GENESIS 20:3 - Zotung Bible 2016

³ Thuasalama khuazi Abimelek a maan kyakhe Pachia nynh langkuh zah, “Nang tuh na umkhaepaw nopi keiccuze na chih cih; pawccecize aning tuh vawpaw hoi vae paw nynh thua,” cite Abimelek kha a cipya.

GENESIS 20:3 Iomraidhean Croise

GENESIS 12:17

Thuasalama Abram zu Sarai keiccuze Bawipaw nynh Faro te a inn um hae paw kya shethya kha a sawnua hae.

GENESIS 12:18

Tukeiccuze Faro nynh Abram kha ko zah, “Pawcce ka tungvaw hynh-e hynh na rae? ‘Aning tuh ka zu nynh thua,’ cite pawcce nae hopya khyh?

GENESIS 20:7

Atu Abraham zu kha amaw kalan bua pya ccavae; pawccecize aning tuh profeh nynh thua, aning nynh namaw hanlan saw ae sangpah cih zah na hiin cih. Thuasalama nang nynh amaw kha bua na pya khyh zetuh nang te na umkheih oh paw balyn na chih ccaccing cih oh cipaw kha nytua,” a cipya.

GENESIS 28:12

Te Jakob nynh maansah zah a maan kyakhe, nawkui ccangkheit tuh laephi vawlan duakuh zah adung tuh vaawlang phe a phah; Pachia kya-e vaawccungccaw hae nynh nawkui kya a kae, a rung bungthung hae.

GENESIS 31:24

Thuasalama Pachia nynh Aram ccungccapaw Laban kalan khuazi a maan kyakhe yn langkuh zah, “Jakob kya athya ahoy bya kaw kheit sang na ho khyh nawlan raeringkuh,” a cipya.

GENESIS 37:5

Vaekheit tuh Josef nynh maansah zah a maan kha a upaw hae kya he a hopah hae tuh minmin nynh amaw kha houh a hua vae hae.

GENESIS 37:9

Josef nynh ccangpaw maan kha bua sah zah a upaw hae kyakhe, “Ngaetua oh, ccangpaw maan kha bua ka sah vae: khuanin, sawpaw te awsi haw lae kheit nynh ka malang bakhungte yn la beik hae,” a ci.

GENESIS 40:5

Zi kheit tuh tuh-e thongccah hae paw Izip siapharan banang kyngtu bawi te sanlou raetu bawi nynh mimaw raveihte asuilan um kalang paw maan kha a sah kalang hae.

GENESIS 40:8

Minmin nynh Josef kha, “Maan kae sah zah oun leihpah khotu lu kheit sanmah um khyh,” a ci hae. Te Josef nynh, “Maan leih khonaw tuh Pachia te sekuh khyh tou? Nae maan tuh yn hopya tua oh,” a cipya hae.

GENESIS 46:2

Pachia nynh Israel kha khuazi vizin kyate, “Jakob, Jakob,” cite ko zah Jakob nynh, “Hein kya mang ka um,” a ci.

1 SHERIANAW 16:21

minmin tungvaw tuaasahnaw rae lan, aning nynh humhung sanmah ua khyh; minmin keiccuze siapharan hae kha pe hae zah,

JOB 33:15

Ccungccaw hae nynh mih ikhung vawlan thuhbabu lan a i lya hae khe, mih maan kya, khuazi vizin kyakhe,

JOB 33:17

Tuh-e tuh Pachia nynh ccungccaw hae kha mih cyisahnaw kyate maeleihsaku khylan, lysakunaw kyate thungkhaw khylan,

The Psalms 105:14

minmin tungvaw tuaasahnaw rae lan, aning nynh humhung sanmah ua khyh; minmin keiccuze siapharan hae kha pe hae zah,

JONAH 3:4

Jonah tuh khuapi lungkhu lang tee zah, nin kheit he a cceih te, “Nin sung pali aro koute Nineveh khuapi tuh aroh cih!” cite a sia.

NAMBAR 22:9

Pachia tuh Balaam kalan yn thua zah, “Na kya um hae paw hynh hung hae mou?” a cipya.

MATTHAI 1:20

Thuasalama tuhcite a tuaku lyakhe a maan kya Bawipaw vaawpaw nynh yn langkuh zah, “David ccapaw Josef, na zu lang Mary hoiku lanpaw kha rih nan. Pawccecize aning nynh a poipaw ccaaw tuh Thyaa Muisaw liate nynh a poi.

MATTHAI 27:19

Pilat tuh byapianaw tungkhung vawlan he a haung tuh, a zu nynh ccungccaw yn saw zah, “Khah-e midingpaw kha pawpaw mah la cyih nan; pawccecize khah-e paw keiccuze atazi ka maan kya myarya ka teing,” cite bya a taw.