya kae minpaaw hae kya bya na kinku vae hawte, na lungzinaw kha Jakob kya na langsakuh cih zah, arulaekuh leipaw na sungsahnaw kha Abraham kya na langsakuh cih.

NAMBAR 23:19

Pachia tuh hynbya a ho hepaw ccungccaw thua khyh, a thinlung a paleihkuh hepaw, achihthyapaw ccungccaw thua khyh. Bya a kinpyaku vae paw kha cyih lan khyh tou? A ho vae paw kha ccingsah lan khyh tou?

DEUTERONOMY 1:8

Dotua oh, ram tuh nae malang ka nung vae; nae minpaaw hae Abraham, Isak te Jakob kalan te minmin koute mih ciihan hae kalan pya lan bya ka kinkupaw ram lungkhu lang tee oh lah, ram nynh a hoipaw kha lawkuh oh,” a ci.

DEUTERONOMY 34:4

Bawipaw nynh Moses kha, “E ram hynh Abraham, Isak te Jakob kya, ‘Nae ciihan hae kalan ka pya cih hae,’ cite bya ka kinpyaku hae paw ram nynh thua; Na mit te kae muihsah vae, thuasalama khuhlang raw na zua lan khyh,” a cipya.

FILIPI 4:9

Kamaw kyate na ccangku oh paw, na lawku oh paw, na thae oh paw te na muih oh paw kha la cyih oh, te daenaw Pachia tuh nae kya a um cih.

HEBRU 11:9

Byakinpyakupaw loram kyakhe ramccangpaw hawte zynnaw liate a um. Tuh-e byakinpyakunaw kha amaw ry, rhoccoutu athua hae paw Isak te Jakob ryte bu kya a um hae.

HEBRU 6:17

Tuhte Pachia nynh bya a kinpyaku hae paw rho a ccoutu hae tungvaw kya arulaekuh kho leipaw a khuakhannaw kha ccaerarih lan langsaku a ry keiccuze a byakinnaw liate a tynsah.