GENESIS 2:3 - Zotung Bible 2016

³ Tukeiccuze Pachia nynh nin sarinaw nin kha hythuapya zah taekhia lante a thyaasah, pawccecize tuh-e nin khe Pachia nynh a raepaw raenaw balyn kha thangsah zah a haeung.

GENESIS 2:3 Iomraidhean Croise

GENESIS 1:31

Pachia nynh a raepaw atyn-are kha myarya ahoy ccaccing cite a muih. Te zete thang zah awkhua yn thua—tuh-e tuh nin taruhnaw nin nynh thua.

GENESIS 2:2

Te nin sarinaw nin khe Pachia nynh a lawpaw a ryalaw kha a thangsah, te a lawpaw a ryalaw balyn kyate nin sarinaw khe a haeung.

GENESIS 2:4

Hynh-e hae tuh Pachia nynh vaaw te lae a raenaw konglang nynh thua. Bawipaw Pachia nynh vaaw te lae kha a rae nin khe,

NEHEMIAH 9:14

athyaapaw na sabbath kha na nysah hae zah kawbya hae, phunglang hae te phungbya kha na ryalahtu Moses kyate na pya hae.

EXODUS 23:12

Nin taruh lungkhu na ryalaw kha na lah cih, thuasalama nin sarinaw nin kya na haeung cih, tuhteze tuh na tangnuapaw te na lann nynh haeungnaw a mue cih hae zah, na inn kya a puipaw see te ramccang ccungccaw mah mih thaw bua athua cih.

EXODUS 34:21

Nin taruh lungkhu rya na lah cih, thuasalama nin sarinaw nin kya na haeung cih; looh ccou ccyh kya te rue ccyh kya zemah na haeung cih.

PHUNGTANGBYA 10:22

Bawipaw hythuanaw nynh hoirumnaw kha thuakhae zah, tuh-e hoirumnaw kyakhe ngaethyanaw kha pybia khyh.

EZEKIEL 20:12

Tuhpiaze kae, Bawipaw nynh minmin kha ka thyaasah hae cipaw a ny nawlan hae, kae te minmin laku muisahnaw lante ka sabbath hae kha ka pya hae.

LEVITIKAS 23:3

Nin taruh lungkhu ryalaw law athua cih; thuasalama nin sarinaw nin tuh daebabi lan haeungpaw sabbath nin, athyaapaw pumkunaw nin athua cih; ryalaw na lah lan khyh oh; e nin tuh nae umnaw takyh kya Bawipaw hanlan sabbath nin nynh thua.

MARKA 2:27

Jesu nynh, “Sabbath tuh ccungccaw hanlan raepaw nynh thua, ccungccaw tuh sabbath hanlan raepaw thua khyh.

LUKA 23:56

Minmin tuh ki hae zah amynkhuhpaw te zimuin kha a paccyn hae. Sabbath nin kya tuh kawbya thyhte a haeung hae.