GENESIS 1:3 - Zotung Bible 2016

³ Oute Pachia nynh, “Awnaw um sah,” ci zah awnaw tuh a um.

GENESIS 1:3 Iomraidhean Croise

GENESIS 2:4

Hynh-e hae tuh Pachia nynh vaaw te lae a raenaw konglang nynh thua. Bawipaw Pachia nynh vaaw te lae kha a rae nin khe,

JOB 36:30

Dotua, a pepan khe a awnaw kha pazaesakuh zah, rili kaw akhu huanaw kha mah phe a bong.

JOB 38:19

“Awnaw a umnaw hmin kalan ccianawpaw laanpi tuh teimou a um? mohnaw hmin so teimou a um?

The Psalms 104:2

awnaw kha boeining hawte na zingku. Vaawlui kha boeibu hawte tharae na daw zah,

The Psalms 118:27

Bawipaw tuh Pachia thua zah, aning nynh awnaw kha oun pya vae. Nae kuih te thingnge kha ccyngkute poi kha tho oh lah, silawhang kha po koihlu oh.

The Psalms 148:5

Minmin nynh Bawipaw min kha thehoysah hae sah, pawccecize aning nynh kawpya zah, minmin tuh rae athua hae.

The Psalms 33:6

Vaawlui tuh Bawipaw bya liate rae thua zah, vaawlui kya umpaw balyn tuh a khalang kya-e hy liate rae athua.

The Psalms 33:9

Pawccecize Bawipaw nynh ho zah, laephi tuh yn um; kaw a pya thyhte tynkaring lan a thadyn.

The Psalms 97:11

Awnaw tuh miding hae hanlan aw zah, lungtuanaw tuh thinlung ading hae paw hanlan a aw.

ISAIAH 45:7

Awnaw kha ka rae zah, mohnaw kha mah ka rae, hiin hoynaw kha ka rae zah, ngaethyanaw kha mah ka rae. Kae, Bawipaw nynh atyn-are balyn hynh ka rae.

ISAIAH 60:19

Khuadae kya khuanin tuh na awnaw thua vae lan khyh zah khuazi kya sawpaw nynh awnaw ae pya vae lan khyh; pawccecize Bawipaw tuh zungzae tynpaw na awnaw athua cih zah, na Pachia tuh na phu-enaw athua cih.

MATTHAI 8:3

Jesu nynh a kuih dyng zah tuh-e paw kha hae zah, “Ka ry, thyaa ccavae!” a cipya. Vaekheihmawte a vaethya ccinaw tuh phe athyaa.

JOHAN 1:5

Awnaw tuh mohnaw kya a aw, thuasalama mohnaw nynh tuh-e awnaw tuh the kho khyh.

JOHAN 1:9

Tuh-e ahmepaw awnaw tuh laephi vawlan yn thua zah ccungccaw miakaw kha a awsah.

JOHAN 11:43

Tuhcite Jesu nynh a ho koute, “Lazaruh, yn pou!” cite thawte a sia.

JOHAN 3:19

Byapianaw tuh hynhte nynh thua; awnaw tuh laephi vawlan hin yn thua, thuasalama ccungccaw hae tuh mih cyisahnaw ahoy khyh keiccuze awnaw laeze mohnaw kha a ryhua hae.

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

EFESA 5:14

Tukeiccuze Pachia nynh, “A ihpaw nang, tho ccavae! Chinaw kyate thoo lah Khri nynh nang kha awnaw ae pya cih,” a ci.

EFESA 5:8

Pawccecize langmawlya nanning tuh mohnaw nynh na la thua oh, thuasalama atu tuh Bawipaw kya awnaw nynh na thua vae oh; tukeiccuze awnaw ccaaw hae hawte hiin oh.

1 TIMOTE 6:16

Amaw rou nynh chi kho leinaw a hoi, hum nynh san a naeku kho leipaw awnaw kya a umpaw nynh thua; amaw kha hum nynh san muih boi khyh zah muih kho khyh; sawtuanaw te zungzae thungnaw tuh amaw kya um sah. Amen.

1 JOHAN 1:5

Amaw kyate kae thae zah nae kalan kae hopya oh paw bya tuh hynh-e nynh thua: Pachia tuh awnaw thua zah amaw kya mohnaw kharouh um khyh.

1 JOHAN 2:8

Amaw kya te nanning kya ahmepaw kawbya thawpaw kha nae kalan ka zei, pawccecize mohnaw tuh zo zah ahmepaw awnaw tuh atu a aw vae.